حبيبتي مايصير تطلعين من بيتج اذا تخانقتي ويا ريلج لو شنو يكون حتى لو توصل للطق لاتطلعين عشان ماتطلع سوالف بيتج بره لانه مو حلوه تطلع سوالف بيتج بره والله يرده لج يابعد عمري ودزيله مسج اشلون يهون عليج تنامين وريلج بعيد عنج والله دزيله مسج وقوليله انا اسفه وغلطانه او دزيله بيت شعر وصدقيني بييج طاير
الاخت سلوى ردها حيل عجبني خصوصن اني انحطيت بنفس موقفج شهرين وطبعن دزيت مسج عتاب وبنفس الوقت اشتياق والحمد لله رديتله ومستحيل ارد بيت اهلي لو يصير شنو ..لان اهلي ماعندهم حل الا الطلاق ونصيحتي لج كلميه وصدقيني بيجيج وبياخذج سولفي وياه احلى اوقاتج معاه وذكريه بيأمكم والله محد نافعج الا زوجج ...الاول والاخير والله يوفقج ...والأفضل انج اتكلمينه مادخل بينكم الا الشيطان فرقكم .. /COLOR]
السلام عليكم ..انا مع الاخت سلوى القطان ماشاء الله كلامها درر ومافي تحدي بين المره وزوجها وابدي انتي بالسلام خيركم من بدأ بالسلام مثل ماقال الرسول عليه الصلاة والسلام خاصه بينكم اولاد حرام مالهم دخل في مشاكلكم ومايفيد العناد اذا هو في عناد لاتصيرين اعند منه لازم واحد فيكم يرخي الحبل ترى الزعل مايفيد والدنيا حياة وممات مالها ضمان فاانتي ابدي بالسلام وقربي الموده لاتكابرين مدام تحبينه سوي المستحيل انتي بإيدج يرد الريال اكيد محتاجج بس فيه عناد يكابر على نفسه عشان كرامته طرشي مسج حلو غرامي وخلي اليهال يدقون عليه وحفظيهم انهم مشتاقين له ومتى يردون البيت هو من نفسه راح يفهم خليهم يعورون قلبه راح يرق مع الوقت موفقه يارب والله يهدي مابينكم يارب
الله يفرج عليج نصيحه حبيبتي اسمعي كلام اختي بنت القطان والله صاجه وكلامها ماشاء الله عليها ذهب والله يوفقج
يا اخت ريماس شصار معاج انا متابعتج ياحبيبتي احسن حل طرشي له مسج صدقيني كلمتين راح تلين قلبه لو انه حجر ولا راح تطيحين من عينه المسج هو ( ياشين الدنيا بدونك ) وبس لا تكثرين كلام شوفي شلون راح يرد عليج اذا مارد عليج طرشي له مسج من اليوم الثاني اذا انتي الي اخطأتي عليه طرشي هالمسج ( اذا ربنا يغفر الزلات ليش احنا اضعف البشر مانسامح ) واذا مارد عليج حبيبتي تلاقينه طاب خاطره منج وراح لغيرج اي نعم اقولها لج اكثر من ست شهور وانتي قاعده تقولين كرامه واطيح من عينه قومي شيلي قشج وروحي لبيتج وخلي عنج الكبرياء الي اخرتها بياكلونها عيالج مو انتي انا لو ماكنت مهتمه بموضوعج ومعتبرتج اختي جان مارديت عليج وقلت هالكلام وبعدين انتي ما حاسبتي نفسج وبدون زعل انتي اكبر انانيه تدرين ليش ؟ لانج مافكرتي الا بنفسج باجر لاسمح الله طلقج وعيالج عرفوا السبب بيلومونج انتي يالله تعوذي من ابليس وشيلي قشج وروحي الله يهدي زوجج لج ويخليه لج
كلام البنات ككله كلام عاقل وكفوا بس أنا بقولك إنوا كما تخلين أولادك يكلمون أبوهم وأكيد لما يسمع صوتهم يشتاقلهم وخلي عيالك يقولون له يابوي إشتقنالك نبي نرجع معاك ومن هالكلام وخليك ذكيه أكيد هو ملهوف عليهم ربنا يصلح بينكم وخبرينا بروجوعك لزوجك
