د / ابراهيم العنزي

دكتور انا لي ملف بمستشفى الجهراء لاني من سكانها بس من فتره قصيره انتقلت الى منطقة الفروانيه وباذن الله تكون لي مراجعه لديكم
يعطيك العافيه وماقصرت يادكتور ابراهيم

حياك الله والعيادة كل اثنين ونتواصل عالايميل باذن الله

وتولدين بالسلامه

السلام عليكم


دكتور امى فيها جيوب انفية ولحمية وتبى تسوى عملية تشيلهااا

شلووون

وانت تقدر تسوى لها العملية وجم يووم وتطلع


وووين عيادتك


وشكرا

والله حلو كذا تمام

سلامت الوالده وما تشووف شر ..

جيوب انفية مو تخصصي . ان اختصاصي جراحة سمنة , جراحة الجهاز الهضمي وجراحة المناظير وجراحة الاورام والثدي والغدد.

لكن تقدرين تواصليننا عالخاص ونحولك علي من نثق فيهم باذن الله والاخوه الزملاء ما يقصرون .

مشكوره عالمرور

شكراا يا دكتور على ردك

والدكتور اللي اراجع عنده معطيني نظام غذائي مثل اللي قلته مشويات وسلطات وفواكه بس معطيني توسته وحده مع الريوق وانا الحين سجلت بنادي لمده شهرين والله كريم ان شاءالله واخسر الوزن الزايد وباذن الله ابلغكم بالنتائج

وشكراا لك ويعطيك العافيه​

الاخت / دنيا الحسايف

شكلك انشالله علي الطريق الصحيح ... احنا في هذي الصفحة بالمنتدي كلنا بنشجعك ونتابعك اون لاين .. كل يوم جمعه دشي وقولي لنا كم نزلتي عن 82 وانا متأكد ان كل الاخوات يبون يتابعونك بعد بس عشان اتحسين انك مو بروحك وانها بسيطه انشالله ... بس طبعا لاتنسين الل 65 موو ننزل اكثر من زوود الحمااس ,,..

الله يوفقك واحنا ورااك ...

والحين كافي تواصل ونكمل علي استفساراتكم وتواصلكم لاحقا
ونشكر لكل الاخوات اللي تواصلو معانا انشالله عمت الفائده ..


( اللهم انفعنا ما علمتنا وعلمنا ما ينفعنا )


​

السلام عليكم ورحمت الله


نشكر تواجد الدكتور ابراهيم في منتدانا واعطائه لنا من وقته....




انا حبيت استفسر عن المنتجات اللي نزلت بالاونه الاخيره بالاسواااق والموجوده بأرخص المحلات والموجوده ايضا بالحواويج....



واهيا حبوب للتفخ وتكبير الارداف فقط

وحبوب اخرى لتكبير الصدر فقط

وحبوب تعمل على تكبير ونفخ جزئ معين من الجسم.........!!

وحبوب تعمل على التبييض .....!!


واهيا عباره عن حبوب اندونيسيه او حبوب فلبينيه او صينيه...


ويقولون التاجرات انها فقط تعمل على نفخ وتكبير المكان المعين فقط دون ان تؤدي الى زياده بالوزن او سمنه !!


برأيك يا دكتور هل هالكلام صحيح؟؟ انا عن نفسي ما دخل مخي !!



وهل يوجد حبوب تعمل على تكبير ونفخ مكان معين بالجسم بحد ذاته دون الجسم كله؟؟؟



وما هي الاثار الجانبيه على المدى البعيد والقريب؟؟




وشكرا

حياك الله دكتور ..
انا بس حبيت استفسر عن حبوب الجلوكوفاج .. هي اصلا تستخدم لمرضى السكر
و انتشر كثير استخدامها لإنقاص الوزن ..
هل هي مضره للي ما عندهم سكر ؟؟
وايضا حبوب رديكتل .. شنو رأيك فيها؟؟
ولك جزيل الشكر يا دكتور..​

حـيــاااااك الله دكتور إبراهيم ..

و الله يعطيك العااافية ..​

يعطيك العافية دكتور ابرهيم العنزي

واسعدتنا بتواجدك معانا بالمنتدى




دكتوور انا وزني حاليا 83


وسابقا وزني 67 من بعد عمل رجيم عن طريق اخصائية تغذية


ووزني ثبت ل 67

والان وصل وزني 83 وماني قادرة ارد مثل وزني السابق


وبصرااحة حابة يوصل وزني 60 او 55 على الاقل فهل تنصحني بعملية تحويل مسار او تدبيس للمعدة


او عملية جراحية


طولي153


وحاليا وزني 83


ومن الدكاترة ممكن اترشح عنده لأنزال وزني واوصل للوزن المناسب على يده من دكاتره محافظة

العاصمة " الدوحة "


مع كل احترامي وتقديري لك 00



واسفه عالاطاله وتقبل مروري000

حياك الله دكتور ويعطيك العافية

اسعدنا انضمامك الينا دكتور وان شالله نستفيد منك بما انك غني عن التعريف ويلكم دكتور

مرحباااا

دكتور ابراهيم

ويعطيك العافيه ولاهنت

دكتور الله يعااافيك حبيت استفسر عن حبووب الزينكال ,,,

هل لها اثار جانبيه ,,؟؟ وتنصح فيها ولا لا,,, ؟؟؟

ويااليت تقولنا عن طريقه صحيه لسد الشهيه بدون حبووب ولا ادويه,,, وجزاااك الله خير ,,,

السلام عليكم :دكتور انا وزني 115 وطولي 165 والاقى صعوبه فى كل شئ الصعود والنزول من السلم الوقفه كثيرا تتعبني المشى يزيد من تورم رجولى وما ادري شنو تنصحني فيه الحمدلله مافينى لا سكر ولا ضغط وسويت تحليل شامل قالى مافيك شئ ونسبة الهومجلوبين جيده وانا محتاجه لمساعدك وشكرا

انا عمري 44 سنه ووزني 70 هل هو طبيعي ومتزوجه وعندي بنتين وطولي 166 يعني هل استمر على تثبيت هالوزن وثاني شي انا عندي ارتجاع مريء من حوالي 6 سنوات وعملت اشعة ملونه وسونار وقالوا لي الدكاترة ضعف في عضلة المريء ومعاها عندي حموضه واستعمل علاج نيكسيوم 40 ملغرام عند اللزوم من حوالي 5 سنوات وارتاح مع نوعية هالحبوب وسالت دكتوري للباطنيه قال لي ان هو يستعمل حبوب النيكسيوم من 19 سنه وماعنده اي مضاعفات وانا برضو لما اكل الحبه ارتاح واقعد حوالي اسبوع ما اكل الحبه افيدني الله يجزاك كل خير

حياك الله دكتور معانا

حياك الله دكتور ويعطيك العافية

ادري موضوعي تافهه بالنسبه للمواضيع الي طرحت


انا كنت ضعيفه طبعاااااا قبل لا اتزوج ف يبت اعيالي كلهم الثلاثه العمر ما بينهم سنتين بالضبططط الاول والثالث قيصريه ام الثاني طبيعيه ولادته، صارلي من ولدت الثالث سنتين انا ضعفت الحين وجسمي مثل اول بس مشكلتي بالكرشه والخطوط البيضه والترهلللل شسوي :emoticon_U:


ماااابي عمليات ابي شي طبيعي وعلى فكره ترا عندي الديسك ف مااقدر على اجهزة الانديه ولا تقولي رياضة البطن لان الديسك يعورني اذا سويت هالرياضه يمكن بتقولي المشي مو مشكله امشي بس بنطر البراد ولكن في شي غير اني اطلع من البيت واتمشى عساس اصير عند اليهال على طول ، يعني كريمات مثلا ، شي عندكم بالمستشفى بالصيدليه اتوزعونه مجاني :teeth_smile: يعني ، او شي ينباع برا نبي سريع وسهل مثل كتب مطاحن الدقيق للطبخ سريعه وسهله تكفىىىىىىىىىىىىىى :sad_smile:


مشكووووووووووور وماجور ان شاء الله​

السلام عليكم
مرحبا بالأخ الدكتور ابراهيم
سؤالين فقط من فضلك
1-هل تعرف منتج paiyouji وهو عبارة عن اكياس صغيرة فيها بودرة تذاب في ماء مغلي وتشرب على الريق وهذة صورته
http://www.up-images.com/uploads2/images/images-9fddc28cec.jpg
هل له اثار جانبية؟