مررررررحبا يابنات شلونكم انا عمري 22 ومتزوجه طبعا من ابو خالد ههههههههههه لي سنه وعندي خلودي الله يخليه لي وهو وابوه ويخليكم لييييييي
هلا والله بأم خالد و أنا بعد يديده معاكم أم عبدالعزيز و اختصار اسمي ام العزيز متزوجه و عندي ولدين الله يخليهم لي ولابوهم
مرحبا يعطيكم العافيه حبايبي انا متزوجه من سنه وعندي بنوته واهي اكيد اموره الله يخليها لي ولابوها ويصلحها ويخليهم اثنينهم لي
سلام عليكم اشلونكم .. العمر كله يا بنات ،،، والله يخلي لكم عيالكم بصراحة كان ودي احصل شات يكون بس بنات بس وين نلاقي .. المهم انا عمري 29 سنة متزوجة ووعندي 3 اولاد الله يخليهم
انا عندي موضوع حلو و يضحك عن اول زفه من ريلج ............... نبي نضحك او شلون تبين تنخطبين و شلوون انخطبتي ؟ انا و حدا اعرفها اقوولكم اشلووون انخطبت كانت اب غرفتها وو اهيا ما اتعرف صوت اخوووها من اعيال عمها و كانت غرفتها فيها ثلاث بيبان \ حمام \ الدوانيا \ الممر عاد كانت توها متسبحا و طالعا غرفتها اب ستيان و سروال ولا احد ادش و اهيا متوترا ما تدري شتسوي ولا تطلع من باب الدوانيا ولا تسمع صوت احد يقوول (احم لحم ) بدواني ولا تصرخ و دش دارها و طله الي قالها ( احم احم ) اهوا رفيج اخوهاا و مرت ايام و خطبها
هاي السلام عليكم والرحمه ومبارك عليكم الشهر او ماتبقا من الشهر انا ام شوق عمري 20 سنه مخطوبه مومتزوجه تسمحونلي اشارككم الحديث ولاممنوع
هههههههههههههههههههههههههههههههههه النضره الاولى حلال الله يعين انشاء الله الموقف محرج بس المشكله اذا كان الجسم مو اوكي يعني فشله اذا كان في بلكوناااات واشياااااء الله يستر علينه انشاء الله انا صار لي موقف مره يو ناس يخطبوني يوم كنت برابعه ثانوي وكنا ساكنين باجار وفاجاونه وقالو باجر بنيي ماعطونه مهله حتا...وكان عندي امتحان فاينل >>>تخيلووو عاد يوم دشت الام ويا الولد مرتبكيين قعدووو علا قنفه ام نفرين المشكله اان انا دايخه والام ماقعدت نص الكرسي قعدت بين قنفتين يعني تخيلو مع الرخاام تزلق وقلت حق امي الله يستر وماتطيح الام ابوي لما دخل انحرج يقعد قبالهم قعد يم الولد وتخيلووو شكلهم ثلاثتهم بكرسي بونفرين وفوق هذا كان ابوي متفق ويا اخوي ان يقعد معاهم يعلا اخوي نسا وراح النادي ابوي ياي من العمال يقول للولد حيا الله محمد واهو يقوله الله يحييك ومافي احد اسمه محمد كان الولد اسمه غير بس الوالد منقلب راسه من العمال؟؟؟؟ وانا بحاله تعرفون الي يايه من امتحان ومونايمه وكنت سهرانه ويا امي نجهز البيت والله هذي اغرب خطبه انخطبتها احسها مثل الحلم
انا مرة يو يخطبوني ناس .. الام استانست علي وقامت تبوس فيني ... المهم يوم يطلعون جان تقول حق امي ومتى ادق اعرف رايكم ... عسا فلانة توافق ... فلانة اسم اختي اللي اكبر مني.. وتخيلو الصدمة قالتلها امي شكو فلانة وانتو ياين حق هالبنت ؟؟ احس المرة انصدمت .. موقف محرج جدا ... لا ولما طلعو دقت الأم تبي تشوف اختي ؟؟ اختي ما رضت .. تدرون ليش؟؟ الأخو الا يبي مدرسة .. وانا خريجة كلية الدراسات التكنولوجية ... الحمد لله .. الله فكنا منه واختي تزوجت وانا عقبها
وآنا بعد متزوجةمن 8 سنين وعندي 3 الله يبارك فيهم وآنا بعد اتمنى صديقات صالحات ينصحون بعض للأفضل بالحياة الزوجيه اما موقف وحدة حده محرج يا ريلها بعد الملجة بيعشيها على حسابه في بيت أهلها بلا مطاعم عشان ياحذ راحته معاها عطاها الكيس وقالها روحي حطيهم وسنعيهم حطت كل شي الا صحن المقبلات نسته وهو يحب المقبلات وما يتعشى بدونها لما حطته سألها عنه قالتله مافي نظرلها نظرة شك قالها آنا متأكد ان في؟؟ بس ما عليه مولازم ماحب يحرجها وهم توهم مالجين ههههه وقعد يستغرب طول الوقت وقال آنا بروح للمطعم وبتصل فيه اسأله ولما راحت تييبله المشروبات انصدمت بالصحن يدامها!!!!!!!!!!! بس ظلت تكتم السالفه هذي ليما صارحته عقب 5 سنين زواج وردلها انه كان متوقع خخخخخخخخخخخخخ
هههههههههه والله ذكرتونا بأيام ملجتنا.. انا تزوجت سنة 98 كان شريط ميامي اليديد توه نازل وكل ما صعدنا السيارة انا وياه .. يحطلي غرامك شي عجيب... بس الحين وده يحطلي خلك بعيييييد خخخخخخخخخخخخخخخخخخخخخخخ
مرحبا بنات شلونكم....مشكوره نور على هالفكره الحلوة لان انا من زمان ابي اتعرف على بنات متزوجات ... انا متزوجه صارلي سنتين وعندي حمودي الله يخليه لي ولأبوه. اشرايكم تشاركوني في الاجابه على هالسؤال وندردش مع بعض. هل تؤيدون العيش عند أهل الزوج او تستقلين في بيت بروحج؟
