د / ابراهيم العنزي

الله يسلمك ويعافيك .... مشكووره عالمروووووور

كلارينول يعتبر حمض دهني يعمل علي منع امتصاص بعض الدهنيات من الاكل .. يعتبر مكمل غذائي طبيعي موجود بمنجات الالبان واللحم الاحمر .
لا يوجد له اي اثار جانبية تذكر ومعروف بأن فعاليته قليلة .

وشكرا عالمرور

دكتور اول شي ارحب في وجودك وتحملك لنا والله يعينك على اسئلتنا
دكتور انا حالتي احسها غير انا حدي تعبانه وزني الحين 90 وطولي 156 وانا حامل بالشهر التاسع انا اول ماتزوجت كان وزني 62 وفجاه متنت متن موطبيعي واسوي رجيم ماكو فايده زدت 20 كيلو بسنه تخيل دكتور تعبت صار وزني 82 وعقب ماشفت الوضع قلت يمكن فيني خربطت هرمونات وسويت تحاليل طلع معاي الغده خمول بالغده واخذت علاج بس للحين ماضعفت واحس شعري طاح وجسمي ترهل وعوار راس خمول شديد كثرة النوم وكرهت حياتي وانا هذي حمالتي الثالثه وفوق كل هذا حبوب منع الحمل مامشت وياي يسبب لي نزيف وعلشان جذي موقادره اسوي اي شي ابي تفيدني لانه بعد اسبوعين انشالله ولادتي وشكرا واسفه على طول الرساله

مشكور يادكتور ما قصرت وسويت بحث سريع وطلع معاي ان سقوط الكلى
من الامراض المكتسبه وهذا النص :
سقوط الكلى :
أى نزول الكلية عن مستواها فى الجسم وتظهر بعد الريجيم القاسى نظراً لاختفاء الدهون حول الكلى وتسبب مشاكل مغص كلوى مع التواء بالحالب وتعالج بزيادة وزن المريض مرة أخرى.

جزيت خير على الوقت والجهد ومستفيدين جدا من المعلومات القيمه ..​

هلا بك و غلا

مرحبا بك الف و مليون
ويسلم راس من دلك علينا

وان شاء الله تستفيد وتفيد..
وتبدعنا بقلمك المنتظر

وكلنا في انتظار مشاركاتك…
اطيب التحيات وارقها…

السلام عليكم
يعطيك العافيه دكتور:
أنا أعاني من فتاق بين مفصل الفخذ والحوض وأحيانا أشعر بألم مثل الوخز به
فكيف تكون العمليه؟
وما الآثار الجانبيه بعد العمليه؟
علما بأنني شديدة الخوف من عمل العمليه لسماعي عن فشل الكثير بعملها..
وشــــــكرا

دكتوري العزيز انا طفلي يعاني من اسهال منذ ولدته حتى دخول الشهرالرابع وقد تم اجراء منظار له وقالوا إنه

يعاني من عدم امتصاص الامعاء وقال الدكتور يعني فشل في الامعاء ويتم تغذيته عن طريق tpn
وكان الاسهال في بداية الامر مثل الماء تماما اما الان اصبح مثل المرهم او مثل الجل علما بأني قد ولدته في نهاية الشهر الثامن ولم يكمل التاسع وتم اعطاءه حليب صناعي ...

سؤالي هو كيف يتم معالجة ابني وإن كان عن طريق العمليه!فما نسبة النجاح فيها؟؟؟؟؟؟

وأريد معرفة اعراض فشل الامعاء عند الطفل كيف تكون؟؟؟

وهل هذا المرض وراثي؟لان الأطباء اخبروني بأنه مرض وراثي ...رغم انه لايوجد من اصيب بهذا المرض في عائلتي ابدا...

وهل استطيع الحصول ع رقم الخاص....لاشرح لك حالته بالتفصيل..لانه هذا جزء من حالة ابني



وجزااااااااك الله خير ع جهودك المباركه وجعلها الله في ميزان حسناتك​

ودعوااااااااااااااااااتكم له بالشفااااااااء

اخت فراوله ... سلامات
انتي كتلة جسمك تقريبا 35 واذا ماعندك امراض ناتجه عنالسمنة فلا ننصح بالعملية ..
طبعا جمول غدتك الدرقية لها دور ببداية السمنة عندك ,ممكن في مثل هذي الحالات نجرب نزيد جرعة الهرمون لان بعض المرضي ينزل معاهم الوزن لكن تحتاجين اشراف دقيق .. متي ما تولدين بالسلامه انشالله راجعينا بالعياده وما يصير خاطرك الا طيب ....
دير بالك علي نسج وماتشوفين شر .... واصلينا عالايميل
شكرا عالمرووور

الله يجزيك خيررررررررر كلااامك صحيح مية بالمية وكانت هالسالفه رايحه عن بالي .. لان لله الحمد ماصارت معي وانشالله مااتصير ..
الحاله هذي تؤدي الي قصور بالدوره الدمويه للكلي



ومشكوووره عالافااادة

هلا بك اخت / طموح ومرحبا فيك وبجميع الخوات كلك ذوق ومشكوره عالمرور

اخت / الماس ثلجي

حالتك يا اختي بسيطه انشالله صج تعتبر نادرة عند اغلب الجراحين لكنن اعتبرها روتينيه وبحكم خبرتنا من كندا مر علينا حالات كثيرة مثل حالتك وعمليتها بسيطه .. اتطلعين البيت نفس اليوم او ثاني يوم يعتمد علي حجم الفتاق ...
مضاعفات العملية قليله وماتذكر بس تعتمد علي خبرة الجراح ...
ملاجظه : اتوقع مخوفينك من العملية لان اغلب الاطباء ما شافو حالات كثير منها . بس لما نقعد راح نفهمك المشكلة وحلها .
مرينا بالعياده بمستشفي الجهراء - وسوي موعد عندنا وما يصير خاطرك الا طيب - يرجي جلب معاك كل الفحوصات -
راسلينا عالخاص لترتيب موعد

وما تشووفين شر

مساء.الخيردكتوووور
بغيت.اعرف.شلوون.اضعف.زنودي
مع.العلم.اناطولي163ووزني70ومومبين.علي.بس.زنودي.فيهامتن.وابي.طريقه.طبيه.اضعفهم
ومع.ااشكرا

اخت / سنا الالماس

الله يشافي ولدك وجميع اولاد المسلمين ...

طبعا انتي عارفه هذا مو تخصصي لكن الواحد ما يقدر يشوف طفل يعاني ولا يبذل معاه اللي يقدر وانا راح احاول اساعدك من معلوماتي الطبية العامة ومن خبرتي بالعمل باوربا وامريكا .. انا طبعا ماعندي معلومات كافية عن حالة الولد بس السؤال هل يحتاج الي زراعة للامعاء ومتي .. طبعا ماعندنا بالكويت احد متخصص بهالمجال بس لاتنسين ان امريكا فيها واتوقع ان حالت ولدك تحتاج علاج بالحارج والله اعلم .. لذلك راسلينا عالايميل ورتبي لقاء بيني وبين والد الطفل ومعاه كل التقارير وندعو الله ان يهدينا علي حل ..... قولي انشالله

السلام عليكم
دكتور أنا صارلي ثلاث أيام أحس بألم في أعلى البطن على فترات متقطعة
وراجعت المستوصف ووصفلي أدوية لإزالة الانتفاخ بس لازال الألم موجود
شنو ممكن يكون ؟
وشكرا

السلام عليكم
دكتور ابي اسئل عن عملية شفط الدهون انا فيني سمنه بس مو وايد يعني قليل بس عندي البطن اكبر شي فيني ابي اسوي عملة شفط دهون فقط يعني مو شد البطن لاني جسمي مشدود والسؤال الثاني ابي اسئل عن عملية غسيل امعاء او قولون هل هي مفيده للجسم انا سويتها وارتحت وقالتلي الدكتوره سويها بعد 3 شهور هل هذا صحيح ؟؟
وجزاك الله كل خير

من الاسباب الشائعه هي التهابات وتقرحات بالمعده او الاثني عشر . وحصي المراره , التهابات الكبد والبنكرياس

الفحوص المطلوبه
استشارة وفحص عيادي
فحوصات دم الروتينيه الشامله
اشعة صدر
سونار للبطن
منظار معده

بعض المرضي ما يفضلون عمل الفحوضات الكاملة ويطلبو حلول سريعه :
اخذ شراب جافزغون Gaviscon
اخذ حبوب باسكوبان buscopan
ةبعدها نشوف ايهم ينفع اكثر للالم وبعدها نحدد

ملاحظه / لا ننصح بالحلول السريعه والادوية بدون تشخيص محدد )

سلاماااات ونرجو مواصلتنا بما يحدث

وشكرا

حيك الله Les girl

1 ) شفط دهون البطن لوحده يعمله جراح التجميل ام اوالة الدهون وع او بدون شج العضله عندنا انشالله .. نحتاج نفحصك ونحدد اي نوع تحتاجينه

2 ) غسيل القولون : لا يوجد ادلة علمية قويه لتأكد فائدته واكثر التضخيم الاعلامي له هالايام لاسباب تجارية بحته .. لكن اذا استفدتي كان بها ام اللي متأكد منه ان عممله كل ثلاث شهوور اعتقد ان نصيحه مبالغ فيها .. لان لا نستطيع ان ننصح بأمر للمرضي غير مثبوت علميا .. اهم شغله ان اللي يسويه طبيب متمرس لتفادي المضاعفات .. روحي موقع Mayo Clinic راح تلاقين فيه كل الكلام اللي قلناه . الرابط هو :
Colon cleansing: Is it helpful or harmful?: Expert Answers - MayoClinic.com

وبلغي دكتورتك تحياتنا وخليها تراسلنا


سلامات !!

راسلينا عالخاص ونحولك علي استشاري تجميل

سلامات

السلام عليكم



دكتور من فضلك عندي سؤال



وبكون شاكره لك لو تجاوب عليه




دكتور انا انسانه رياضيه ووزني حاليا 50
وطولي 154

قبل الزواج كان وزني 41 يعني بعد الزواج زدت 9 كيلو


قبل الزواج كنت رياضيه <<< امارس الرياضه بشكل مستمر

وبعد الزواج اصبح لدي مسؤليات كثيره فا انقطعت عن الرياضه لمدة سنه

ثم ظهر لدي ارتخاء بالعضله (عضلة البطن) اللي فوق السره مباشره بروز بسيط بالعضله..
وأيضا انتفاخ بالبطن بشكل مستمر


وهذا شئ مضايقني حيييييييل لاني ما تعودت ان جسمي يكون فيه بروز او ارتخاءات


بعد سنه من الزواج اشتركت بنادي .. وبحكم انشغالي الكثير ما ذهت الى النادي الا خمس ايام فقط وانقطعت عنه

ثم بعدها رحت لمركز تجميل كبير ومعروف بالكويت وسويت جلسه شد..قلت بجرب جلسه وحده اذا عجبني بروح اكمل..بس للأسف ما عجبتني الجلسه لانهم حطولي جهاز فيه ذبذبات كهربائيه..وماعجبني..


سؤالي هو : هل اعمل شد عند عيادة متخصصه؟؟
ام استمر على الرياضه؟؟
ام آكل بروتين؟؟ حتى ابني عضلاتي؟؟
ام اعمل مساج شد؟؟


علما بأني ما احب اكل لحوم لانه يسببلي عسر هضم <<< نباتيه نوعا ما



دكتور هذا شئ حيل مضايقني ابي حل


ملاحظه : انا ولا مره حملت.. وماعندي ابناء والارتخاء صار بعد تركي للرياضه بحكم انشغالي..


اذا كانت نصيحتك لي اني اسوي شد لمنطقة المعده .. فأي عياده ترشحها لي؟؟

<<< عادي مستعده اعمل شد المهم اتخلص من الارتخاء لاني حييييييييل وسواسيه بالوزن اخاف ازيد كيلو واحد واذا زدت تتأزم نفسيتي كثيييير


فأرجوا منك الرد

اختي ام يوسف

طبعا خيارات تقوية العضله والشد عديده اخفها الرياضة واخرها عملية الشد ... للاسف مااقدر احدد قوة ودرجة مشكلتك الا بعد الفحص العيادى ..
اذا ماتقدرين تمرينا العيادة بالجهراء راسلينا عالخاص وانشالله نرشدك

سلامات ومايصير خاطرك الا طيب انشالله