الله يتمم عليها وتولد بسهاله انشالله وتفرح بضناهاا ياااااااااااااااااارب بشرينا لاولدت اوكي:teeth_smile:
الله يسلمج اهات فدييييييييييييتج ابشركم اختي امس سوت العمليه والحمدلله طلعت بالسلامة والبيبي شوية تعبان عشان داشه ماي بالرئه من البطن .. حياتي اهوة والله يشفيه ويفرح امه فيه وتصدقون العمليه بالحكومي اسهل وايد من الخاص؟ والله ما شاء الله تبارك الرحمن اختي فيها شده وتسولف .. بالخاص بنجهم الظاهر قوي تظل يومين متخدرة ومن تقعد مالها خلق تتحرك .. الحمدلله الله سهل عمليتها وانتو بنات طمنونا عنكم وينكم قاطعين
السلام عليكم حبيت اشارك معاكم صارلي الحين شهرين ونص حامل ادعولي الله يثبت حملي ثاني حمل لي وموعد ولادتي انشالله بيكون 17-12 واراجع عند الدكتوره اميره البهبهاني الجمدالله مرتاحه عليها
هلا حبيبتي الحمدالله على سلامتها والله يشافيه انشالله وتفرحون فيه معرس:teeth_smile: يمكن عشان بالخاص تاخذ بنج كامل اما بالحكومه لا بنج نصفي؟صح ممممم اخباري فيني شوية عوار تحت سرتي صوب الرحم وراح لحمدالله احس بحركة البيبي اكثر من اول وانتي شخبارج
وعليكم السلام والرحمه حياج الله انا كنت اراجع عندها بحمالي الاول تهبل حاليا يمدحون سونارها يقولون من اول اشهر تعرف نوع الجنين من الحوض ماله:teeth_smile:
الله يسلمج مها .. ويفرحج بعد في بيبيج الف مبرووووك الحمل وحياج الله ويانا عضوة يديده في تجمعنا والله يسهل علينا يا رب وخلينا نعرف اخبارج واخبار كرشتج اول باول :wink_smile:
الله يسلمج حبيبتي اهااات ... ويفرحج في بيبيج ... الحكومي يخيرونها اذا تبي بنج كامل ولا نصفي واهي تختار .. بس نصيحه الدكتور مال البنج لها انها تاخذ نصفي وكانت خايفة بس الحمدلله كان فعلا صاج بكلامه . بعد العمليه قاعده لا صدرها عورها ولا دايخه نفس كل مرة .. الخاص طبعا يسوون بنج كامل لانهم يدورون الفلوس بأي طريقه ... اما عن نفسي انا الحمدلله كل شي تمام وبديت احس بحركة البيبي اكثر بعد بس المشكله ان ريولي وارمه من الحين .. والدكتورة تقولي كله رفعي ريولج فوق لا يصير فيج زلال قلت من الحين صار جذي عيل بالتاسع اشلون :frown: .. اصير تفاخيه لما يتحرك البيبي واحس فيه اقول فدييييييييييييته بيبيي كل شي يهون حتى التعب عشانه .. الله يحفظه لي ويخليلكم بيبياتكم ... واي احس اني قرقه ههههه .. يلا بنات طمنونا عليكم
فديتج لاقرقه ولاشي ياحلو سوالفج صح البنج النصفي احسن من البنج الكامل الله يتمم عليج وعلينا انشالله ايه رفعي ريولج وانسدحي عيل بالتاسع شلون؟؟:mskket: الله يعينج والله بسالج ياقلبي عندج سونار اول شهر سويتيه وثاني شهر؟؟؟؟؟:teeth_smile: انتي قالولج ولد صح ؟ شوفي اول اشهر الاول والثاني والثالث اذا جيس البيبي دائري وبيضاوي بنوته اما سبحن الله اذا هلالي اوشكل موزه ولد انتي شلون كان جيس البيبي لان الحين مايبين الجيس خلاص كبر اما بالاشهر الاولى امبلااااااا
هلا حبيبتي اهات اي انا فيني ولد ... السونارات اللي طافت قعدت ادقق فيها ما يبين شكل الجيس .. بس بالمراجعه بسال الدكتوره واشوف شتقول وعلي كلامج يعني من اول شهر يعرفون الجنس .. يمكن مو عند الكل سبحان الله ... انا بطني متيبس اليوم مادري من شنو ... واحس نغزات تحت بطني ... وخايفه ... الله يستر من قريت بالنت عن موت الجنين وانا خايفه صرت اوسوس اعوذ بالله اسم الله علي بيبيي الله يثبته ويطلعه كامل ومتعافي ... ادعوووووووولي بنااااااااااات
هلا حبيبتي اسم الله عليج وعلى البيبي انا نفس حالتج اقوم من النوم على نغزات عوار ويبس مودري ليش؟؟هالايام بسوي سونار وبتطمن عالبيبي
قوة كروشات ... شخباركم هذي اول مشاركه لي معاكم وحبيت اسولف معاكم شووي عن الحمل وثقله المهم هذي ثاني حمله لي وانا الحين بالشهر السابع وماجهزت شي ليلحين جني اول مره اجهز للبيبي مادري اشفيني الظاهر تمللت هههههههههه بس ان شاءالله ببدي من هالشهر وبشتري ملابس البيبي واغراضها ... بس الله يعيني على الثقل صايره مالي خلق امشي او اسوي مجهود مادري اشلون بجهز ... ؟ عموما الله يعييين وويسر اموري على خير
هلا والله وحياج الله ويانا الله يسهل عليج ويعينج على الثقل بس هاااااانت قربتي .. احنا مطولين وجهزي من الحين احسن لا تثقلين اكثر وتتوهقين انا عني امي وخالتي ام ريلي وفرو علي ))) قالولي اهمه يجهزون للبيبي كل شي وامي تجهزلي شغلات الولاده .. بصراحة مادري شنو احتاج وشنو اييب .. قلت احسن امي تعرف وتوفر علي ويعجبني ذوقها ووااايد تبدع وتطلع شغلات يديده فأنا مرتاحه بس ))
