رجيمي مع دكتور محمد ربيع :)

السلام عليكم شخباااركم بنات ويه الرجيم ، يعني اكيد كل وحدة فينا تبي تضعف ويصير جسمها حلووو فا قررت اني اسووووي رجيم واضعف :teeth_smile: اول شي بديت ادور بالنت عن انواع الرجيمات قريت عن رجيم دشتي بس ماعجبني وايد وقريت عن رجيم المطووع الكل طبعا يمدحه بس هم قلت بدور واقرى اكثر لما قريت عن دكتور محمد ربيع وفعلا رجيمه روعه وحيييل مريح ومو متعب وطبعا طبقته بالبدايه والكل قالي انه ضعغانه وخاقه استانست وووايد قلت ماكو الا اني اروحله يعني اراجع عنده وبالفعل رحتله والحين صااارلي 4 ايام قاعده اسوي رجيمه ووموعدي الاسبوع الياي وانشالله يارب يارب اكون منزله لو كيلو واحد راضيه لووول :teeth_smile:وراح اكتب لكم الرجيم بالضبط علشان نضعف بصحه وعافيه .


اول شي الافطار:-

5 تمرات + كوب حليب خالي الدسم

الضحى :-

تفاح اخضر او احمر

الغداء :-

1- سمكه مشويه + سلطه
2- علبه تونه + سلطه
3- 3 بيضات مسلوق + سلطه
4- 6-7 قطع شيش طاووق + سلطه

طبعا تختارين واحد من هالاطباق وكل يوم تنوعين وتضيفين مع كل الاطباق ربع خبزه اذا تبين

العصر :-
فاكهه او عصير او 3 تمرات مع قهوه

العشاء:-
روب خيار === وتختارين معاهم واحد من هالاختيارات

1- عصير الخلطه ( كيوي + اناناس )
2- 3 شرائح اناناس + 3 شرائح بابايا
3-5-7 تمرات

افا 4 قرو الموضوع وماكو رد

ربي يضعفج وضعفني بالصحه والعافيه وانا شكلي بطبقه وياج بس ببدي في من يوم السبت ان شاء الله تعالي مايصير همبرغر لحم مشويه او كباب امريكانا مشوي

يعطيكم العافيه يارب

مشكورة وما قصرتي . . .

بجربه وبنشوف

هلا حبيبتي مادري والله اهو للحين ما حطلي باللسته لحم انشالله علا الاسبوع الياي بيعطيني رجيم ثاني واكيد راح ينوع بالاكلات ووووووينكم باجي البنات بليييييز نبي تشجيييع

حياج الله ام عبدالله اهوووو يبي التزام و اراده وايد قريت انه ناس ضعفووو عليه والشي الحلو برجيمه انه كل شي صحي يعني لما تضعفين تضعفين بصحه

هلا اختي . . .

حفظت الرجيم عندي وبطبعة وبجربه وياااج وياريت اي تطورات في الرجيم تضيفينها في الموضوع . . .

صباح الخيييير انشالله حاظرين للطيبين اليوم عندي موعد فا راح يعطيني الرجيم للاسبوع الثاني وانشالله بنزله لج

بنات بليييييز اللي تدش تقرى الموضوع ترفعه بس ما عليها امر ،،،

وواي وناااسه توني راده من عنده نازله 3 كيلوات

بنات ابي تشجججيع علشان انزل رجيم الاسبوع الثاني

يعطيج العافيه يارب

ع البركة

عندي سؤال :

الرجيم الاول لجم اسبوع ؟

اسبوع واحد وإلا اسبوعين ؟

وشنو رجيمه الثاني متااابعينج . . .

انشالله ياارب بتوصلين للي في خاطرج ...

ويالغالية لاتنسينا بليز نزلي لناااا الجدول تري بنتابعج علي طوووول....موفقة​

هلا وغلا ام عبدالله حبيبتي الرجيم هذا يتغير كل اسبوع اللي انا كاتبته الحين حق اسبوع واحد وبحطلكم الاسبوع الثاني انشالله

الاسبوع الثاني :-

الريوق :-
5 تمرات + كوب حليب خالي الدسم

الضحى:-
فاكهه

الغداء:-
1- 2-3 سيخ كباب + سلطه
2- نص أو ربع ديايه + سلطه
3- سمكه مشويه + سلطه

طبعا تختارون واحد منهم وتكررين كل اسبوع وملاحظه السمج كل يوم وترك خلوه ( كلام الدكتور)

العصر :-
عصير او فاكهه

العشاء:-
1- توسته سمره + جبنه او لبنه لايت + عصير او فاكهه
2-برتقاله +2 كيوي +لبن

تختارين واحد منهم

وبنات ترى اهم شي الرياضه المشي ثم المشي ثم المشي 30 دقيقه علا الاقل

وموفقين

بنات اللي تقرون ما نبي شي بس رفعو الموضوع علا الاقل ترى جذي صج ما راح انزل الاسابيع اليايه شكلي بس بدز حق ام عبدالله او اي احد يطلب مني بالخاص مو معقوله 51 مشاهده وما اشوف ردود :/

وانا بعد بجربه معااج
شكله زين هالرجيم وما قال لج تسوين معاه رياضه

هلا اختي جيز كيك

خل اقولج شغلة المشاهدات لزوار يقرون موضوعج لكن مايقدرون يردون عليج لانهم مو اعضاء

ومتااابعتج حبيبتي