روايه شهد وياسر رووووعه يا بنات ,,

شهد مع نفسها: ياربي بكرا الخميس ياارب مايصير شي يااارب ..
مرتبكه من هالشي ما اقدر انام وضايق خلقي منه حدييي ..
وماني عارفه شسوي !!!
بنزل تحت هنا ماكو شرحه صدر
مسكت كوشايتها ..بكل برائه كأنها طفله زعلانه
وتدور احد يواسيها بمثل هالمواقف ..
نزلت للحوش الا كان فيه مرجيحه صغيره للقرائه مقابل باب الشارع..
جلست شهد عليها ورفعت راسهاا للسماء ودموعها تنزل بسرعه
بدون شعور منها..
وقامت تتأمل السمااء السوداا والعتمه القامته
بس كانت احلى النجمات شاقه السوااد وخوفه
وكأنها تتجاوز السمااء لتوصل لشهد..
انشرح صدر شهد من هالمنظر وايتسمت رغم كل دموعها
الا كانت تغطي عيونها وتشمل وجهها ..
ومازالت دموعها حاره وتدمع بالخوف..
لفت نظرها لجهه اليمين ولفت انتباهها اكثر شي سطووع القمر كأنه اجمل ماخلق ربي
نزلت نظرها للارض والا ماتحس الا انه ياسر يفتح باب الشارع ..
نزلت بسرعه بتخفي دموعها فمن السرعه طاحت بالارض..
حس ياسر بالصوت ولما شاف شهد عالارض
بدأ يركض تجاهها ومسك وجهها بيدينه الثنتين
ورفعه وشافها تصييح وملامحها الحلوه ورا دموعهاا..
قال بوجه خايفه وهو يصارخ: شفيييييه ويهج جذي؟
شهد وهي خايفه وسكرت عيونها بيدينها وقالت بصوت خايف:
مااا.. مــ ... مافي شي..
ياسر بعصبيه: شنو مافيج شي !!
تعالي قوومي عن الارض.. ليش طايحه وجهج تعبان حده
لحظه اجهز السياره..
شهد وهي تبتعد عن ياسر الا كان ماسك وجهها: شنو ؟؟! ليه تجهز السياره؟؟!
ياسر: عشان نروح للمستشفى ماراح اخليج بهالحاله.. يالله بسرعه
شهد وهي خايفه وقالت بصوت عالي: انا ماافيني شي !!
ياسر وهو معصب: انتي مو طبيعيه هالايام يالله تعالي نركب
شهد وهي تركض بسرعه بتدخل للبيت: لالا مافيني شي والله
ياسر بحركه سريعه لحقها ومد يدينه
ومسكها من خصرها وشدها تجاهه..
رفعت شهد راسها فجأه !
كانت نظرات ياسر تتضارب مع نظرات شهد
حتى انه وجهها كان قريب جداا من وجه ياسر وهو ماسكها من خصرها..
وكأنه لامها بحضه وماراح يفكها ..انحرجت شهد وصار وجهها احمر..
بعدت شهد بسرعه وقالت: شفيييك انت مافيني انا برووح انام
ياسر وهو معصب: انتي ماتفهمين ماكو نووم.. اركبي السياره يالله !
شهد بعصبيه: انت الا ماتفهم ماراح اروح خلاص ماكو شي ..
مسك ياسر يد شهد بقوه وجلس يشدهاا وهي تقاوم
وتحاول ما تركب السياره .. لكن ياسر كان اقوى من مقاومتها..
ودفعها بقوه لكرسي السياره وسكر الباب
شهد وهي تصيح وتضرب الشباااك: لااااااااااااااا افتح البااب لااا
دخل ياسر السياره وبسرعه وقفلها وطلع السياره وراحواا
شهد وهي تصارخ وتصيح: مافيني شي ردني للبيت
مافيني شي.. الله يخليك مابي اروووح ماابي ماابي ..
سكت ياسر وهو يطالع حاله شهد الا كأنها مجنونه وتحاول
بأي طريقه ترجع
حدد ياسر عيونه ودقق بملامح شهد من بريئه الى انسانه خائفه منه
ياسر بهدوء : اسكتي خليني اشوف دربي ..
هدوء ياسر خوف شهد زيااده وحسسها انه يعرف كل شي!!
خافت شهد وشدت شفاها بأسنانها وكأنها تعضهم وهي حاطه يدها
على قلبها من الخوف..
التفت ياسر وقال بصوت حاد: بس يكشف عليج ..ماراح اخليه يسوي شي
حطت شهد يدينها على وجهها وقامت تصييح وتنوح
وهي تردد ابي ارجع للبيت مابي ارووح

بعد ما وصلوا للمستشفى ..
دخلت شهد لغرفه الطبيب وكشف عليها..
وبعدها طلعت بكل هدوء وهي مستسلمه واقتنعت انه ياسر بيعرف
وانتهى سرها لحد هذا الوقت وبس ..
اما ياسر كان داخل غرفه الطبيب ويكلمه عن شهد..
ياسر: ها دكتور شصار؟
الدكتور: لا تطمن آلام عاديه.. انت زوجها ؟
ياسر وهو يطالع شهد وهي جالسه بالانتظار ولافه وجهها ناحيه
باب المستشفى
وكل البرائه بوجهها وخدودها كانت مورده وكانت عيونها تتلامع
بعد ماصاحت وفضفضت كل شي ..
ياسر وهو يلف ناحيه الدكتور: اي زوجها ..
الدكتور: طبعا آلام خفيفه ومافي شي يخوف.. بتلقى الكشف كامل
عند الممرضه بره على طول..
طلع ياسر وأأشر لشهد انها تروح للسياره ..
طلعت شهد ووجهها اصفر وخامل من كثر الصيااح وحاطه يدها على
بطنها الا ما حسبت حساب اليوم الا بيكون الطفل
الا تتمناه وكانت تحلم تتزوج وتجيب اولاد ..بس للاسف ~
رمت نفسها على كرسي السياره وهي تقول: شراح يسوي فيني لما يدري؟
ودمعاتها كانت تنزل ببطئ وبخوف على وجهها الخامل..

بعد فتره.. لمحت شهد ياسر جااي من باب المستشفى..
انقلب وجهها لما شافت بيده الكشف وخطوااته كبيره وسريعه
وعيونه محدده من كثر العصبيه ولو كان بفلم كرتون ماراح تشوف غير
نيران من عيونه
وكان جسمه مشدود وكأنه وده يضرب احد او منقهر من شي ..
دخل ياسر للسياره بقوه وجلس عالكرسي ..
وسكت فتره ..وهو يطالع شهد..
حطت شهد يدينها على بطنها ونزلت راسها
شهد وهي تصيح: انـ.. انت دريت ؟
ياسر ويكتفي بالسكوت ويطالع ببنت خالته وساكت
شهد وهي تغطي وجهها بيدينها وتغشي صيااح وهي مستحيه وقالت: و.. واللله ماادري
وقسم بالله مااادري والله ..
وكملت صياحها بكل رجف وخووف

مسك ياسر الكشف بيده بقوه ..
وبسرعه رمااه على شهد بعصبيه وقااال بملامح حاده:


ياسر بملامح حاده وقال:الحين كل هالاكل الموجود ماكان يعجبج؟!!
وخرت شهد يدينها عن وجهها ورفعت راسها وهي مستغربه والدموع
ماليه وجهها البريئ..
وقالت: اي اكل.. ماني فاهمه؟؟
ياسر وهو معصب: شوفي الكشف وبتعرفين..
فتحت شهد الكشف ويدينها ترجف ولما قرأت الحاله
لفت وجهها على ياسر وفتحت عيونها وقالت: قله طعام وفيتاميناات !!!!
ياسر : دامج تعرفين هالشي لييش ماتاكلين
من البيت ولما اعطيج فلوس
ماتاخذينهم .. شنو رجيم قاسي تسوين ؟؟
شهد وهي تمسح دموعها وتضحك كانها مجنونه
ياسر وهو مستغبي: الحين شنو الا يضحك .. بغيتي تموتين يووع
لااا ومنو الا بيبتلش انااا =_=...
شهد وهي مستانسه: يعني بس قله طعام وفيتامينااات ؟
ياسر وهو يهز راسه : اييه ليش اكو شي ثاني مثلا ..
مسحت شهد دموعها وقالت بصوت حلو وخدودها حمرا ووجها كان
من جد حلوو لدرجه انه ياسر اول مره يدقق بهالملامح الجديده
الا مالقاها بالمرات الا دقق بشهد
قالت شهد : شكرا ياسر..
حس ياسر انها تشكره من جد ( مع نفسه وده يطير من الفرحه ^^)
صرف الموضوع وقال: اقول ورا ماتربطين الحزام
شهد باستغراب : ليش ؟
ياسر: ليش انتي ماتدرين انه عفاريتي تطلع بهالوقت واقعد افحط؟
شهد وهي تنط من مكانها وترجع له: يالله بس اسكت
ياسر وهو يقرب وجهه وبصوت استفزازي: ليش تخافين ؟
شهد وهي تحط يدينها على بعض وتعبس: اقول وخر لا اطيرك انت
المفروض تخاف اذا فحطت بتلقى نفسك طااير للمريخ..
ياسر وهو يبتسم: اوووووه عاد للمريخ بعيد .. شلون بتوديني لهناك؟
شهد: اعطيك كف يطيرك =_=..
ياسر: ومن قالج انا اطير بكف؟
شهد: اجل تطير بشنو مركبه ؟
ياسر وهو يبتسم ابتسامه خبيثه: يمكن ببوسه اطير الله اعلم !
شهد وخدودهاا صارت حمر: ياااااااسر اسكت .!!
ياسر وهو يضحك : طيب طيب سكتنا ..

ولما وصلواا للبيت ..
كان ياسر يدخل السياره للبيت..
بعدها طلعت شهد من السياره..
وجت بتدخل للبيت وماسكه كيسه الدواء وهي تبتسم
جا ياسر مسرع من وراها وهي يتحرش وقال وهي يقرب
وجهه عند شعرها من وراء
وقال: الكيس مو ثقيل؟
فزت شهد من الخرعه ولفت وجهها وقالت: لييش كله تحب تخرعني
ترى انا مااحب والله ..
ياسر وهو يبتسم: اوهوو ماقصدنا بس قلت لا اتعبج اخاف الكيس ثقيل
شهد بعباطه: لا مو ثقيل وخلنا ندخل مالي خلق بروح انام
مشت شهد شوي ..والا تحس انه احد يشد الكيس
لفت وجهها وهي معصبه: خلاص قلت لك مو ثقيل
ياسر: لا حلفت اشيله
شهد وهي تمشي: اوهووو يااسر لا تحارشني هو دواائي والا دواائك؟
ياسر: حقج
شهد وهي تفتح باب البيت: خلاص عيل انا اشيله
دخلت شهد ومازال ياسر يشد الكيس
ويضحك على ردات فعل شهد العصبيه
شهد بعصبيه: لا تحاول مابعطيك انا بشيله
ياسر وهو يتحرش: عيل خلاص اذا ماخليتيني اشيله بشيلج انتي وياه
استحت شهد وقامت تركض لجهه الصاله وقالت: يااسر لا تلاحقني
يااااربي خلااص..
وفجأه وهي تدخل لباب الصاله وقفت
كان ياسر من وراها مسرع وفجأه وقف هو الثاني وكان
وراها تماما وضرب راسه بظهر شهد
من قوه الضربه طاحت شهد عالارض على وجهها
وجا السيد ياسر بيحاول يمسك نفسه مايطيح على ظهرها
مسك الباب وانقلب عليها وطاح على ظهرها
صرختت شهد وقالت: يااااااااااااادب ظهري **رته من وين اجيب ظهر ثاني
قام ياسر وهو يضحك:ههههههههه عدال فيه ظهر اصطناعي..
لفت شهد راسها ووقفت وقالت: منو انتو؟
كانت فاطمه ببجامتها واقفه بالصاله وبالزاويه الثانيه
حرمه كبيره شوي بالعمر وجنبها 3 بنات
وحده كذا كبر سن شهد او اكبرومتحجبه والثانيه بنت توها صغيره ..
والثالثه شكلها مادخلت للمدرسه لانها رضيعه ^^
قام ياسر وهو يحك راسه من الطيحه وابتسم واتجهه للحرمه الكبيره..
وقال: هلا خاله ايمان ..
سلم عليها ولف وجهه على شهد وقال للخاله: خاله هذي بنت خالتي شهد
شهد بوجه احمر : اهلين ..
الخاله: هلا بنيتي شخبارج؟
شهد : الحمد لله ..
ابتسم ياسر وقال: شهد ..هذي صديقه امي وبنفس الوقت جيرانا..
ابتسمت شهد وقالت: هلا فيكم ..

جلس ياسر وشهد وفاطمه الا فيها النوم بالصاله
قالت ايمان: عسى ماتعور ظهرج يا بنيتي؟
شهد وهي تطالع ياسر: لا ما تعورت الحمد لله ..
ابتسمت الخاله ..وبادلتها شهد نفس الابتسامه
قال ياسر: حمد لله على السلامه خالتي ..
عسى ماشر اخاف محتاجين شي؟
الخاله وهي تبتسم: لا الحمد لله ..مشكور ياوليدي ماتقصر بس جيت اسلم عليكم
وخبرك من زمان عن ابتسام والله مشتاقه لها ..من بعد هالسفر وانا
ماشفتها ابد والتلفون ادق وما يشبك الخط وياي واذا شبك
اكلمها دقيقه دقيقتين ويفصل ..
ياسر: الله يعينكم .. امي الحين مسافره تعالج بسويسرا والله ..
ايمان وهي متخرعه: هووو .عسى ماشر شفيها ؟
ياسر: ماشر انشاء الله.. بس شوي عندها التنفس وبتسوي فتح شريان انشاء الله
ايمان: الله يعافيها يارب ويسهل عليها والله زعلت عشانها ..
عاد انا توني يايه من المطار وجيت على طول هني ..
وفرحت وقلت بشوفها .. يالله خيره انشاءالله
ابتسم ياسر وقال: الحمد لله على كل شي .. ماشاء الله هذي هند ؟
ايمان: اي هذي هي تتذكرها ..
هند كانت منزله راسها طول الوقت ووجهها احمر ومتحجبه..
ياسر وهو يطالع شهد: ماشاء الله كبرت اول اخبرها انا وياها بالحديقه
نلعب صيدا ماصيداا ..
ابتسمت ايمان وقالت: حتى انت ماشاء الله صاير تهبل عيني عليك بارده..
مد ياسر لسانه وابتسم ^^..
فاطمه وهي تضحك مع صديقتها موضي الا تصير بنت ايمان الوسطيه
فاطمه: وانا خاله ماصرت حلوه؟
ايمان: يحليلج انتي حريمه صغيرونه توج
وقفت ايمان وقالت: يالله انا استأذن ..ازعجتكم بهالليل اسفين ياوليدي
ياسر وهو يبتسم: شدعواا البيت بيتكم ..
لما جوا يطلعون ايمان وبناتها..
سلمت فاطمه على صديقتها موضي
فاطمه بصوت لطيف: بااي مووضي..
لفت موضي على فاطمه وابتسمت..
بعدها وجهت موضي نظراتها لشهد كأنهاا تتحداها
انتبهت شهد لحركه موضي ولفت ولوحت بيدها وقالت: بيباي
لفت موضي وجهها ولا عطت شهد اي وجه ..
بعد ماطلعواا ..مد ياسر يدينه معلن انه فيه النوم ..
قال ياسر وهو يتثاوب: يالله النووم ..
صعد ياسر ووراه فاطمه الا ودها تنام بالدرج
وبعدها راحت شهد وغيرت ملابسها وقررت تنام ..

بنفس الوقت ..رجعت ايمان هي وبناتها لبيتهم..
جلست هند على كنبه الصاله وهي تعبانه وقالت: اووه..لو خلينا هالزياره
بكره كان احسن مو والله تعب غير طبيعي ؟
ايمان: ماعليه الحين روحوا ارتاحوا يابنات على ما يجي ابوكم
موضي وهي تصارخ: يمااا .. انا يوعانه شنو يعني ماكو عشااء
من المطار وانا على لحم بطني..
ايمان: من عيووني حبوبتي .. الحين اسوي لج بس خل افصخ حجابي
وارتاح دقيقتين واطبخ لج
هند وهي ساكته وتحرك يدين اختها الصغيره وترضعها بالرضاعه
هند: يما ..
ايمان: نعم؟
هند: تعرفين شسم بنت خالتهم الا شفناها تو ؟
ايمان: هو قال اسمها شهد على ما اظن ..
هند: اها..
ايمان: انشاء الله ندور لنا يوم قريب ونعزمهم عندنا وتتعرفين عليها
هند: طيب..
موضي وهي معبسه: وع انا ماحبيتها..
ايمان: لا يما ..عيب هالكلام ماتعرفين يمكن تطلع حبوبه..
هند: اي ماشاء الله حلوه ملامحها..
ايمان: ماشاء الله ..الله يرزقها الزوج الصالح..
موضي: اقول ياحلو ياسر..تتذكرين الا شفناه
بالسيرك هذاك الاشقر ..يشبهه مو؟
هند: اي صح فيه شوي ..
ايمان: ماشاء الله يهبل .. الله يحفظه..
هند: يماا سوسو تصيح مدري شفيهاا ..
ايمان: رضعتيها؟
هند: اي توها مخلصه الرضاعه بس مدري تبجي
يمكن تبي بعد حليب ..
ايمان : عطيني اياها ..انتوا روحوا غيروا ملابسكم والعشا بيكون جاهز..
هند: انشاء الله ..يالله موضي
ابتسمت ايمان لبناتها وجلست تهز بنتها الصغيره عشان توقف صيااحها
طبعا ايمان جاره ابتسام من قبل 17 سنه .. بس ظروف زوج ايمان
خلاها تسافر لكندا ..
عندها ثلاث بنات هند عمرها 23 طالبه جامعه ..وموضي 10 سنوات
وساره عمرها سنه ونص ..

في غرفه هند وموضي بعد ماصعدوا..
هند ترتب ملابسها من الشنطه للدولاب ووجهها يوحي بأنها مرتبكه
موضي بعصبيه: افففف انا منقهره حدي !
هند : هو ..ليش ؟
موضي: شفتي هذي التيسه بنت خالهم حسيت مالها موقع بالعائله..
هند ببتسامه: ماتدرين يمكن يحبونها ..
موضي: وعع ..اصلا من لما شفتها طايحه بالارض حسيتها غبيه
هند وهي حزينه: اي صح.. يمكن كان ياسر يلاحقها..
موضي: احسها ساحره ماادري ليش .. واصلا ليش ياسر يلاحق وراها
من حلوها عاد..
هند بوجه تعيس: يمكن يحبها..
موضي وهي تنتبه لوجه اختها: وانتي ضايق خلقج عشانها يعني؟
هند: لالا ..بس تعبانه شوي..
موضي: لا تجذبين ..فضفضي يمكن ترتاحين
هند: ماكو شي ..
موضي: لا والله علينا تعرفيني ما اخليج لاازم اعرف شننو الا
مضايقج لهالدرجه
هند بأستسلام: طيب ..بس احلفي ماتعلمين احد
موضي: والله ما اعلم احد..
هند بخوف: ان..انا..انا احب ياسر
موضي باستغراب: وعشان جذي انتي متضايقه.. انا ادري من زمان انج
تحبينه اصلا هو لما سأل عنج مبين عجبتيه ^^..
هند: لا انا مو متضايقه.. بس ياسر مايحب البنات الا من نوعيتي
موضي: شدراج يمكن يحبج..
هند: ما اتوقع .. ياسر لما يحب احد يعامله
معامله خاصه غير عن الباقين
انا اعرفه زين كان يسولف لي اول عن طبيعته لما كنا صغار
ولما سأل عني ماكان يقصد شي
يمكن لانه ماشايفني من زمان الله اعلم ..
موضي : اهاا
هند: بس صج والله انا احبه من زمان
هو انسان حبوب ومملوح وقلبه ابيض وماشاء الله اخلاقه
ودراسته وتعليمه ممتاز وكل المواصفات الزينه فيه
كشيخ وحركاته محد يلقى مثلها عشان جذي انا معجبه فيه بس تدرين حظي مثل ويهي
موضي: انتي لا تضيقين خلقج ..هو لما يحبج بيجيج ماعليج منه
وبالاخير بيحبج ..وبتقولين موضي ماقالت ^^
ابتسمت هند ابتسامه حزينه وقالت: طيب .. يالله ننزل عند امي ...

بعد هالليل الطويل ..
اشرقت الشمس على الكويت معلنه يوم الخميس ..
وطبعا قربت الاختبارات .. لكن بالنسبه لطالبات اخر سنه بالثانوي
لا والفصل الثاني بعد.. بتكون مهمه لانها بتحدد
اي اقسام الجامعه بيدخلون
ويحتاجون معدل مثل نوره وشهد ..
الساعه حاليا 6 ونص صباحاً..
شهد وهي تتقلب بالسرير وتكلم نوره بجوالها..
نوره: اففف يعني شنو نغيب اليوم؟
شهد: اي ماتسوى والله كلها مراجعه وسخاافه حدهم يعني
ماتعرفينهم !
نوره: اي والله دوخه رااس .. انا بروح اقول لامي عشان
تقول للباص ما يجي لي هالاسبوع..
شهد: اوك ..
نوره: اييه ومبروك عشان ماصار شي ببطنج..
شهد: هههههه طيري بس يالله ..
بعدها سكرت شهد الجوال ورجعتنامت ...
فاطمه كانت تحت قاعده تاكل كورن فلي** ..
وياسر يمشط شعره بالمرايه الا تحت ..
فاطمه: ياسر..
ياسر: ها ؟
فاطمه: امي متى بترد؟؟
ياسر: ماادري قبل ايام كلمتها قالت انه فحوصات العمليه بتاخذ وقت..
فاطمه وهي زعلانه: بس انا اشتقت لها !
ياسر وهو يطالع اخته بنظره حنان: ادري وانا بعد ..بس لازم
ندعي لها وننتظر الفرج من عند الله..
قريب بترجع يعني حوالي هالشهر بتكون راجعه انشااء الله ..
فاطمه: طيب .. وشهد بتطول عندنا؟
ياسر: اي ..
فاطمه: طيب وامها ماتخاف عليها ؟
ياسر: امها متوفيه الله يرحمها..
فاطمه: يعني هي ماعندها ام؟
ياسر وهو يقرب من فاطمه: لا..
فاطمه: مسكينه يعني ماكو احد يحبها بعد ماراحت امها..
ياسر: بس مو كل انسان تموت امه الناس يكرهونه..صح؟
فاطمه: ماادري بس اكيد مابيكون احد يحبه مثل امه ابد ومايلقى احن منها
عليه ابد ابداا..
ياسر:صح ياحلوه عشان جذي لازم ندعي لماما بكل صلاه اوك ؟
فاطمه: اوك ^^
ياسر:طيب انتي ماتحبين شهد؟
فاطمه: لا مو ما احبها بس ماادري انا ماعمري كلمتها
او سولفت وياها عشان احبها بس هي طيبه
وشكلها حلو واايد ^^
ياسر وهو يلامس خصلات اخته: ادري.. عشان جذي لازم تصيرين
صديقتها..
فاطمه: انشاء الله .. طيب انت ليش كله تخليها تعصب؟
ياسر:همممممم... عشان اهبلها ..
فاطمه: ههههههه شرير
ياسر: هههههه ^^ .. يالله امشي نقومها لا تتأخر عن المدرسه ..

نرجع لبيت نوره حوالي الساعه 7 وربع صباحا
نوره وهي رافعه يدينها وتتمطط وتنزل الدرج..
فجأه صرخ حمد وقام يصيح..
نزلت نوره بسرعه وهي تفرك عيونها وراحت للصاله
دخلت ولقت امها تهدي حمد وهو فاصخ بلوزته وبس لابس شورت
وعبد الرحمن وابوها جالسين عالكنب..
قالت نوره باستغراب: شفييكم ؟
الام وهي تبتسم: لا ماكو شي بس حمد جاه عنقز ( جدري الماء ^^)
نوره: اوووح قويه !!
حمد وهو يصيح: وخري عني ..بس ابي ماما وخرووا
الام: خلاص حبيبي ماصار شي الحين نروح للدكتور..
نوره وهي تقرب من حمد: ورني خلني اشوف الحبوب ..
حمد: لالالا ماابي وخري .. عشان تتشمتين هااا
الام: خلاص نوره مو وقته .. يالله ابو عبد الرحمن نروح للمستشفى..
الاب: يالله ..عبد الرحمن انتبه للبيت..
عبد الرحمن: طيب..
وطلعوا ام وابو نوره عشان يودون حمد للمستشفى..
نوره وهي تجلس عالكنبه: حراام ..مسكين **ر خاطري..
عبد الرحمن: اي والله الحبوب بكل مكان ><..
نوره: خخخخخ حتى شكله متخرع يحليله .. انا وياك يانا وحنا صغار
ماكنا نحس الله فكناا..
عبد الرحمن وهو يبتسم: اي والله ..
تصدقين اول مره اشوف حموود يصيح جذي !..
نوره: ههههه حتى انا ^^
عبد الرحمن: انا بروح اكل شي تبين؟
نوره: شنو فيه؟
عبد الرحمن: مدري ..روحي شوفي الثلاجه
نوره: ليش انت بقيت شي بالثلاجه مثلا =_= !
عبد الرحمن: مالي خلق هوااش..
نوره بنحاسه: انا لي خلق ..
عبد الرحمن: نوره فكي عني لو سمحتي
نوره: اووووه اول مره دحووم يقول لي ,,لوسحمتي,,
بكتبها بالتااااريخ
عبد الرحمن: لا بالجغرافيا عشان تنتشر اسرع
نوره: لا بالعلوم احلى شرايك؟
عبد الرحمن: شرايج احطها بخشتج واسكر عليها
عشان تعرفين تحارشين الا اكبر منج ..ها شرايج؟
نوره: خخخخخخ بايخه..
عبد الرحمن: مو ابيخ منج ..
نوره: دحيييييييم اسكت !!
عبد الرحمن: ههههههههه ماتقدرين علي ..
نوره: انطر والله اخلي حمد يهبلك
عبد الرحمن: مايقدر ^^
نوره: انا اوريييك ..

نرجع لبيت الخاله ابتسام ..
بعد ماقامت شهد ونزلت تتفطر مع ياسر وفاطمه ..
جت ميري (الخادمه ^^) وقالت: بابا
ياسر وهو يشرب حليب: نعم؟
ميري: هذا ورقه انا اكتب فيها كل شي يبغى عشان مطبخ والبيت ...
ياسر وهو ياخذ الورقه: طيب شوي واجيبهم ..
شهد وهي عندها فضول:بتروح الجمعيه بعد شوي؟
ياسر: ايه ..ليه؟
شهد وهي فاتحه فمها ومستانسه: ناقصني اشياء ابي اشتريها
عادي تعطيني ورقه الطلبات وانا اروح اجيب الطلبات واشيائي؟؟
ياسر: يعني بتروحين بحالج؟
شهد: اي.. اذا ماراحت وياي نوره بروح بحالي ..
ياسر: لا ماكو بحالج تعالي نروح انا وياج وفطوم..
فاطمه: لا انا مابي انتو روحوا انا بنام الظهر..
شهد بعباطه: يعني النومه ما تتأجل =_= ؟
فاطمه: لا مابي عيل باجر نروح مو اليوم..
ياسر وهو يحاول يخلص هالنقاش: خلاص انا اروح بحالي..
شهد : لا والله واشيائي ؟
ياسر: خلاص انا وياج نروح ^^
شهد: لا مابي ..
ياسر: هو... واشيائج؟

شهد: افف طيب خلني انا ارووح اجيب كل شي؟
ياسر: يعني شعندج هناك ..واذا رحت وياج شبيصير؟
شهد وهي مستحيه: مو حلوه طلعتنا مع بعض
ياسر: ههههههههههه يعني مثلا شكلي يخووف .. والا تخافين ؟
شهد: افف ياسر ..يعني تسوي تستغبي !
ياسر: اشوف تروحين وياي كل صبح اوديج المدرسه ..
شهد: خلاص طيب برووح ..اف !
ياسر: ^^

بعد ما مر الوقت وصار الوقت ظهر (حاليا الساعه 1 ونص)
ببيت الجاره ايمان ..
ايمان وهي تحط الغدا عالطاوله: هنند ..هنند..
هند من فوق: نعم يماا؟
ايمان: يالله حبيبتي انزلي ونادي اختج حطيت الغداا
هند: طيب يماا..
ونزلت هند مع موضي من فوق ..
وجلسوا عالطاوله كانت ايمان محضره ألذ الطبخات
الاب: ماشاء الله شكل الغدا اليوم حلو..
ايمان وهي تبتسم: من زمان ما اكلنا اكل كويتي من لما سافرنا
وحنا كله مطاعم اجنبيه..
الاب: اي والله.. يالله سموا يا بنات..
موضي: يبا امس شفت فاطمه
الاب: اي قالت لي امج ..
موضي: يباا ماشفت ياسر صااير يهبل والله حلوو
الاب: عيب هالكلام هذا رجال
موضي: افف ..طيب حلو انا شسوي
الاب: هههههههه لا تقولين جذي اذا عاجبج وحلو خلي الكلام لج..
موضي: طيب =_=..
الام: خلاص يا ابو هند خلها بحالها..
موضي: عاشت ماما ^^
هند: ههههههههه ..

بنفس الوقت نرجع لبيت الخاله ابتسام..
كانت فاطمه نايمه وياسر ينتظر شهد تلبس ويروحون يتسووقون..
كان ياسر لابس بلوزه بيضه نص كم
وجنز طويل لونه ازرق غامق..
وماسك نظارته الشمسيه ورافع شعره سبايكي (بالمناسبه شكله خطير)
نزلت بعد فتره شهد وهي ماسكه جوالها وبوكها (المحفظه)
شهد: يالله خلصت ^^
كانت شهد لابسه جنز برمودا لونه اسود وشوز نايك لونه بني
وقميص بربري نص كم ..
ورابطه شعرها والخصل طايحه على وجهها ..
ابتسم ياسر لاناقه شهد وقال: كل هذا عشان سوق؟
قامت شهد تطالع ملابسها وقالت: ليش مو زين؟
ياسر: هو مو زين.. بس يهبل !
نزلت شهد راسها واستحت وقالت: يعني شنو محنا رايحين؟
ياسر وهو يضحك: ههههه يالله نروح
ركبوا شهد وياسر السياره وكان الوضع عادي ..
رن جوال شهد ..وكان المتصل نوره
شهد: اهلين نوغه
نوره: اهلن شوشه ..شخبارج
شهد: زينه ..
نوره: شهد انتي وين الحين؟
شهد: انا بالطريق للجمعيه..
نوره: افف لا تقولينها.. طيب مع منو؟
شهد وهي تلف وجهها على ياسر وقالت: مع السواق..
نوره:سواق خالتج؟
شهد: ايي ( وكانت تأشر لياسر انه مايتكلم عشان لا يفضح كذبتها ^^)
نوره: اها خلاص ..
شهد: تبين شي ايبلج وياي؟
نوره: لا مشكوره بس كنت ابيج تجين بيتنا امي مزعجتني تبي تشوفج
شهد: هههههه هو شعندها ..
نوره: هههههههههههه بتخطبج ^^
شهد: بتخطبني !!
نوره: لا امزح شفيج مشتاقه لج لا اكثر
شهد: هههه على بالي بعد خرعتيني ..تشتاق لها العافيه وانا بعد
ودي اشوفها من زمان عنها مره ثانيه
انشااء الله اييكم وبتمل مني .. سلمي عليها
نوره: اوك يوصل يالله اشوفج على خير..
شهد: الله معاج..
ياسر وهو يبتسم: مع السواق ها !
شهد : شتبيني اقول لها انا طالعه الجمعيه مع ولد خالتي =_=
ياسر: ليش شفيها؟
شهد: مافيها شي بس انا مااحب جذي ..
ياسر: شنو الا ماتحبينه ؟
شهد: افف ياسر مالي خلق اتكلم ..
ياسر: لاا شقصدج يعني انا افشل؟
شهد باستسلام: افف مو جذي..
ياسر: عيل شلون ابي اعرف..
شهد: ما احب حجي الناس وقرقه الحريم خلاص فهمت =_=
ياسر: اها .. طيب عادي ولو تكلمواا ..
شهد: انا مااحب احد يحجي وبس ..
ياسر وهو يفصخ النظاره: عطيني امثله عن الا بيقولونه؟
شهد طالعت بعيون ياسر ولفت وجهها ناحيه الشباك وسكتت
ياسر: ها شنو؟
شهد: ماادري ..
ياسر: هههههههه طيب شفيج احسج بتصيحين؟
شهد: ماكو شي..
ياسر: طيب لفي ويهج علي .. تستكثرين علي اطالعج..
شهد: مابي..
ياسر: طيب انا اسف ها رضيتي؟
شهد: لا..
ياسر: شلون اراضيج طيب اطلبي الا تبينه؟
شهد وهي تلف وجهها على ياسر وقالت: الا ابيه؟
ياسر: الا تبينه ^^
شهد: عيل الله يعينك بالجمعيه ..
ياسر: امبيه شبتسوين..
شهد: كل شي بوقته حلو ^^

نرجع لبيت نوره الا كانت جالسه عالكنب الا بالصاله..
عبد الرحمن منسدح عالارض هو وحمد ويلعبون بلايستيشن
جت الام وقالت: ها يا عيال تبون غداا والا اشيله؟
حمد وهو يحك نفسه: يماا ما نبي الحين بخسر لازم افوز عليك يا خايس..
عبد الرحمن وهو متحمس: ههههه اي لما ين**ر برج ايفل ^^
الاب من بعيد وهو جاي للصاله: والله معكوسين انتو
الحين اكو احد يخلى القعده مع اهله بالغدا ويقعد يلعب سيارات وخرابيط؟
عبد الرحمن:هههه دامني العب مع مستر عنقز لازم افوز عليه وايي
آكل..
الام: حمود لا تحط العنقز ترى يبقع مايرووح..
حمد: يما يحكني شسوي..
الام: اذا خلصت هالدور تعال نحط لك اللوشن عشان تخف
الحبوب طيب وليدي..
حمد: انشاء الله يماا ..
نووره وهي طفشانه: اففف زهق ..
الاب: قولي لا اله الا الله ومابتزهقين..
نوره: الاختبارات ساده نفسي والله .. يبا ادعي لي ..
وانتي بعد يما لاا تنسيني
الام: انشااء الله
الاب: انشاء الله .. طيب كم باقي اسبوع وتبدا؟
نوره: حوالي اسبوعين ..
الاب: الله يعينكم انشاء الله..
الام: يلله حمود جهزت اللوشن تعاال..
حمد: اوووو ماابي ماابي ..
الاب: يالله بابا روح لامك حط الدوا عشان تطيب
حمد وهو معبس: طييب
عبد الرحمن وهو يتسند عالكنب: بنسافر هالعطله يبا لان الصراحه ملل؟
الاب: انشاء الله اي
نوره بفضوول: وييين؟
الاب: ما ادري امكم تقرر وتسألكم ..
عبد الرحمن بصوت عالي: يماا نبي ايطالياا ^^
الام: وانت احد سألك قال ابوكم حنا نختار ونقول لكم ..
نوره وهي تضحك: تفشيله 2009 هع هع ..
عبد الرحمن وهو ماسك الكتااب: اسكتي لا ادخل هذا بخشتج =_=
الاب: يالله بس اسكتواا شوي ويأذن العصر
الام: هبال ..كل ما كبرتوا تهيبلتوا ..دحيم يالله روح توضأ
ولا تحارش اختك مره ثانيه
عبد الرحمن: يماا مو بس انا تزفوني عشان هذي ..
هي تحارشني بعد! ..
الام: على بالك بخليها ..يالله نوره غرفتج فوق
نوره: يما مابي اصعد زهق
الام: روحي ادرسي يالله ..
نوره: يمااا !
الام: فوق يالله بدون كلام..
نوره: انشاء الله ><
عبد الرحمن: ههههههههههه زفووها ..
نوره: اسكت انت ..
الام: دحووم انا شقلت توو..
عبد الرحمن متورط: انشاء الله ماميتي ^_-

نرجع لشهد وياسر الا وصلوا للجمعيه..(حاليا الساعه 3وربع)
شهد مستانسه وتلف الجمعيه وتشتري ..
وياسر وراها يدف العربانه ( عربه التسوق ^^)
ياسر وهو زهقان: ها شبقى بعد بالورقه؟
شهد وهي تبتسم: باقي حليب نستله ..وشوكولاه سائله..
ياسر: طيب تعالي هناك عند هذيك الجهه هناك المعلبات..
شهد: طيب يالله ..
وبعدها راحوا واشتروا الباقي ..
اعلنوا بعد مده انه باقي دقائق ويأذن العصر..
ياسر: ها شبقى ؟
شهد: خلصنا ..
ياسر: شريتي الا تبينه؟
شهد: اي ..خلصت يالله اكو زحمه عند المحاسبين..
ياسر: طيب يالله نحاسب..
اتجه ياسر وشهد للمحاسبين وحاسبوا وخلصواا..
بعد ماطلعوا ووصلوا للسياره
شال ياسر الكياس ووحطها بالسياره وركبوا..
ياسر وهو مستعجل: يالله عشان الحق عالجماعه بالمسجد..
شهد: مو كأنك نسيت شي؟
ياسر : شنو ؟
شهد: انت قلت لي الا ابيه اطلبه!
ياسر: طيب مو شريتي الحين ؟؟
شهد: الا بس مو كل شي؟
ياسر: هوو تبينا نرجع يعني ؟
شهد: لا بس هذا المول قريب ابي اشتري لي ملابس..
ياسر بعباطه: والصلاه =_= ؟
شهد: اكو داخل مسجد يالله اقرب من البيت ^^
ياسر: خليها وقت ثاني وبعدين فاطمه بالبيت ؟
شهد: لالاالله يخليك ..انا بدق بشوف
اذا تبينا نمر عليها ناخها ويانا بعد مانصلي
ياسر باستسلام: يالله دقي..
شهد طلعت جوالها وبدت تدق..
شهد: الو ميري ..
ميري: نعم مدام
شهد: وين فاطمه ؟
ميري: فاطمه نوم فوق..
شهد: طيب قولي لها اذا قامت تدق علينا طيب ..
ميري: انشاء الله مدام..
شهد وهي تسكر الجوال وتبتسم: نايمه ..!
ياسر: ههههه ربي يحبج ترى ..يالله نمشي للمول ^^
شهد وهي فرحانه: يسس ^^

نرجع لبيت ايمان..
ايمان كانت قاعده تسبح بالسبحه وتستغفر بغرفتها
وابو هند قاعد يلاعب سارونه بالصاله الا فوق
وجنبه هند وموضي ..
موضي: يباا ..
الاب: هلا
موضي: يبا ابي جنز الجنز حقي الا شريته انشق لما رحنا الملاهي ..
الاب: من عيوني بس مو الحين لما يصير عندكم
اشغال وايد من السوق نقضيها مره وحده ..
هند: وانا بعد ابي لي شنطه وا**سوارات للجامعه
الاب: ماعليه مو الحين هالاشياء مو ضروريه
هند: لا يبا صديقاتي كل يوم يلبسون اشياء جديده وكشخه وانا ابي اكشخ
موضي: يبا والجنز لا تنساني +_+
الاب: طيب تروحون بعد صلاه العشااء للمول القريب ؟
هند وموضي: ايي يبا..
الاب: طيب روحوا اسألوا امكم اذا تبي تروح
موضي وهي تركض لغرفه امها: يماا
الام: هلا حبيبتي..
موضي: بنروح السوق ويا ابوي تبين تروحين ويانا؟
الام: لا يما انتوا روحوا انا بقعد هني مع ساره احس تعبانه شوي
موضي: انشاء الله يما
موضي وهي ترجع للصاله: امي تقول ماتبي تروح
الاب: طيب..بعد صلاه العشااء تكونون جاهزين ^^

ننتقل لشهد وياسر بالمول حاليا الساعه 5 العصر..
كانوا بمحل للتيشيرتات ..
شهد وهي ماسكه بلوزه نص كم لونها اصفر وعليها سمايل
شهد: شرايك كيوت صح ؟
ياسر: اي حلوه ..
شهد: شفيه ويهك منعفس لهالدرجه مليت ؟
ياسر: للاسف ايه لاني ماسك للان 6 كياس
ومالي خلق امسك اكثر !!
شهد : افف طيب لا تعصب خلاص ماني شاريه
يكفي التيشيرتات الا شريتهم..
ياسر: الحمد لله رحمتيني ..
طلعت شهد من المحل وتتمشى مع ياسر..
لفت انتباه ياسر محل للرياضه وهو من زمان وده يشتري شوز..
ياسر: تدخلين نشوف هالمحل؟
شهد: بتشتري لك ؟
ياسر: مدري اشتهيت شوز او شي رياضي
شهد: طيب يالله..
ودخلوا المحل كان اكثر الموجودين شباب ..
شهد وهي تتلفت يمين ويسار وتشوف الشباب يطالعون فيها ..
ياسر بصوت خفيف: خليج قريبه مني طيب..
شهد: اوك ..
كان فيه مجموعه شباب عمرهم بعمر شهد واكبر

كانوا 3 اولاد ..يناظرون شهد ويبتسمون لها
وواحد منهملما كانت شهد تمشي ورا ياسر رما رقم تحت رجولها..
التفت ياسر للارض وشاف الرقم
طالعت شهد الارض ورفعت راسها وكان وجهها
بريئ وهي تطالع ياسر بقلق..
ابتسم ياسر لوجه بنت خالته وقال لواحد من الا يشتغلون بالمحل
ياسر: لو سمحت فيه من هذا الشوز 44؟
العامل: اكيد فيه..
من ورا ياسر بمسافه ..
كانت مجموعه الشباب موجوه وراهم ويستهبلون على شهد..
واحد من الشباب تكلم بصوت عالي وقال: اخخخ يااني احب البربري !
فجأه !!
فتحت شهد عيونها مستغربه وبنفس الوقت مستحيه
لما نطق الشاب هذا الكلام بنفس الوقت وبسرعه
كان ياسر حاط يده اليسرى على كتف شهد وهو يقربها منه
وكأنه يقول للشباب هذي لي بحالي !
استحت شهد من هالحركه ومازال ياسر ماسكها بقوه وشادها بجهته
رفعت راسها ووجهها غايص باللون الاحمر
قالت بصوت مستحي وبنفس الوقت خايف:يـ.. ياسر !
التفت ياسر لها وغمز لها بعينه وابتسم
فهمت شهد من حركه ياسر وعلامه وجهه انه يبي يخلصها من
هالشباب لا اكثر وما قصده شي ..
بعدها جا العامل وعطى ياسر علبه الشوز
وبعد ما جلس عالكرسي وقاسها قال بصوت هادئ وخفيف: حلوه ؟
شهد وهي مرتبكه: ا.. اي ..
ياسر وهو يكلم العامل: اوك حطها لي عند المحاسب هذاني جاي احاسب..
راح العامل عند المحاسب وحط العلبه
مشى ياسر وبجنبه شهد واتجهوا للمحاسب..
ياسر بصوت خفيف: شهد شفيه ويهج جذيه؟
شهد بتردد: هاا .. مافيه شي !!
ياسر: الا فيه.. لونه احمر..
رفعت شهد راسها وعبست وقالت: لا والله !
ياسر وهو يبتسم: اخاف بودره..
شهد: ههههه ..لا اكلت رماان ^^
ياسر وهو ياخذ كيسه الشوز من المحاسب وقال: اووه ما اخبر
اكو رمان ببيتنا !
شهد: اووهو ياسر لا تحارشني ..
ياسر وهو يبتسم: خلاص طيب ..
وبعدها طلعوا شهد وياسر من محل الرياضه وبدأو يتمشون
مروا على مدينه الملاهي الصغيره الموجوده بنفس المول
وكانوا الاطفال مستانسين بالالعاب
كانت شهد تناظرهم وتبتسم..
لفت انتباهها عاليمين عائله حلوه وبسيطه ام واب ومعاهم بنت صغيره ..
كانوا العائله سعيدين.. الاب شايل بنته على كتوفه والام معاها الكياس
ويسولفون..
همس ياسر بأذن شهد وقال: وين وصلتي؟
التفت شهد وقالت: هاا؟
ياسر: شفيج وين وصلتي بافكارج ؟
شهد: ههه لا بس قاعده اطالع الناس..
ياسر: طيب نروح نقعد هناك عالكرسي والطاوله
وتطالعينهم على راحتج ..
شهد: على كيفك انا عادي عندي..
ياسر: طيب امشي نروح..
حط ياسر الاكياس تحت الطاوله وجلس هو وشهد عالكرسي..
ياسر: تبين نطلب شي؟
شهد: انا ماني يوعانه ..
ياسر: لو سمحت..
العامل: نعم..
ياسر: جيب لنا 2 عصير برتقال..
العامل: اي طلب ثاني؟
ياسر: لا شكرا..
شهد حطت يدها على خدها وهي زهقانه وقالت: انا ماقلت ابي عصير ..
ياسر: شسوي لج قلتي ماتبين ..
شهد: طيب ليه طلبت لي..
ياسر: اخاف اطلب بحالي وتشتهين وتطقيني عين ^^ !
شهد: خخخخ عيني بارده لا تخاف
ياسر: لا والله ..العين ماتشااور ^^
لفت شهد وجهها وجلست تطالع الناس والاطفال الا يلعبون
وبعدها جاب العامل الطلب ..
لحظه هدووء مرت بدون كلام ..طفش ياسر وجلس يطالع بشهد..
كانت منشغله وهي تطالع الناس يلعبون وعيونها تتلامع
وجمال هالمنظر بعين ياسر كان لا يوصف ابداا
حب ياسر يضيف شي من الدعابه وقال: تبين نلعب؟
شهد وهي تستغبي: لا والله شايفني بيبي..
ياسر: مدري عنج قاعده تطالعين ..ترى عادي شوفي الحريم يركبون
شهد: ياسر لا تستهبل =_=
وقف يااسر من الكرسي ومسك يد شهد لدرجه انها وقفت من سرعه
مسكت ياسر ..
شهد وهي تحاول تفك يدها: شفييك انت مجنون مابي العب ..
ياسر وهو يبتسم: يالله بسرعه نقطع تذاكر لا يفوتنا قطار المووت
شهد: لا يااسر مابي مابي ..
واتجهواا بسرعه لمكان قطع التذاكر وقطع ياسر تذكرتين..
واتجه للعبه قطار الموت ..
كان كلام ياسر صحيح كثير من الحريم صافين بيركبون وفيه اطفال
وزحمه لا تصدق ..
شهد وهي خايفه: ياسر مابي اركب مااحب قطار الموت ..
ياسر وهو يعطي الرجال التذاكر: اييه قولي تخافين..
شهد: يوييسر رجع التذاكر افف مابي مابي..
ياسر وهو يشد شهد ويدخلون للقطاار ..
وبعدها جلس ياسر وجنبه شهد وسكروا عليهم الحزام..
شهد وهي معصبه: انت شفيك قولهم يفتحون الحزام اقولك
انا اخاف من القطار والله اخاف خلااص قول لهم يفتحونه !
ياسر وهو يبتسم: اذا خفتي امسكي يدي
شهد: اوهوو والله مالي خلقك .. قوول لهم ينزلوني قبل لا يشغلون القطاار
ياسر: هههههه ماني قايل لهم
شهد: هذا الا ابقتله الحين .!!
ياسر وهو مستاانس: يسس.. راح يشغلونه ^^
شهد وهي خايفه: لالا ياسر والله اخاف قول لهم يطلعوني ياااسر
ياسر: مايخوف عادي والله ..
شهد: لالالا انا اخاف اطييح مااحب
فجأه تحرك القطار وسكرت شهد عيونها وتهز رجلها
ياسر يطالع فيها وكأنها طفله احد ماخذ منها شي ومتوتره وتبيه يرجع لها
بدأ القطار يسرع وقرب من النزله ..
الركاب قاموا يصارخون وبعضهم يضحكوون ..
لما نزل القطار اشتد صرااخ الناس ومسوين اكشن باللعبه ^^
فجأه بين كل اصواات الناس شهد ماصرخت ولا شي بس
قالت بأعلى صووت عندها: يااااااااااااااااااااااااااااااااااااااااااااسر ..
ياسر قام يضحك بصوت عالي
ومد يده ومسك يد شهد الا كانت مسكره عيونها وخصلات شعرها الناعم كانت تتطاير لفووق ..

نرجع لبيت نوره حوالي الساعه 6 المغرب ..
نوره وهي معصبه على جوالها وجالسه تدقق فيه ..
عبد الرحمن: شوي شوي عالجهاز لا ين**ر..
نوره: اف اف اف ..
عبد الرحمن: شفيج؟
نوره: ست مليون وخمس وعشرين الفمرره (مدري من وين هالرقم طالع^^)
اتصل على شهد وما ترد !!
عبد الرحمن: ههههههههههههه ست مليون شنو؟
نوره بعباطه: افف من صج مدري وينها الدبه هذي =_=
عبد الرحمن: وانتي ليش عله لاصقه فيها بكل مكان !
خلي البنت ترتاح منج شوي
نوره: خخخخ هي صديقتي الوحيده .. واصلا ما تمل مني
عبد الرحمن: اي وااضح..
نوره: اوهو انا بصعد دااري احسن لي من مقابل ويهك
وصعدت نوره وهي معصبه لغرفتها..
الام وهي جايه: شفيها نوره؟
عبد الرحمن: هههه تقول ست مليون مدري شنوو مره تتصل على شهد
وماترد على مكالماتها..
الام: الله يهديها كله يا عالنت او الجوال .. وماكو مذاكره الا بطلعه الروح..
عبد الرحمن: اي ماشاء الله نوره مطلعه 100% << ^^
الام: ههههههههه تتطنز انت وييهك لا تخليني اذكرك كم طلعت باخر سنه
ثانوي..
عبد الرحمن: اوووه ماشاء اللله وللحين تتذكرين !
الام: في احد ينسى نسبه مثل جذي..
عبد الرحمن: يمااا
الام: ههههه الله يهديكم بس ..

نرجع لشهد وياسر بعد ما طلعوا من اللعبه ..
شهد وهي معصبه: عجبك جذي طاح قلبي وضاع..
ياسر: لا ماا ضاع هذا هو وياي ^^
شهد: اففف يااسر لا تستهبل..
ياسر: ما استهبل تبيني اطلعه لج؟
شهد: تدري اني اكرهك اكرهك من كل قلبيي
ياسر: اي واضح .. عيل ليش قلتي اسمي لما خفتي؟
شهد: على بالي انك بتساعدني =_=
ياسر: جذابه ..
شهد: اسكت بس يعني شنو مثلا بيكون غير جذي؟
ياسر: ماادري انتي الا تعرفين شنو ؟
شهد ووجهها احمر: خل نرجع للبيت الوقت تأخر..
ياسر وهو يبتسم ابتسامه غامضه: طيب ..
وبعدها ركبوا شهد وياسر السياره وكان الوضع هدووء..
بعد ماصارت الساعه 6 وربع المغرب ..وصلواا للبيت..
وقف ياسر سيارته برا البيت لانه بيطلع الاشياء وبعدها بيروح لاصحابه..
ولما شالت شهد الكياس وسكرت الباب ..
فجأه ظهر صوت خشن من وراهم وهو يقول: هييي انتي ..
لفوا شهد وياسر وجوههم على وراا ..
وكانت المفاجأه انه الشباب الثلاثه الا كانوا يتحرشون بشهد
بمحل الرياضه لاحقين ياسر وشهد الى لما وصلوا للبيت..
ترك ياسر الكياس من يده وتحددت عيونه وكان وجهه غاضب..
لف على شهد الا كانت خايفه وقال بصوت خفيف: دشي البيت..
رفع ياسر صوته ووجه نظراته للشباب الثلاثه: خير انشااء الله؟
واحد من الشباب: مافي الا الخير ..
ياسر وهو يقرب من الشباب: حركات المراهقه هذي مالها داعي..
واحد من الشباب: شفيك انت حنا مو جايين عشانك..
الشاب الثاني: لحظه لحظه ياحلوه لا تدخلين البيت..
ياسر بصوت قوي وشديد: خل كلامك معي انا مو مع غيري..
الشاب الاول: لااا تكفى وخر عن طريقنا بنكلم الحلوه هذيك..
شهد كانت خايفه وتدق الجرس ومحد كان يرد وكانت حاطه يدها
على قلبها الا ماتدري وشو الا مخوفه
ونظراتها كلهاا عاالباب تنتظر احد يفتحه..
فجأه سمعت صوت ضربه قويه من وراها ..
لفت وجهها وهبت نسمه خفيفه بارد طيرت خلصها بجهه اليمين ..
صرخت صرخه قويه
وطاحت الكياس من يدها وقاالت: ياااااااااااااااااااااااااااسر..
كان المنظر مخيف بالنسبه لشهد..
كان واحد من الشباب ماسك زي الحديده الطويله حتى كان شكلها مرعب
وضرب ياسر فيها ..لدرجه انه ياسر كان جالس عالارض من شده الضربه..
فجأه تراودت صوت سياره الشرطه على المكان ..
وانحاشوا الشباب لما سمعوا الشرطه تدور بالاحياء ..
وكات اشكالهم من جد مجرمين كانهم قطاوه ينحاشون من كلب..
جت شهد تركض ومسكت ياسر الا كان طايح على الارض من كتفه
ولفت وجهه عليها..


وقالت بصوت متقطع وهي بقمه الخوف: يــ..يـ... يااسر !



كانت شهد في قمه الخوف من المشهد الا حصل
هي صح ماشافت ضربه يااسر مباشره
لكنها التفتت لما سمعت صوت الحديده الا هز كيانها ..
شهد وهي جالسه عالارض وحاطه ياسر على فخذها
تطالع بوجهه الا كان مغمض عيونه وكأنه جثه قداامها..
شهد بإرتباك شديد: يـ..يــاسر رد علي ..
رفعت شهد يدينها وحطتهم على فمها وهي تحاول تمسك دموعها
لكن بدون فائده دائما عاطفتها تتغلب على مقاومتها
وبدأت تبكي بصوت خفيف وهي مسكره وجهها بيدينها..
شهد وهي تصيح: لا يـ.. ياسر الله يخليك قوم ..افتح عيونك الله يخليك
وانهارت شهد بالبكاء وقامت تلف وجهها يمين يسار تدور على حل
توديه للبيت او تروح على طول للمستشفى ..كانت محتاره ومرتبكه !
فجأه وهي تتلفت مسكت اصابع رقيقه وجه شهد وهي سرحانه شنو تسوي..
لفت شهد وجهها وتفجأت انه ياسر كان يبتسم وحاط يده على وجه شهد
ويحاول يمسح دموعها بأصابعه..
شهد باستغراب: ياااااسر !
ياسر: شنو؟
شهد وهي مو فاهمه شي: تبيني اوديك للمستشفى.. تكفى قول لي
والله ماادري شسوي ؟؟
ياسر: ليه توديني المستشفى؟
شهد: شنو ليه .. ماتعورت؟
ياسر: وهو يقعد عالارض ويضحك: ههههههههه منو قالج انه
احد ضربني عشان اتعور؟
شهد: شنووو... ليش انت كنت طايح عالارض وماتتحرك شنو انت انقلب راسك؟؟؟
ياسر وهو يحاول يمسك ضحكته: ماتعرفين الخدعه .. عادي ينقالك تعورت
وطيحت روحي عشان يخافوون .. الا انتي ليش تبجين؟
شهد حمر وجهها وماعرفت وشو تقول ..ووقف عن الارض
وقالت وهي تمسح دموعها: والله انك سخيف..
ياسر وهو يضحك: هيي تعالي ظهري يعورني من النومه عالشارع
تعالي ساعديني اقوم ..

شهد بوجه عبيط: احسن خلك هني =_= ..
واخذت الكياس ودخلت للبيت وسكرت الباب بقوه ..
وبدأت تتجهه للدرج وهي تتذمر من حركه ياسر الا كانت من جد سخيفه
كان ياسر توه يدخل للبيت وهو مسرع ويحاول يلحق شهد
ياسر: شهد شهد لحظه..
شهد ماعطت ياسر وجه وبدأت تكمل تصعد الدرج بهدوء..
ياسر وهو يصعد الدرج الى ان صار وراء شهد تماماً
بعدها مسك ياسر يد شهد مسكه خفيفه ..
استحت شهد وبعدت يدها ولفت وجهها وقالت: شتبي بعد..؟!
قرب ياسر الا كان مقابل وجهه شهد مباشره وهمس بأذنها
وابتسم وقال بصوت خفيف: ميرسي
شهد وهي مستحيه رجعت شوي وابتعدت عن ياسر
وقالت وهي معصبه: انتي ليش كله تتلصق فيني عيب عليك
اففف ياربي ماتستحي انت ؟
ياسر وهو يبتسم ابتسامه غريبه: ماادري انتي زي المغناطيس !
شهد بعباطه: وانت حديد يعني =_= !
ياسر وهو يبتسم: هههه .. لا بس يمكن..
شهد: عيل روح اكشف احسن لك ..

بنفس الوقت الساعه 6 ونص المغرب ببيت نوره ..
عبد الرحمن يروح ويتأفف من حمد الا كان يلاحقه وين ما راح
حمد: تكفى تكفى تكفى ..
عبد الرحمن: ياولد الحلال ماني رايح تعباااان قلت لك ماني
حمد: لالا تكفى يالله بس شوي تكفى..
عبد الرحمن : وبعدين يعني قلت خلاص .. ولا تقعد تلاحقني كأنك ظلي !
حمد وهو يبتسم ابتسامه عريضه: بليييييييز ..
من جهه الصاله يدخل الاب للبيت وهو يقول لا إله الا الله
ويسمع مناقشه اولاده.. فدخل للمطبخ عند حمد وعبد الرحمن..
الاب: شفيكم؟
عبد الرحمن: يباا فكني الله يرحم امك تكفى ..
الاب: عسى ماشر ..
حمد بوجه بريئ جدا جدا وبصوت خفيف:ابغى كندر ابو اصبعين
عبد الرحمن: يا برييييئ اييه مو تو تبي ماسر وكندر وسينكرز
وتوي** ولا وكل واحد منه اثنين!
حمد بعباطه: لا بس كندر انت شتبي قاعد اقول لابوي =_=
عبد الرحمن: سبحاان من غير الاحوال ..المهم انا بطلع
الاب: هههههه .. على وين؟
عبد الرحمن: عند الربع بمشي لهم مشي بالاستراحه القريبه ..
الاب: الله وياك حبيبي
حمد وهو يصارخ: مو توو مالك خلق تطلع يا نحيس..
عبد الرحمن: نيا نيا نيا يالله بس اقلب خشتك
وطلع عبد الرحمن ..وجلس الاب على الكنبه وهو يمد يدينه
ويفتح حضنه لحمد..
الاب: تعال ..
حمد وهو ينط بحضن ابوه: ها والكندر؟
الاب وهو يبتسم: ماطلبت شي .. بعد اذان العشا نصلي انا وياك ونروح للبقاله
واشتر موبس كندر واحد الا تبي.. ^^
حمد وهو يلم ابوه: وناااسه.. انت احسن ابو بالدنيا ilove you !
وبعد دقايق نزلت الام وهي كاشخه وتبتسم..
الاب: الله الله ..واخيراا جهزتي
الام: ها حلو ؟
الاب وهو يحط حمد من حضنه ويبتسم: يهبل ..
الام: زين عيل يالله نمشي ؟
حمد بلقافه: وييين ؟
الاب: بطلع انا وامك مشوار ..
حمد: لا والله على وين انشاء الله ..
الام: عيب ماما هالكلام بابا قال مشوار ..
حمد وهو معصب: والكندر؟
الاب: هههههه هذا الا شاغل بالك عيل ..
الام: شالسالفه ^^ !
الاب: بقولج بالسياره .. وانت كندرك بيووصلك بس لا تحاتي ماعليك
حمد: زين.. عيل سهره موفقه ^^
الام: يالله بنمشي لا تهبل اخوانك ..
حمد: لا توصين حريص (بقلبه/ ان ماطلعت لنوره ودحييم قرون ما اكون حماده)

نرجع بعد ما مضت بعض دقائق لبيت الخاله ابتسام..
شهد كانت بالمطبخ وتحط الاشياء الجديده
مع ميري بالدروج وتسولف مع ميري
شهد وهي تفرغ الكيسه : ميري ..
ميري: نعم مدام
شهد: وين تحطين علب البهارات وهالشغلات دايم ؟
ميري: هناك ..جيبي مدام انا في حطي بعدين
شهد: لا عادي انتي فرغي الاكياس الثانيه ..
ياسر وهو يتجه للمطبخ وركى جسمه عالباب (وضع او تسند ^^) وهو يبتسم
ياسر: اوووه ما اسرع صرتي ربه بيت ..
شهد بعباطه: ماكو احد اول ببيتنا يسوي هالشغلات غيري
واصلا انا مزاعلتك لا تكلمني -_- ..
ياسر: افااا .. وليه زعلانه علي ؟
شهد: مالك دخل واطلع من المطبخ هذي مو شغلك ..
ياسر: ليه المطبخ شغلج ؟
شهد: اوهوو .. اي !
ياسر: لا هذا شغل ميري انتي تعالي ..
وبسرعه اتجهه لشهد ومسك يدها وشدها للسيب الا براا المطبخ ..
شهد بعصبيه: ليش طلعتني ابي ارتب الاشياء اففف ..
ياسر: لا هذا مو شغلج ..
شهد: ياسر بلا استهبال اترك يدي بروح اكمل =_= !
ياسر: كيفي ماراح اتركها الا لما تسكرين عيونج ..
شهد: اففف والله خلاص بعصب ترى.. اتركها لا تمسكني جذي !!!
ياسر بنبره صوت هادئه وهو يبتسم: طيب سكري عيونج ..
شهد وهي مستحيه ..وخايفه احد يمر ويشوف هالمشهد: افف طيب سكرتها ..
بعد ما سكرت شهد عيونها ..
طلع ياسر من جيبه كيسه صغيره لونها فوشي
وحطها بيد شهد الا كان ماسكها
وقال وهو يقرب وجهه من وجه شهد ويبتسم: افتحيهم الحين ^^
فتحت شهد عيونها وطالعت الكيسه وقالت: شنو هذي ؟
ياسر: افتحي الكيسه وشوفي ..
شهد وهي تطالع ياسر مستغربه: وحده من خدعك والا ؟
ياسر: لالا ..انتي افتحي وشوفي ..
شهد بهدوء: طيب ..
بعد ما فتحت شهد الكيسه ودخلت يدها تبي تاخذ الشي الموجود فيها
ووجه ياسر كان فرحان ومليان حنان ..
فجأه قبل لا تشوف شهد الشي الا بالكيسه جت فاطمه ولمت ياسر بسرعه
فاطمه: يسوووووري انتوا رديتوا ..
ياسر وهو يطالع بشهد ورجع نظراته لاخته بحنان: ايي .. وجبنا لج العاب
وملابس واشيااء كلها وردي ^^
شهد وهي تحط الكيسه الصغيره بجيبها الا ورااء بالجنز وقربت من فاطمه
شهد: وبعد انا جبت كيسه كبيره كلها حلويات بعد شوي افرغهم
ونسوي حفله انا وياج ..
فاطمه بونااسه: الللله وناااسه ..
ياسر ببتسامه عريضه : واناا ^^ !
شهد: ههه انت مطرود هذي حفله بنات
ياسر: لا ماكو انا اولكم..
فاطمه: لا مافيه بس انا وشهد عشان نصير صديقات ^^
عبس ياسر وقال: طيب متى بتخلصون الحفله عشان انا بطلع
واذا خلصتواا ارد عشان لا اغار منكم وتقعدون تحجون لي شصار عشان
احس كأني كنت وياكم ؟
فاطمه: مدري اسأل شهد ..
شهد باحتيار: همممم ... الساعه 8 بنبداا و10 نخلص زين جذي .
فاطمه: اي عشان ياسر ياخذ راحته مع اصدقائه
ياسر يسوي روحه زعلان: عاد لا تسوون اشياء حلوه وايد عشان لا اغار
اتفقنا ..
شهد: همم على حسب يمكن تصير اشياء مو حلوه بس تهبل ^^
فاطمه:ههههههه وانا بقعد كل شوي ادق عليك واسمعك صوتنا ^^
ياسر: نحييسه ..هههههههه
وابتسمت شهد ابتسامه حلوه على كلام فاطمه..
ولفت انتباهها انه عيون ياسر
كانت تطالع فيها وهي تبتسم بكل حنان ورقه ..
الى ان حست كأنها داخل عيونه ..وما قدرت تفسر هالنظره لانها مو عارفه
شلون ياسر يفكر بنظراته تجااهها !

بعد مده ..نتجه الحين لبيت الجاره ايمان ..الساعه 7 تماماً ..
ايمان وهي بالصاله مع بناتها وزوجها قاعدين يدردشون مع بعض والسوالف الا مافي احلى منها ..
الاب: والله الجو كل ماله و يبرد ..
ايمان: اي والله عاد برد الكويت غير ..
هند: يبيلنا بعد اسبوع نشتري ملابس والا بنثلج اذا استمر الجو جذي ..
الاب: من هنا لاسبوع الله يحينا ..
موضي وهي تلاعب ساره وتدغدغدها: يما ساره ماتعرف الا تطقني كف
ايمان: ههههه توها صغيره ماما ..
موضي: يعني انا كنت اول لما هند تلاعبني اطقها كفوف؟
هند:ههههههه مين قال كنت الاعبج كنتي وحش اعوذ بالله ..
الاب:ههههههههههههه انا كنت الاعبج بالع** انتي احسن وحده لما كنتي صغيره
هند: لا والله وانا ؟
الاب: لا هم بعد انتي بس موضي كانت ما تبجي بالليل انتي الله يهديج
مثل المأقت كل 5 دقايق صرختي وقومتينا انا وامج ..
هند:ههههه يبا خلاص لا تقعد تحش ..
موضي:هههههههههههههههههه انا بسميج ساعه عيل
هند:خخخخ سخيفه =_=
ايمان: وانتي بعد موضي مو هينه كنتي مدلعه لما كنا نجيب لعبه لهند
كنتي تاخذينها وت**رينها وماخليتي شي من العابها
هند:اهاا وانا اقول ماعندي ذكريات طفوليه اثاريج مقتحمه عالمي الطفولي
والله مجرمه ^^
موضي بوجه نحيس:هع هع
واثناء ضحكها ماتحس الا وهند شايله الكوشايه وراميتها على خشه
موضي !
ضحك الاب وايمان على شكل موضي وهند.. صراحه كانت لهم طفوله ما تنتسى ابدا !
ايمان وهي تقوم من الصاله: انا بروح شوي للمطبخ اشوف شنو عالشاء بناكل انتبهوا لساره
موضي: ان شاء الله مامي ^^
هند وهي تاخذ ساره من موضي: اعوذ بالله من غضب الله الحين تخرعينها
موضي: اسكتي بس عطيني اياهاا ..
هند: لا مااكو مابعطيج الحين تخوفينها وتصيح..
الاب وهو حاس انه ساره بتروح فيها بين يدين بناته: عطوني اياها اهوو لا انتي ولا انتي خلوها عندي لا تبجي منكم..
موضي وهند بوجه عبيط: يبا ساره قامت تبجي منك =_= !
الاب: لا حبيباتي منكم انا ابوها ^^
هند: احم يبا لازم نغير لساره !
الاب: ليش من متى ماغيرتوا لها ؟
هند: قبل ساعتين يعني الحين فايضه الدنيا واخاف توسخك
الاب بسرعه وهو متورط: هاج اخذيها اشوفها تبجي تبيج اكيد
موضي:ههههههههههه لا تو كانت تبيك على كيفك هو
الاب :ههههههههههه موضي !!

نرجع بهاللحظات لبيت نوره..
بعد ما طلعوا ام وابو نوره من البيت ..حمد كان جالس بالصاله ويعلب
بلايستيشن ..
وبعد مده نزلت نوره وهي مالها خلق ابد وفيها النوم وجلست على الكنبه الا بالصاله
حمد: يما شفيه ويهج جذي !
نوره بوجه عبيط: شربت كحول بالغلط
حمد:ههههههههههههههههههههههه ليش على بالج ماي ؟
نوره: والله انك ذكي يعني شايف عندنا كحول مثلا =_=
حمد: طيب لا يطير خشمج بس
نوره وهي تلمس خشمها: شدخل الخشم الحين !
حمد: لا بس كانه م**وور
نوره:خخخخخخخخخخ يحليلك تحاول تنكت اختار اي اصبع عشان ادغدغ فيه نفسي =_=
حمد وهو يصرف الموضوع: طيب خخخخ تلعبين وياي **ارعه بالبلاي ستيشن ؟
نوره: مالي خلق الدراسه ماخلت فيني شي
حمد: اموت انا يعني مثلا كنتي تدرسين ..
نوره: اسكت بس اكيد كنت ادرس ومتت وانا ادرس ..
حمد بخباثه: اييه مدري شلون الاب توب كان بدارج ومفتوح ويلعب فيه جني يشبه لج صراحه..
نوره: وانت شدراك اني كنت عالنت !
حمد: وهل يخفى القمر..
نوره وهي معصبه: لو فكيت حلجك بهالسالفه عند امي وابوي بشقه لك فاهمه ياحلو ..
حمد: بسم الله هنديه =_=
نوره وهي تصعد بالدرج: اقول بس اسكت يالفلبيني خخخخخ ..
حمد:هييي انتي الفلبينيه والله انا اندنوسي دحووم الفلبيني !
نوره: اففف نسيت منقلب راسي والله ..
حمد:ههههههه احسن لج تنامين لان شكلج مو شي ابد ^_" !!
نوره: وهذا الا بيصير ,, تصبح على خير يا ابو خشم مفغوص ..
حمد وهو معصب: اندنوووسي يا هنديه =_=

نتجه الحين لبيت الخاله ابتسام ..الساعه 7 والنصف ..
شهد وهي بالصاله وتكلم البقاله بالتلفون وفاطمه جنبها ..
شهد: اي اي وبعد جيب فنيلا الله يعافيك..
فاطمه: وقولي له بسرعه لاني اعرفه ماراح يجيبه الا بعد سنه ..
شهد: لو سمحت بسرعه حنا مستعجلين..
وسكرت شهد التلفون وابتسمت لفاطمه..
فاطمه: ليتج زفيتيه عشان يجيبه بسرعه
شهد:هههههه لازم نكلمه بالطيب عشان حنا الا نطلب منه والا هو ماعليه بالع البقاله كلها
فاطمه:هههههههههه تخيلي انا اشتغل هناك كان ما اخلي ولا شي للناس
شهد: يادبدووبه تصيرين قد الباب ..
فاطمه:هههههههههه لا اسوي رياضه ماعليج ^^
شهد: اوك يالله الحين للمطبخ نجهز الاشياء عشان الكيكه لما تجي نسويها بسرعه
فاطمه: Ok !
واتجهوا البنات للمطبخ عشان يجهزون الاشياء ويبدون حفلتهم الصغيره
شهد وهي تطلع الصينيه: شنو هالصوت ؟
فاطمه: هذا جوالج يرن بالصاله
شهد: الله لا يهينج حبوبه روحي جيبيه بسرعه
فاطمه: طيب ^^
وراحت فاطمه للصاله وهي تركض واخذت الجوال ورجعت للمطبخ وعطته شهد
شهد وهي ترد: الو ؟
ياسر: هلا شيشوو
شهد باستغراب : ياسر !!
ياسر: اي ياسر ليش شفيج ^^ ؟
شهد: لا بس مستغربه من وين جبت رقمي !
ياسر: سر هاهاها
شهد: حتى بالجوال ملييق =_=

ياسر: هههه بايخه ^^
شهد:خخخ اخلص شتبي انا مشغوله !
ياسر: بشنو مشغوله
شهد تحاول تقهر ياسر: نجهز للحفله
ياسر:هههههههههه يعني بتقهريني انا بعد اصحاابي بيسوون حفله وبروح اقص شعري >>هع هع ^^
شهد:ههههههه ليش بتقرعه ؟
فاطمه: شنو الا بيتقرع؟
شهد: لحظه ماما اقولج بعدين
ياسر: لا مابقرع بس برتبه بتشوفون شكلي لما اجي
شهد: اييه نشوف ...
ياسر: يالله بس حبيت اسلم وبوسي فطووشه عمري ..
شهد:خخخخ اي طيب ببوس فطوشه عمرك ..
ياسر بخباثه: ليش عندج مانع فطوشه عمري
شهد: لا ماعندي.. اصلا ماقلت شي..
ياسر وده يحرج شهد: والا تغارين ؟
شهد خدودها حمرت: لا تتحرش مو ناقصتك ..
ياسر:ههههه خلاص ولج بوسه بس لا تذبحين اختي من الغيره
شهد بحركه سريعه: باي !
وسكرت الجوال وهي معصبه ووجها لونه احمر من كثر مايحرجها ياسر
فاطمه: شنو ؟
شهد: لا ماكو شي بس اخوج بيقص شعره لا اكثر ويسلم عليج
فاطمه:اهاا ..طيب ترى البقاله وصلت ..
شهد: حلو عيل يالله نبدا نسوي ^^
فاطمه: طيب يالله ^^


اما بعد ساعه الاوضاع ببيت نوره ما تشجع والبيت هادئ ومظلم .. الساعه حاليا 9 ونص ليلا ^^
ام وابو نوره للان ما رجعوا من طلعتهم..
اما حمد ونوره غلبهم النوم قبل مده وكل واحد راح فرااشه واستسلم للنوم ..
اما عبد الرحمن توه يفتح باب البيت ويدخل ومعاه 2 من اصحابه..
عبد الرحمن وهو عند الباب: دقايق شباب افضي لكم الطريق
عامر: خذ وقتك انا وفيصل ننتظرك هنا ^^
دخل عبد الرحمن وتأكد انه مافي احد بالدور الا تحت ودخل اصحابه
وجلسواا بالصاله شوي ويسولفون
عبد الرحمن: حياا الله من جانا ^^
فيصل وعامر: الله يحيك ..
عامر: ماشاء الله بيتكم حلوو
عبد الرحمن: تسلم والله عاد فيصل مو اول مره يجينا بس انت منور واالله ^^
عامر: تسلم يالحبيب
فيصل: اقوول وين حمييد مشتاق له هالعبقرينو ..
عبد الرحمن:هههههههه شكله نايم لان البيت هدوء
فيصل: يا معووود .. روح شوفه اخاف فيه شي والا جني اخذه
عبد الرحمن: لا تخاف هذا الجني ينحاش اذا شافه
عامر: بل بل بل.. ماشاء الله اشتهيت اشوفه
فيصل: اشتهيت هو اكله هههههههه ؟
عبد الرحمن:ههههههههه والله لو اكله جبته وجبت الا جابوه كل شي الا عامر
فيصل: افااا وانا ؟
عبد الرحمن: ههههههههههه ولا تزعل انت بعد
فيصل: ^^
عبد الرحمن: اييه وشخبار حسين ؟
عامر: والله ماشيه احواله ..يقولون مات ابوه بحادث سيااره
فيصل وعبد الرحمن فجأه: صجججج !
عامر: الله يرحمه اي صج..
عبد الرحمن: لا حول ولا قوه الا بالله.. الله يرحمه
فيصل: اي والله عاد هو يستاهل كل خير الله يغمد روحه الجنه
عامر: اامين ..
بعد حديث وسوالف الشباب نتجه لغرفه نوره فووق ..
كانت نوره نايمه بسابع نومه ومن جد هالمره داخله جوو بالنووم ..
فجأه رن جوالها ..قامت تحرك يدها وتدور الجوال وهي مسكره عيونها الى ان لقته فوق الكمدينه ..
نوره وهي مسكره عيونها وبصوت مبحوح:الو ؟
شهد: بسم الله شفيه صوتج جذي ؟
نوره: ابد.. كنت نايمه.
شهد وهي متفشله: اووبس اسفه ماكنت ادري روحي كملي نومج
نوره: طيب يالله تشاوز
وسكرت جوالها وبدأت تتقلب
فجأه قامت من السرير نص عين مفتوحه والثانيه مسكره
ونزلت بالدرج
نرجع لدحوم واصحابه..
عبد الرحمن:هههههههههههههه الله يقطع سوالفك جذي تسوي باخوك
فيصل:هههههه والله محد قال له يتحرش
عامر: يحليلك انا لو عندي مثل اخوك جان حطيته بكفوف الراحه
فيصل:فكناا يالحنون هههههههههه
عامر: هههه ما تضحك المهم انا عطشان عندكم ماي ؟
فيصل: لا ناشف بيتهم ^^
عبد الرحمن:هههههههه اي هنا اطلع من الغرفه يمين الدرج المطبخ
عامر: اهلك مو هني انت روح جيب لي ..
عبد الرحمن: لا والله ماكو احد اخواني نايمين والباقي طالعين البيت بيتك خذ راحتك
عامر: تسلم والله
نرجع لنوره الا اتجهت للمطبخ وشربت لها ماي وجلست عالطاوله وحطت يدينها ونامت على يدينها الا على طاوله الاكل
وكانت منهكه ومالها خلق ابد لدرجه انه لمبه المطبخ مافتحتها ..
كان عامر متجهه للمطبخ هو الثاني بعد ولما وصل بدا يدور ازرار النور وفتحه ..
فجأه شااف شي ماتوقع يشوفه ابد!!!
نوره كانت حاطه يديها على الطاوله ونايمه وتشوخر بعد
ولابسه بجامتها الرصاصيه البرمودا والبلوزه الحفر لدرجه انه جسمها كان بارز
وشعرها الناعم كان يلمع وسط النور وطايح على الطاوله ووجهها مليان نوم
لكن ملامحها الحلوه مازالت موجوده ..
فتح عامر عيونه وبلع ريقه وبدأت خطوااته تتراجع وسكر اللمبه وطلع من المطبخ بسرعه ورجع للصاله وجلس
عبد الرحمن: عسى عرفت مكان الكاسات؟
عامر بتوتر: ها .. لا بس غيرت راايي ما اشتهيت ماي ورديت
فيصل:هههههههههه شفيك كانك شايف شبح !
عامر: لا ابد بس ماشاء الله البيت كبير وشوي مظلم لا اكثر ..
عبد الرحمن: المهم ياشباب تبون نلعب ورق والا نتابع لنا شي بالتلفزيون؟
فيصل: الا يريحك والله كل شي حلو
اما عامر الا كان ساهي بتفكيره والمنظر الا برااسه ابداا ما شاله من تفكيره لدرجه انه كان غافل عن اصحابه وما انتبه لاي شي ..

بعد لحظاات نرجع لبيت الجاره ايمان ..
بعد ماطلع الاب مع بناته للسوق يقضون الا يبونه مثل ماقال لهم..
كانت ايمان جالسه تلاعب ساره وتتابع تلفزيون..
مسكت ايمان جوالها واتصل على زوجها..
ايمان: الوو
الاب: هلا ايمان..
ايمان: هلا ابو هند ها وينكم ؟
الاب: بالطريق هذا حنا واصلين
ايمان: الله يسهل عليكم وشخبار البنات
الاب:الحمد لله شروا الا يبونه انتي ماتبين شي ؟
ايمان: سلامتك والله ..انا انطركم ^^
الاب: يالله مع السلامه
سكرت ايمان الجوال ..
وبعد فتره مو طويله رجعوا البنات مع ابوهم
وصعدواا موضي وهند لغرفتهم واخذوا اشيائهم
موضي وهي ترتب الملابس الجديده: شفيج سرحانه ؟
هند: ها لا ماكو ..
موضي: الا اكو شفيج ؟
هند: قاعده افكر لو اقول لامي تعزم شهد نتعرف عليها
موضي: ويييع وانتي شجابها ببالج الحين ؟
هند: مدري اصلا كله ببالي !
موضي: يعني شفيها عشان تفكرين فيها من حلوها ..
هند: ماادري بس جذي افكر فيها ..
بدأت موضي تدقق بملامح اختها الا كانها منقهره او منزعجه من شي ..
وقامت الافكار تودي وتجيب براس موضي .. يا ترى وشو الا مخلي هند تفكر بشهد؟

بعد ما اشارت الساعه 10 والثلث تماما .. نتجه لعند شهد المنهكه من التعب
بعد ما سووا الكيك واكلو الحلويات وشربوا العصيرات
ولعبواا بالبلونات وتابعوا المسلسلات..
نامت فطوم بالصاله واخذتها شهد لغرفتها ..
وطبعاا ميري نايمه من الساعه 9 ..
فما بيد شهد من حيله الا انها تنظف الصاله من هالحوسه الا من جد تتعب الواحد ..
بدأت شهد تشيل البلونات من على الارض بعضها المفقوعه والا مليانات هوا تفقعهم
وشالت بقايا الكيك من على الارض ورتبت الاشرطه و شالت بقايا الحلويات..
اما الامور عند ياسر ماشيه توه وصل للبيت ..
دخل من الباب الرئيسي الا يكون مقابل الصاله الا فيها شهد..
واما شهد بعد ما تعبت شوي قرتت تجلس عالكنبه وتستريح شوي
جلست عالكنبه وفردت جسمها كانها جايه من حرب او ماشاابه من كثر التعب
فجأه وهي حاطه على راسها عالكنبه حست بشي ورا الكنبه
ولما شدها الخوف انها تشوف شنو الا ورا الكنبه
فجأه نط ياسر بسرعه ووقف وابتسم كانه ماسواا شي..
وقفت شهد مذهووله من الا تشوفه عيونها واستحت
ياسر متفاجأه: شنو ليش تطالعيني جذي؟
شهد: هاا .. لا بس شعرك !
ياسر متخرع: لااااااااااااااااااا تقولين مو حلوو !!!!
شهد وهي تحط يدها وتلمس شعره بحركه خفيفه وتضحك:ههههههههه بالع**
كانت شهد منهبله بشكل غير طبيعي على شعر ياسر
وكان شكله صراحهً جذاب اكثر من الا كان عليه اول
كانت القصه حلوه مره على وجهه البيضاوي وملامحه الرجوليه الجميله
مدرجه من ورا 3 درجات ومن قدام خصله قصيره على اليمين
ياسر وهو فرحان: يعني حلوو ؟
شهد: يب يب نعيماا ^^
ياسر: يسس وناسه .. الله ينعم عليج صح شكلي تغير؟
شهد وهي مستحيه: لا عادي
ياسر بوجه عبيط: توج تقولين حلو =_=
شهد:هههههههههه هو حلو بس ماتغير وايد كيوت القصه ..
لفت نظر ياسر اغراض التنظيف الا كانت بالصالون ..
ياسر:هههههه على الطاري شفيه ويهج كانج مسويه حمله تنظيف وميته تعب ؟
شهد: ههه .. والله تعبت وايد كنت انظف الصاله بعد ما لعبنا انا وفطوم
ياسر: اها ماعليه انتي روحي نامي بكره ميري تنظفها
شهد : صج والله عادي اخلي الوضع جذي ؟
ياسر وهو يبتسم: اي عادي روحي ارتاحي هذا شغل ميري ..
شهد: طيب شكرا يالله تصبح على خير ..
ياسر: وانتي من اهله ..
صعدت شهد الدرج بهدوء وكان ياسر يطالع فيها ..
ياسر: شهد
لفت شهد وجهها على ياسر من فوق الدرج: نعم
ياسر بحنان: افتحي الكيسه لا تنسين ..
استحت شهد ووجهها صار احمر ولفت وجهها واسرعت خطواتها لفوق
شهد: تصبح على خير..
ياسر وهو يبتسم وبصوت خفيف: ماتعرفين تخبين انج مستحيه !
لما وصلت شهد لغرفتها سكرت عليها الغرفه وجلست عالسرير..
طلعت الكيسه من جيبها الا بالجنز..
ولما فتحت الكيسه كانت فيها بنسات شعر (مشبك) لونها اسود وعليها سمايل اصفر..
كانت البنسات كيوت حدهم وكانت على نفس ذوق شهد
و كان فيه ورقه داخل الكيسه ولما فتحت شهد الورقه وقرت الا مكتوب..
[ اعذريني اذا كانت هديه بسيطه قلت يمكن تزعلين لانج ماشريتي بلوزه السمايل ..فحبيت اشتري لج شي فيه سمايل عشان ماتوديني مره ثانيه وتشترينها < امزح !
تقطعينهم بالعافيه يابطه ^^ .. تحياتي يسوور ]
استحت شهد لما قرت الرساله .. بس ماكانت تدري ليه هي مستحيه
يمكن لانها اول مره تاخذ شي من ولد هذا هو التفسير الوحيد اذا ماكان فيه غيره ..

وبعد هالليله الحلوه عم الهدووء الحارات ونام الكل بسلام ...

لما يكون اول يوم اختبارات الفاينل ( النهائيه) راح تكون اكيد خايف ومرتعب وماسك الكتاب تراجع عالصباح ..
هذا حال نوره اول ماقامت يوم الاحد الساعه 5 ونص الفجر متخرعه ومو **دقه انه اول يوم اختبارات..
نوره وهي تقوم السرير متخرعه وتسأل امها: اليوم الاحد؟؟؟؟
الام: اي ؟
نوره وهي تنط من السرير وتتجه للحمام باسرع شي: يمااا خايفه اليوم رياضيات ادعي لي
الام: الله يوفقج لا تستعجلين عندج وقت كاافي الساعه 6 ونص روحي ..
نوره وهي تفرش اسنانها: همم.. طيب ادعي لي !
الام:ههههههه طيب يالله اذا خلصتي انزلي تفطري وراجعي
نوره: طيب ..
وطلعت ام نوره من الغرفه وسكرت وراها الباب ..
ونزلت بالمطبخ عند طاوله الاكل كان وعبد الرحمن والاب عالطاوله
عبد الرحمن وهو ياكل توست: تسلم يديج يالغاليه على هالفطور اليوم شي هالاكل ^^
الام: حبيبي والله بالعافيه عليك
الاب: اي والله اليوم اطباق تشهي متشوق للغداا
الام:ههههههههه عاد الغداا عليكم من المطعم اذا ماطبخت
عبد الرحمن:هههههههههههههه يبا ليتك ماقلت الحين ماتطبخ لنا غدا حلوو !
الاب:ههههه خلاص سكتنا .. الا وين نوره اليوم امتحاناتها ..
الام: توني قومتها تبدل وتنزل
الاب: الله ينجحها ويفكها ويدخلها الجامعه بدون سوالف
الام: اي والله مو مثل بعض الناس ..
عبد الرحمن شرق بالحليب وقام يكح: احححح شقصدج !
الام:هههههههههه بسم الله عليك روح اشرب ماي مو لازم تعرف شقصدي
الاب وهو يفتح الجريده: اقول بس خنشوف شصاير بالدنيا اليوم ..

بهذي الاوقات نرجع ونشوف وشو حاله شهد ببيت الخاله ابتسام ^^ الساعه 6 الا ربع ..
شهد وهي تربط شعرها ببكله فوشيه وحدها معصبه: ياربي افف لازم يحطون اول يوم رياضيات وتفسيير الله يتخذ بلييس ..
وبعد ماربطت شعرها بسرعه حطت الكتاب بشنطتها عشان تراجع بالمدرسه
ونزلت لتحت عشان تقول لياسر يوصلهاا
بعد ماوصلت للمطبخ كانت فاطمه تاكل كورن فلي**
شهد وهي تقطع خبزه ومسرعه: وين اخوج؟
فاطمه: ياسر؟
شهد: اكو اغيره =_= !
فاطمه: نايم

شهد وهي معصبه وبصووت عالي: ناااااااااااااااااااااااااااااااايم !!!!!!
فاطمه: يما شفييج فجرتي اذني .. اي نايم !
شهد وهي **به: ويييه ليش ماقالج تقومينه؟؟؟؟
فاطمه: لا امس كان يكلم دكتور امي بالليل ويسوي الاوراق ومانام بدري
شهد وبسرعه البرق ركضت وصعدت لغرفه ياسر
ولما وصلت طقت الباب بقوه وبسرعه 3طقات ومارد احد عليها ..
وقررت تدخل لان اكيد ياسر مابيقوم على طقه باب لا اكثر !
دخلت الغرفه واتجهت للسرير ولما فتحت الغطا ما لقت احد..
شهد متخرعه: يااسر .؟؟
وقامت تدور بالغرفه وهي متوتره وقالت بعصبيه: ياربي وين راح هذا بعد كفايا اختبارات
فجأه انفتح باب حمام ياسر الا كان داخل الغرفه وطلع ياسر منه
لفت شهد وجهها وهي مستانسه وقالت: الحمد لله انكـــ .....
وقطع كلامها شئ ماكانت تتخيله بحياتها تشوفه ..
فتحت شهد عيونها وكانت الصدمه مستمره
كان ياسر توه مخلص من شاوره(متسبح) ولابس جنز سكيني اسود احاط الفوطه على صدره وشعره مليان مويه
ياسر بوجه عبيط: ليش ماتطقين الباب اول شي =_=
شهد وللان **دوومه ومن كثر ماهي مستحيه لفت وجهها عالجهه الثانيه وعطت ياسر ظهرها
وقالت بهدوء: انا.. انا ..انا اسفه طقيت الباب بس مارديت
قرب ياسر من شهد الا كانت معطيته ظهرها وقدامها السرير
ياسر بصوت هادي: عطيني الفنيله البيضا الا عالسرير
شهد وهي تبلع ريقها : ط.. طيب
وعطته الفنيله .. قرب ياسر وجهه على اذن شهد وهو وراها
وكان قريب مره حتى لدرجه انه
كانت قطرات المويه الا على شعره تطيح على كتفها..
وقال: وجهج صاير طماطه على فكره ..
فزت شهد من حركه ياسر.. وبعدت بحركه سريعه وفتحت الباب وقالت وهي مستحيه
شهد: انطرك توصلني تحت ..
وسكرت الباب ..ابتسم ياسر وقال: ههه مسكينه ارحمها كله وجهها لونه احمر ^^ " !
نزلت شهد وهي تركض ووجها من جد احممر من هالموقف الا صار ..
فاطمه وهي تتجه لشهد: شصاير ؟
شهد : ها .. لا ماكو شي
فاطمه: اغسلي ويهج متخرعه شكلج
شهد: طيب طيب ..قولي لاخوج اذا يا انا بالسياره
فاطمه: هههههه مو اخوي اسمه ياسر ^^
شهد وهي تطلع من الباب: اي اي المهم قولي له ..
فاطمه: اوك ..
لما سكرت شهد الباب صادف انه ياسر توه نزل من غرفته
نطت فاطمه على ياسر وقالت : يااااااااااااي شعرك حلوو واايد صاير حلوو
ياسر وهو يبتسم:ههههههه يعني انا مو حلو اول ؟
فاطمه وهي تتدلع على اخوها: الا حلو بس انت كنت تقول انا احلى وحده يعني انت مو احلى مني..
شال ياسر اخته وقال وهو يضحك:هوباا .. انتي احلى اميره بهالدنيا
فاطمه وهي تضحك:هههه ادري
نزل ياسر اخته وقال وهو يطالع الساعه: والله بتذبحني شهد يالله انا رايح اوصلها تبين شي ؟
فاطمه: لا مابي
ياسر: يالله تشااوز..
طالعت فاطمه ياسر بعد ماطلع من البيت من الشباك بحزن
وهي تكلم نفسها: مو اول كنت تجيب لي كل شي احبه حتى لما اقولك مابي
ونزلت من الكنبه وهي زعلانه وراحت تلعب بغرفتها ..
اما ياسر طلع من البيت وتوجه للسياره وكانت شهد جالسه بالكرسي الا ورااء وفاتحه كتابها وتذاكر رياضيات..
ياسر وهو يركب السياره: شعليج اليوم؟
شهد: رياضيات وتفسير =_=
ياسر:زين .. ومتى تطلعين ؟
شهد: بالطلعه بروح بحالي ..
سكت ياسر وطالع بشهد حس انها متغيره شوي بس ماعرف السبب.. بعدها حرك السياره ومشواا..

بعد ما مر الوقت ووصل كل الطلاب للمدارس..
نتجه لثانويه شهد الا دق الجرس فيها معلن ان اول اختبار راح يبدأ
شهد قبل لا تدخل القاعد: نوره يما خايفه مابي ادخل
نوره بعباطه: اي خلاص لا تدخلين واسقطي =_=
شهد:هههه بلا سخافه ..الله لا يقوله
نوره: عيل يالله ادخلي وقولي بسم الله وحلي وفكيني ..
شهد: اف طيب شرايج اوصلج لقاعتج اول؟
نوره: يعني مثلا تضيعين الوقت انتي داخله القاعده داخله ..
شهد: يالله الله يخليج بوصلج
نوره:اففف ياملقج .. طيب
شهد مستاانسه و تعطي نوره بوسه بالهواء: ميرسي ^^
نوره: طيب طيب اعصابج ..

نرجع بعد مرور 3 ساعات من بدايه الاختبار ..حاليا الساعه 3 ونص
ببيت الخاله ابتسام عند فاطمه..
كانت جالسه بالصاله عالارض وتلعب بتراكيبها..
فجأه رن التلفون وقامت فاطمه تشوف مين الا متصل
فاطمه: الو
المتصل وكان رجال: الو.. السلام عليكم
فاطمه: وعليكم السلام !
الرجال: اهلين حبوبه وين الاخ ياسر؟
فاطمه: مو موجود
الرجال: طيب جواله معاه لاني اتصل عليه وما يرد
فاطمه: اي معاه ..طيب منو اقوله اذا رجع؟
الرجال: خبريه اني دكتور قصي من سويسرا
فاطمه: طيب
الرجال: مع السلامه
سكرت فاطمه التلفون وماعطت السالفه اهميه وكملت لعبها
ميري وهي تجي عن فاطمه: غدا جاهز
فاطمه: طيب الحين اجي اكل

بعد مده مو طويله صارت الساعه 11 تماما
وهو وقت الطلعه من الاختبار ..
نوره وشهد توهم عند باب الشارع مع بقيه البنات الا ينتظرون اهلهم
نوره: افف واخيرا خلصنا رياضياات
شهد: اي والله بس اسألتها وايد ع** التفسير
نوره: احسن عشان يصير على كل فقره درجات قليله
شهد : اي صح
نوره: اووه شوفي هذاك ياسر مو انتي قلتي له مايجي
شهد وهي تناظر: اي والله مايفهم
اشر ياسر لشهد من بعيد على انها تجي ..
شهد وهي معصبه منه: افف نوره اشوفج باجر يالله باي
نوره: اوك باي
اتجهت شهد عن ياسر وهي معصبه كانها تشتعل
ياسر: اوف اوف اوف شفيج مولعه
شهد : مو قلت لك ماتجي !!!
ياسر وهو يفتح لشهد باب السياره: ادخلي اولا
شهد: مابي
ياسر: احسن لج شوفي البنات خاقين على شعري ^^
شهد:خخخخخ من حلووه
ياسر: منتي **دقه شوفي الشله الا وراج
لفت شهد وجهها ولقت مجموعه مو قليله من البنات يطالعون ياسر ويأشرون عليه
شهد وهي معصبه: لانك تجي هنا من غير سبب
ياسر حدد عيونه وقال: بس انا اخذج
شهد: وانا قلت لك مابيك تجي تاخذني .. اففف
عصب ياسر ومسك يد شهد ودفها على المقعد الا قدام وسكر الباب وركب السياره بسرعه
شغل ياسر السياره ومشى بسرعه
شهد وهي معصبه وتصارخ: وقف السياره مابي ارجع نزلني
ياسر وهو يطالع الطريق ومعصب وماتكلم ولا كلمه
شهد وهي خايفه وبنبره صوت خايفه: طيب طيب خلاص بس لا تسرع
يااسر رد علي
ضغط ياسر عالبانزين ولف يسار وهو يخالف طريق البيت المعتاد
قامت شهد تتلاقط انفاسها وهي تقول: لا البيت مو من هني يااسر مو من هني !!!
سكت ياسر وتجاهل كلمات شهد الخايفه وكمل طريقه الا محير شهد ومخوفها لوين راح يوصلون
صرخت شهد بقوه ومسكت كم بلوزه ياسر وهي تصيح وقالت: مو من هنيييييي ياااسر
لف ياسر وهي معصب وشاف وجه شهد الا كان خايف من صج
وعيونها الا صارت حمراا ويدينها الا ترتجف لف وجهه وهو يناظر الطريق ويستغفر
فجأه لف على الجهه الثانيه وبعد شوي وقف السياره
نزل ياسر ولف على جهه باب شهد وفتح الباب
شهد من الخوف شافت ياسر وحطت يدينها على وجهها وقالت: لا تقرب مني
ابتسم ياسر ونزل راسه ورفه يدين شهد عن عيونها وقال: البيت صح مو هني ..بس البحر هني !!
شهد وهي ترفع راسها وتطالع الا حولها ..
كان منظر خلاب بالفعل البحر الواسع الازرق والشمس الساطعه عليه
والرياح الخفيفه الناعمه والاطفال يلعبون والرمل الناعم..
مد ياسر يده بحنان وقال: انزلي بكلمج بموضوع ..


عند نسمات البحر البارده والخفيفه..
كانت شهد تطالع البحر وجماله والرمل الا حوله وكل شي توااجد هناك حطت شهد عينها عليه..
بعد ماشالت شهد نظرها عن الا حولها وشافت يد ياسر قدامها ..
طلعت من السياره بدون ماتقبل بمساعده ياسر بمسك يده ..سكت ياسر من تجاهلها له ومشى وهي وراه
كان فيه مطعم مكشوف يطل عالبحر.. حب ياسر انهم يجلسون هناك ويتفاهمون
لف ياسر على شهد وقال: تعالي نقعد هناك
شهد بخوف وهي تمسح دموعها: طـ ..طيب
لف ياسر ومشى خطوه وحده وشهد كان تطالع الارض وما انتبهت انه ياسر مشى خطوه وحده ووقف
فصقع راسها الا كانت منزلته للارض بظهر ياسر
لفظ ياسر انفاسه ببطئ وبدون مايلتفت على شهد قال: افف منج كله تبجين ماعمري شفت ويهج الا مليان دموع والا زعلانه
بعدت شهد عن ياسر شوي واحمر وجهها وقالت : اسفه ما انتبهت انك وقفت
التفت ياسر بوجه طفولي وقال: ايي ترى تعورت حتى ظهري ان**ر راسج صخره ^^ !
لفت شهد راسها وعبست وقالت: يعني راسك كانه مانجوو
ضحك ياسر بلطف وقال: ههه يالله امسحي دموعج خلينا نرووح للمطعم
مسحت شهد دموعها واتجهوا هي وياسر للمطعم وجلسوا على طاوله لشخصين
ياسر: ماتبين تشربين شي؟
شهد: لا شكراً
ياسر: خلاص عيل مو لازم حتى انا مابي ..
مرت لحظه صمت بينهم ومحد تكلم وكان صوت امواج البحر يقلق اعصاب شهد لانها حست انه هو الوحيد الا كان له صوت بين هالهدوء
وكان الهوااء البارد يحرك خصلات شعرها بطريقه حلوه كأنه يداعبها
شهد: الله البحر حلو يفتح النفس
ياسر: اي صحيح كنت اجيب فاطمه هنا دايم وكنا نلعب بالرمل ونبني قصور ^^
شهد:هههه انا هذي ثاني مره اجي له
ياسر:اووف ..اكيد اول مره كانت مع ابوج وامج
تقلب وجه شهد وطالعت للبحر وقالت: لا مع نوره
ياسر: اها .. توقعي كان خطأ للاسف
ابتسمت شهد لوجه ياسر وقالت: اصلا انا ولا مره طلعت مع اهلي
ياسر بوجه جاد: ظروفج كانت صعبه للاسف
شهد: ههه فوق ماتتصور اصلا الحين انا ما ادري وين ابوي
ابتسم ياسر ابتسامه تطمن وقال: الحياه جذي يوم لك ويوم عليك
شهد: انا اول ما ولدت على هالدنيا توفت امي وكنت صغيره قلت ماعليه ابوي موجود بيكون يدي اليمنى وظهري الا اتسند عليه وقت الشده
فجأه قمت اكبر وتكبر مشاكلي ابوي ماادري ليه تغير علي مع انه ولا عمري عصيت له كلمه
كان الامر والناهي وانا اخدمه ..فجأه لما كان عمري 11 سنه اتوقع جاني اول مره سكران بالليل ..
انا كنت بغرفتي ودخل علي وسدحني على السرير انا ماكنت افهم شي على بالي انه بيلاعبني
كنت لابسه قميص النوم فتح زراري الاول فحسيت شي جاني مرعب
وبعدت عنه كان شي يخوف حتى للان احس نفسي معقده مااحب احد من هالنوعيه
احس شي ناقص بقلبي شي ليته موجود مثل ابو او احد اعتمد عليه يملي علي هالفراغ الكبير
ياسر وهو يتسامع لشهد: انتي كم عمرج؟
شهد وهي تلف وجهها على ياسر وتبتسم: هههه ماتعرف ؟
ياسر:ههههههههههه الا بس اخاف اقول غلط واتوهق
شهد وهي منزله راسها: 18 ..
ياسر: ماعليه اذا كبرتي شوي بتتزوجين وبتنسين ^^
شهد وهي تحط يدها على خدها: استغفر الله من صجك انت !
ياسر: ليش مثلا امزح وياج الا مثلج الحين عندهم عيال بعد
شهد:هذولا غير وانا غير انا مين بيتزوجني مثلا بيجي فارس احلامي مثل القصص ويقول بتزوجج خخخخخ..
ياسر: يمكن ليش لا ..طيب منو فارس احلامج يابطه
شهد:ههههههه ماكو.. رجال تخيلته مره بس ما اتوقع فيه احد بهالمواصفات
ياسر:اووف شكل الا تبينه ملك جمال واحلى مني بعد
شهد: منو قالك انا ابي واحد حلو بالشكل ؟
ياسر: مو انتي تقولين تخيلتيه !
شهد: تخيلت قلبه وطيبته وهي مواصفات روحيه ^^
ياسر:هههههههه اها قصدج ماتهتمين بالشكل
شهد:بالظبط ..
ياسر:طيب ونوره من متى تعرفتي عليها ؟
ابتسمت شهد وقالت بهدوء: تصدق لو تروح نوره عني الله لا يقوله انا اضيع !
ياسر: ايه لاحظت انج متعلقه فيها بس هذا مايفسر شي هي مجرد صديقه
شهد: بس بالنسبه لي روحي الثانيه احس ما اقدر اسوي شي من دون ما استشيرها
واحس اني وحيده اذا فارقتها ..

ياسر: الله يديمكم ^^
شهد:آآمين ..الا وشوو موضوعك الا كنت بتقولي اياه اول ما وصلنا هني؟
سكت ياسر ولف وجهه على جهه البحر والهوااء يلعب بشعره
كان هادي ومن نظراته الغامضه الا ماعرفت تفسرها شهد وهي تطالعه
عنده شي بيقوله بس مو عارف من وين يبدأ
اول مره حست شهد بأحساس ولا عمرها حست فيه كان غريب بس ماعرفت ليش جاها وهي تطالع بياسر وبهاللحظه
التفت ياسر عليها وبوثوق قال: شهد
نفضت شهد من سرحانها وقال: نعم
ياسر :شهد انا بغيت اقوول انه انا ...
فجأه رن جوال ياسر ..رد ياسر وقال: الو فطوم
فاطمه: هلا ياسر وينك افف صارت الساعه 12 الظهر ماجيب زهقت بحالي
ياسر: انا مع شهد بالبحر الحين نجي
انصدمت فاطمه وبصوت زعلان: وليش ما خذيتوني ؟
ياسر: لا بس اشتهيت اجي فجأه.. ماعليج الحين جايين
سكرت فاطمه بوجه ياسر الخط وبدون ماتقول باي واستغرب ياسر من حركتها
شهد: شفيها فطوم؟
ياسر: تقول زهقانه ماعليه يالله نمشي الحين تزعل وتسوي سالفه
قام ياسر من الكرسي وتمطط عشان يرتاح
شهد بهدوء: ياسر؟
ياسر: شنو؟
شهد: كمل كلامك انت شنو؟؟
ياسر وهو مرتبك:هههه لا بغيت اقول اسف لاني خوفتج بالسياره تو ماكان قصدي والله ..
شهد بابتسامه تريح: لا عادي والله
ياسر يبادلها نفس الابتسامه: عيل يالله نمشي عشان لا نتاخر على فطوم وانتي يمديج تدرسين
شهد: اوك ..

نرجع بعد مرور الوقت لبيت نوره الساعه 2 ونص ظهراً ..
نوره بغرفتها تذاكر وقربت تخلص ..اما عبد الرحمن داخل نت ويسولف مع اصحابه وجالس بالصاله مع الام والاب وحمد يركب تركيبته..
الاب: عبد الرحمن انت شغلك متى ينتهي بالمبنى الجديد الا نقلوك فيه؟
عبد الرحمن: والله ماادري يبا قالوا شهور ويرجعونا
الام: والله ياوليدي اخاف عليك من زحمه السير والشغل بعيد الله يحفظك يارب
حمد:يبا انا لما اكبر شنو اصير مثل عبد الرحمن بالبترول ؟
الاب: لا ان شاء الله انت دكتور ^^
الام: ان شاء الله
عبد الرحمن:ههههههههه عاد اتحدى امي تخليك تطلع من البيت من كثر الدلع
حمد:ههههههههه تربطني بحبل
الام:هههههه الحين اخرتها تتطنزوون علي انا الا لو تجيكم شعره اتخرع يوم انكم صغار اااه يالزمن شفت يا ابو عبد الرحمن !
الاب:ههههههه والله انج حساسه زياده قاعدين يسولفون مافيها شي ..خذواا راحتكم عيال
الام: اييه وانت كله ويااهم وينج يانوره ترفعين راسي ااااه
فجأه بهالوقت نزلت نوره وهي تفحط بالدرج مستانسه:باقي لي فصل واااااحد واخلص مذاكره..
عبد الرحمن:ههههه هذي الا ترفع راسج كانها دبابه حرب تفحط ..**رتي الدرج !
نوره:سااااااااااااااااااااااااااااااااااااااااااااااااااااأأأمج !
وجلست نوره جمب امها وهي تقول:ادعولي بلييزز
الاب: حليتي زين اليوم؟
نوره: اي الحمد لله سهل واايد
الام: الحمد لله
الاب: طيب خلصتي الحين مذاكره ؟
نوره: لا باقي فصل واحد.. استريح نص ساعه واكمله.. والمغرب اراجع ان شاء الله
حمد:نوره انا ابي اصير دكتووور
نوره:هههه احلف ياشييخ .. اي عالطااري ابي اروح الصيدليه اليوم
بهالوقت تنحنح الاب وقام يصرف الموضوع وراح يصب له شاي بالمطبخ
وعبد الرحمن جالس يشيل شاحن الاب بينحاش قبل لا تصيده نوره وتبلشه
نوره: دحومه ياللله بس اليوم العصر
دحووم وهو يصعد: يصير خير
الام:ههههههههههه انحاشواا
حمد:يما اشيل العابي واروح ؟
الام: لا ياقلبي كمل لعبك
نوره:مااااالي شغل ابي اروح الصيدليه ضروري ناقصني اشياء وايد ..
الام:ماعليج يودونج استريحي الحين..
نوره:اففف ياليت عندي سياره يما قولي لابوي ابي !!
الام:طيب ان شااء الله بقوله انتي ذكريني او قولي لي له اول
نوره:طيب.. ليتني مثل حمد طفله =_=
حمد وهو يطير طيارته وفرحان وقال: وسقطت الطائره وانفجرت بوووووم !

بعد ما مر الوقت بنتجه لبيت صديق عبد الرحمن الا هو عامر ..الساعه 3 ونص بعد آذان العصر..
رجع عامر من مناوبته الا بالدوام للبيت وسلم على امه الا جالسه تخيط ملابس خواته..
الام: هلا ياوليدي قواك الله على هالشغل..
عامر: الله يقويج يالغاليه .. شفيج قاعده بحالج وين البنات؟
الام: ابرار واسرارنايمين الله يهديهم ..من اول ماعطلوا ونومتهم مقلوبه فوق تحت ..ويوسف كالعاده مع اصدقائه
عامر وهو يبوس راس امه: ماعليج الحين اروح اقومهم ..
وصعد عامر بالدرج ومجمع صرخته عشان يقوم خواته النوامات..
طبعاً مثل ماتعرفون عامر يشتغل مع عبد الرحمن اخو نوره وتعرف عليه من اول مانقلوا عبد الرحمن للمبنى الجديد..
عامر هو رجال البيت بعد وفاه ابوه الله يرحمه.. واكبر واحد من اخوانه
وعنده اختين توأم ابرار واسرار اعمارهم 14 ويوسف اخوه الثاني عمره 16..
شخص حنون ويحب اخوانه ومايرضى احد يغلط عليهم او على امه ودايم يتخذ القرارات الصح ويعُتمد عليه بأكثر الاحوال..
عامر ضخم الجثه شوي.. وانسان انيق يحب يلبس الثوب ويتكشخ
وعنده ***كوكه محدده ومرتبه ولحيه قليله جداا وبعض الاحيان يشيلها..
فتح عامر غرفه خواته وبيسوي عليهم سلطه وصرخ بأقوى ماعنده:يادباااااااات !
اسرار وهي متخرعه: شنو ..شصاير هوو !!!!!
ابرار وهي فاتحه عين ومسكره عين:لا هذا عامر ياذكيه
عامر وهو ينط على سرير ابرار: دامج تعرفين اني عامر وتدرين انه عندي مناوبه ليش تخلين امج تحت بحالها
ابرار:يوسف كان عندها
عامر: يعني تتغيبيين يوسف كل وقته عند اصحابه ..يالله قوموا روحوا عند امي واملوا وقتها حرام عليكم =_=
اسرار وهي تتثاوب: تصبحون على خير..
عامر ويتجه لسرير اسرار: قصدج صباح الخير.. يالله قدامي ثنتينكم للحمام
اسرار وابرار:افففف
طبعا اسرار وابرار توأم متشابهين لأبعد الحدود لدرجه انك ماتفرق ابداا بينهم..
مملوحات وماعليهم زود ..عيونهم واسعه وحجمها حلوو ووجوهم بيبي فيس
وشعورهم ناعمه وقاصين كاريه ..
ووزنهم حلو ويعتبرون من الرشيقات ..ودائما ماتشوفهم يتابعون افلام او نايمين او يتهاوشون ونص وقتهم عالنت..
وبعدها طلع عامر من الغرفه واتجه لغرفته يغير ثيابه ..
وهو جالس يلبس بلوزته رن جواله..
عامر: هلا عبد الرحمن ^^
عبد الرحمن:هلا عموور شخبارك؟
عامر: تمام الحمد لله .. اليوم ماشفتك الظهر ماعندك مناوبه؟
عبد الرحمن: لا امس كانت عندي.. اليوم طلعت من الساعه 12 الظهر
عامر:ههههه ماشاء الله انا توني واصل للبيت مُخطط البترول قلب راسي هو واوراقه
عبد الرحمن:ههههههههه الله يعينك.. عيل مالك خلق نروح سواا للمطعم اليوم بعد العشاا ؟
عامر: الا شدعوااا انت حدد اي وقت وانا بكون عنك
عبد الرحمن:اوك الساعه8 ونص امر عليك والا تجي بسيارتك
عامر: تدري شلون مر علي عشان ناخذ بالطريق فيصل
عبد الرحمن:اوك وانا بسأل فيصل
عامر: اوك تمام
عبد الرحمن: يالله اخليك ترتاح الحين..مع السلامه
عامر:باي ..
وطلع عامر من غرفته بينزل ياكل شي ..والا يشوف خواته يتهاوشون بالدرج
اسرار: ابراار عطيني الفوشيه حقتي والله
ابرار: لا حبيبتي حقتي انتي اخذي الصفراا
عامر من بعيد:اوف اوف اوف شفيكم بتتذابحون
اسرار: ماخذه ربطه الشعر مالتي الفوشيه =_=
ابرار: اففف يعني شلون الفوشيه حقتي
عامر وبحركه سريعه اخذ الربطه من يدينهم وقطعها ^^
ابرار واسرار مع بعض:لييييييييييييييييييييييييييييييييييييش !
عامر وهو ينزل بالدرج: عشان مايصير عندكم شي تتهاوشون عليه وتفضون تسوون لي شي آكله يالله للمطبخ ^^
ابرار وهي تنزل معصبه وبصوت خفيف: شايف بعمره شوفه
اسرار وهي بنفس الحاله العصبيه: اي والله على باله نعرف نسوي شي ..
عامر وهو يمشي وراهم:لالا بدون اي صوت قدامي للمطبخ وبلا تذمراات
ونزل عامر وخواته للصاله عند امهم ..
الام:صباح الخير يابنات
اسرار وابرار: صباحوو ماما
وباسوا راسها وجلسول جنبها يسولفون وياها
عامر بعباطه:والاكل الجني يطبخه =_=..
الام: انا اقوم اسوي لك
عامر: لالالا يما استريحي البنات يسوون لي
اسرار: انا بسوي خلاص ^^
عامر:عفيه بس مو مالح مثل ذيك المره !
ابرار:ههههههههههه خليه مر اسرار ما اوصيج
الام:ههههههههه لا يابنات اطبخوا لاخوكم زين
ابرار واسرار:اوك يماا ^^

نرجع الان لبيت الجاره ايمان ..الساعه 4 وربع عصراً
ايمان وهي جالسه بغرفتها مع ابو هند ..
ايمان: والله برد هالايام والا ؟
الاب: اي والله عندنا بعض الرجاجيل لبسوا جاكيتات
ايمان : ما الومهم ..خصوصا اول الصبح وبالليل الله يصبرنا على هالبرد
الاب: يبي لنا بعد نشتري للبنات ملابس ..
ايمان:اي والله لازمنا وساره بعد ناقصها ملابس واشياء وايد
الاب:الله يسهل انتي اختاري اي يوم يناسبج ونرووح
ايمان:الله يحينا ..بشوف اي يووم فاضيه واقولك
الاب: طيب الا يريحج.. الا اخبار ابتسام ؟
ايمان: والله ماعطاني ياسر تفاصيل هالايام بس يسلم ويقول زينه شكله مايعرف عنها
الاب: شدعواا امه اكيد يعرف بس يخبي ..
ايمان: ماادري والله من زمان عنهم..
الاب: اعزميهم اليوم
ايمان: عند بنت خالهم اختبارات اتوقع اخر سنه
الاب: عادي هي ما تدرس كل اليوم وماتطول عندنا هي وفاطمه وياسر
ايمان: والله ماادري اشوف بنتك تتصل عليهم..
الاب: روحي قولي لها..
ايمان وهي تنزل من السرير: يالله رايحه ..
راحت ايمان للصاله عند هند.. الا كانت جالسه تفر بالمحطات بالتلفزيون وجنبها موضي تفصفص ^^
ايمان: هنوده شرايج تدقين على شهد وتعزمينها اليوم ..تو ابوج قال لي
هند:بس انا مااعرف رقم جوالها؟
ايمان: اخذيه من ياسر
هند:ها ..يعني ادق على ياسر؟
ايمان: اي واخذي رقمها
هند بارتباك: ان.. ان شاء الله
ايمان: يالله عيل انا برووح للمطبخ وردي لي خبر مو تدقين وماتقولين لي شتقول
هند: ان شاء الله
بعد ما اتجهت ايمان للمطبخ ..فجأه نطت موضي على هند وهي متحمسه
موضي: يالله يالله دقي
هند:مابي اكلمه استحي
موضي :ياغبيه هذي فرصتج الوحيده كلميه بصوت حلو وبكلام حلو وتشبكين وياه ^^
هند بعصبيه:شهالقله الادب !!
موضي: شفيج عصبتي =_=
هند وهي ماسكه جوالها: من قله ادبج شنو هالكلام عيب هو رجال ومايصير اكلمه بهالطريقه الا قلتيها
موضي وهي تشيل اغراضها: انا لله وانا اليه راجعوون ..طيب فهمنا كلميه باللي تبين انا بصعد لداري اهون لي
هند: بألف سلامه =_=

عفية كمليييييها انا مسجلة عشان الرواية

اي وثن** ع التكمله وناطرين الباجي

تكفين كمليييييييييييي الروايه والله ماسجلت الاعشانها[

الرابط مو شغال بليززززز ابغها ضروري كامله بليز

تقدري تعطيني هيا كامل بدون رابط بليززززززز

انا سجلت بس عشان الروايه بليز كمليها

بناااااات ترا صارلي شهرين وانا ادور الرواية كااملة بس ماقليتها عفية اللي تلقاها اتقولي

‏?يسسـ(ـآـ)ــموِـآ ???ى الروايه مررا ‏???ـ?ــو?

ابي الروايه كامله ماتتكمل عندي بليييييييز

مركز تحميل الصور