سالفه للسامعين كافه.....

السلام عليكم خواتي

بدش بالموضوع سيده

قبل كم يوم اتصل على زوجي شخص من شركه للسياحه وقالوله انك ربحت اقامه بدبي لمدة 3 ايام طبعا مجانيه (وان الرابحين بس 5 عوايل)
والموظف اللي كلّم زوجي قال له تعال لمقر الشركه (بشرق)
بس قول لهم ان راتبك 1500 وان عندك 5 اطفال ((ليش مدري))

رحنا لهم عشان نشوف شسالفتهم ...لاني سامعه وايد سوالف نصب من هالطرق

المهم عطونا ورقه واكتب فيها كم معاشك ؟؟؟
وعدد اليهال
والاسم والوظيفه .............؟
سالت الموظفه من وين جبتوا رقمنا ...؟لان شركات الاتصالات مفروض تتشدد بسريه الارقام لمشتركيها

استغربت سؤالي وردت:
يمكن احد رشحكم لهذي السفره ..
او قرعه بين عدة ارقام وانتم طلع رقمكم

رديت وسالت زين رقمنا شيابه لكم عشان يربح

وتنرفزت الموظفه

ولما رحنا للموظف الثاني ....
واستفسرنا اكثر
طلع الفندق بالفجيره
3 ايام بليلتين
التذاكر علينا
ولازم نقدم لهم طلبنا قبل 2 شهر علشان يشوفون الفندق فاضي ولا لا ...(والهديه مدتها 6 اشهر بس )
وسالته ليش تبون تعرفون الراتب كم ...؟؟قال بس عشان نعرف مستوى دخل الاسره ...
ولما يبي يسجل بياناتنا (حسافه ما عرفت شيبون بعد)
قلنا له نفكر ونجيكم .....

السؤال الحين ...هل المسأله فيها ان ...
ولا يتراوالي ...
وايد اسمع من هالسوالف ....واحنا صراحه على الله ثم عالراتب اللي نصه مقصوص لكذا جهه
وانا ما اشتغل ...




اللي صار معاها مثل هالموقف تقول اشسوت ....؟؟

يعطيكم العافيه

سالفة غريبة ؟؟!!!!!!!

والله ما ادري بس دام السالفة فيها سفرة اشيل شلايلي واروح خخخخخخ

بس لازم تستفسرين اكثر .. يعني

هالشركة شنو اهيا ؟؟

وبمناسبة شنو يعطونكم هالجائزة .؟؟!!

ومن هالحجي ..

والله يالغاليه دقوووووووووووووووو عليناا ونفس الحجي تذكرتين سفر ماااصدقت من الفرحه المهم زوجي قااال بالاول بسال بعدين اوقع علي الاورااااق المهم بعدهااا جاني زوجي ميت من الضحك



سالته ليش قالي مستاانسه تراااا حراميه بس توصلين اهناااك بيطلبون منناااا كل شي اصرفوه عليناااااا


واذااا ما عطيتيهم بيااخذون من المعاااش استقطااااع عشان جذي يبون معااش قوي يستقطعون منه بفواااائد فهمي ياقلبي


ولاازمتستفسرين اكثر يمكن هم الي دقوووو علي بعدين فكري فيهاااا ليش وشحقه وشمعنااا انتم مشااركين بشي لاا هم يشيروون ارقااام ويلعبون بنااااس والله في وحده من جماعتناا للحين تقااصدهم من سفرة مدتهاا يومين ؟؟؟؟؟؟

حبيييييييبتي نصب واحتيال صارت لنا وقصو علينا ديري بالج واصلا ما راح يعطونج الجائزة الا بعد ما تدفعين مبلغ وقدره لا وبعد ما راح يعطونج انا نصحتج وانتي كيفج

الله يوفقكم

والله انا حاسه انه ملعوب وكبير

قلت للموظفه احنا سامعين عن سوالف من هذي وكلها نصب واحتيال .......

وعصبت ...

قالت بلاش دي هديه ليكو لو مش عاوزينها سيبوها .........
(بس كانت لاعبه الدور عدل )
وسبناها

ولما سالت الموظف قلناله يعني بعدين ما يصير استقطاع للراتب قال لا

طيب انتم اشمستفيدين .؟؟قال دعايه للشركه ............................

وكانت في عوايل والله شكلهم حده على قد حالهم...ومستانسين ...

مشكورين على ردودكم حبيباتي

شغلات اعلانية وتجاريه هدفهاااا يسحبونج ويعطونج من الكلام الحلو ولهم طريقه عجيبه بالاقناع



بس كله مو عشان مصلحة الزبون او شي ثاني



طبعااا مصلحتهم بالدرجة الاولي ومصلحة واستفادة مادية اولا واخيراااا


في شغلات لازم نتحرص منها قبل مانقدم عليها ونسويهااا


وفق الله الجميع

هلا اختي

شكثر ربحت منهم وكل مدة متصلين

وفي نوع ثاني منهم يقولولج لكم بطاقات خصم قويةةةةةةةةة ودعوة عشاء لشخصين في الفندق الفلاني !!

دائما من اسمع صوت المتصل وموشح الشرح ماله اقوله انا مو مهتمة في الموضوع واسكر التلفون . . .

ديروا بالكم منهم