د / ابراهيم العنزي

سلام عليكم
حبيت اسالك يادكتور وش الاكل الي ياكله الي مسوي عملية سليف وصارة 3اسابيع غير الماي والعصير وهل المعدة ترجع تكبر بعد كم سنة وشكرا لكم

اول اسبوعين سوائل شفافه
ثاني اسبوعين سوائل غير شفافه
ثاني شهر تبي بالصلب مع كثرة المضخ - واذا صعب تسوي الاكل مهروس

ماعندك سمنة مفرطه وماتحتاجين اتسوينها

سلامتك

دكتووووووووور الله يعافيك بجم عمليه البواسير لانه بروياااااااااال اكلنك 600 دينار وايد غاليه اشدعوه يلريت اتسوي فيني معروف ودلني علي احد من معارفك او تنصحني اروحله لانه حالتي والله صعبه واااااااايد ويعطيك العافيه دكتور

600 سعر زين لكن راسلينا عالخاص ونناقش الخيارتا اللي عندك
وماتشوفين شر

السلام عليكم دكتور ...

حبيت اسألك ... ماهو وزن اسمن شخص سويت له او لها عمليه لغايه الان ؟ وشنو نوع العمليه ؟ وهل واجهتك صعوبات ؟؟

مشكور عالرد مقدما وعساك عالقوه ...

اسمن واحد الي الان 190 كج وسويت له سليف / تكميم ( لانها هي العملية المفروض تنسوي بالبداية لكل من تجاوز الاوزان الكبيرة جدا )
العملية مشت سهالات بحمدالله وبدون اثار جانبية للمريض والحين واصل وزنه 120 وراح ننطر لما يستقر وزنه واذا استقر علي سمنة مفرطة ممكن انعيدله السليف او انسوي تحويل مسار ..

ماشاء الله 70 كيلو نزلهم بسنه والا اقل ؟ وهل بالامكان تتسوا السليف مرتين ؟؟

شاكره لك دكتور

نزلهم بسبعة اشهر - بس كان عالسوائل اغلب الاوقات
والسليف ممكن تنعاد اذا صار في شويت توسع

يمكن اسئلتى كثيره بس ما عليه دكتور تحملنى لان اول مره ادش منتدى القى دكتور يجاوب مرضاه بكل رحابه صدر ولا يطنش البريد ما شاء الله عليك عسى الله يوفقك ....

دكتور هل تواجهك صعوبه من وجود الكبد عند قص المعده ؟ واذا لا سمح الله حشت الكبد شنو راح يصير ؟ وهل مده العمليه ساعه بالضبط اذا ما كا هناك اي مضاعفات ؟ وهل البربيش ضروري لان في دكاتره ما يحطونه ؟؟

شكرا لك ...

لما نتلاقي بالعيادة نجاوب علي كل اسئلتك ومايصير خاطرك الا طيب انشالله
ماتشوفين شر وسلامات

شكرا جزيلا لك ... ادري تعبتك ... السموحه ... عسى الله يوفقك .... ان شاء الله اذا قررت وما باذني ماي اتصل في العياده ونحدد موعد ...

يعطيك العافية..دكتور انا استشفيت من كلامك..يعنى فهمت ان عيادتك تعالج السمنة ..يعنى عيادة تغذية..ولا انا فهمت غلط؟؟

نعم نقدر بس حاليا ما اقدر استقبل الا مرضي الجراحة بسبب الزحمة ..

مرحبا دكتورر
شالفرررق بحبووب السكرر ((الكلوفااج - ميتاافاج)) واثينهم حبوب سكرر
وانا متينه وماحس اني ضعفت عليهم وطريقه استعمالهم ورا الريووق والغداا والعشااء
وانت كااتب ينوخذون قبل الاكل بنص سااعه ((يعني انا طريقتي غلطط )) وانا فيني سكرر يعني ماخذهم علشان انزل من وزني لا اخذهم كعلاج

الاخت / بطه رشيقه

تم الرد عالبريد الخاص

وحياك الله

دكتور انا اللي قلت لي انسب شئ لك بالون معده مااحد رضى يسويها لي مع ان وزني 93كلغ بس طولي 170 بس قهرني الدكتور قال وزنك مو زايد عن الحد الطبيعي 3 اضعاف لامماتحتاجين بس رياضه وريجيم يكفي قلتله انا مانزلت لابريجيم و لاغيره ورفض ماني عارفه شسوي ومشكور

راسلينا عالخاص نحاول نرتب لك ومايصير خاطرك الا طيب انشالله

هلا دكتور ابراهيم
حبيت اهنيك على روحك الطيبه وتعاونك مع الجميع
بصراحه الكل يمدحك بمستشفى مبارك وحتى المرضى اللى عالجتهم من يومين حشينا فيك (بأخلاقك وطولت بالك)
موفق ان شاء الله والله يكثر من امثالك

السلام عليكم ورحمة الله وبركاته
يعطيك العافيه يا دكتور ,

دكتور امي صارلها تقريبا شهر جهة اليسار من رقبتها الا اصبع ريلها اتحس في شي ياكل بعضمها عوار
مو طبيعي معاها رحت حق كذا مستشفى ماكو فايده اخر شي قلنا لها روحي دار الشفا يوم راحت قالها الكتور ابيج اتسوين رنين مغناطيسي واهيه ما تقدر اتسويه لان نفس التابوت شكله واهيه معاها ربو ما تستحمل هالجهاز قالولها في واحد مفتوح المهم راحت شافت الجهاز ودشت عشان ياخذون لها رنين مغناطيسي ما قدرت تستحمل واختنقت وارتفع ضغطها مع ان انا امي مو وايد كبيره بالسن توها بال 40 وقالوها لازم انخدرج وما يصير تتخدر لان فيها ربو تختنق لان واهيه واعيه جسمها ما استحمل الجهاز شنو بيصير فيها اذا كانت متخدره وحطينه لها خدامه بس حق مساج اتسويلها وماكو فايده بليز اذا اتعرف شي يا دكتور يفيدها بليز لا تبخل علي لان جد مسكينه مو قادره تنام اللي تقوم وتنام واهي تبجي من العوار وصل لي ظهرها​