والله اعتقد كل واحد منهم له خصوصياته ماله حق الطرف الثاني يتدخل فيه . لانه لو بتنبش شنو بتلقى ؟ او بالاصح شقاعده دور؟؟ او العكس فالاسلم لهم بلا دوخه وعوار راس وشك ومشاكل كل واحد يلزم حدوده
اولا هذي العادة عند وايد من البنات وعادي عندهم وصح كلام البنات اذا فتشت راح تتعب وايد والله من يوم ماخذاني زوجي مافتشت بتلفونة ولا بوكة والله مرات ابي منه فلوس يقول اخذي اقول لا انت عطني اياهم واصلا اهو يقول هذا يعجبني فيج انج مااتفتشين ببوكي ولا تلفوني
انا بكون صريحه معاكم انا بصراحه افتش على فترات تلفون زوجي وهم حاطه تجسس على جهازه اللاب توب ويجيني تقرير كامل عنه على ايميلي حتى كل كلمه كتبها بجهازه بس انا وحده حاكمه عقلي وانا انصدمت فية كذا مره بس حاولت بدون ما يعرف اني ارجعه لي بدون ما تتطور علاقته وقطعتها بطريقتي والحمدلله حافظت على زوجي وحياتي الاسرية الله يتم علي وعليكم. وانا الحمدلله مبدأي ان الانسان مومعصوم من الخطأ ولازم يكون ببالج ان زوجج مو ملاك ولابد من الزلة خصوصا مع الانفتاح والمغريات لكن الوحده ما يصير تصير مغفلة بحجة انها تريح مخها.... لا هالشي غلط ومليون غلط لا لازم الوحده تعرف شنو قاعد يصير من وراها عشان اذا حست ان زوجها بدأ بعلاقة او انحرف لا سمح الله ترده لها بطريقتها وبهدوء ومن دون اي انفعال ومشاكل ولا تنطر الفاس يطيح بالراس يعني اذا الوحده نامت واكشتت على بون ما تبي تضايق نفسها , اذا لا سمح الله الزوج لفت عليه وحده بنت حرام تحاول الزوجة النبيهه انها تقطع العلاقة بهدوء وبطريقتها من بدايتها موتنطر العلاقة تتوثق مع بنت الحرام وتتطور وبعدها راح تكون هي الخسرانه لان خلاص بتكون السالفة سالفة ( شبكنا الحكومه) ما كو فكه بالعكس اذا انتي وحده عاقلة وتتحكمين بانفعالاتج وحكيمه بتصرفاتج راقبي زوجج من فتره لفترة مو كل يوم لأنه ساعتها بيكون مرض شك ومثل ما قال المثل (حرص رفيجك ولا تخونه) وحاولي تتاكدين ان ما في طرف اخر معاج بالعلاقة لكن اذا لا قدر الله حسيتي بتهديد او طحتي على شغلة موزينه لا تتهورين وسكتي وغيري من نفسج وسحبيه لنفسج بطريقتج وقطعي علاقته من بدايتها مو تخلين السالفه هدد اما اذا انتي وحده انفعالية وما تقدرين تتحكمين بردة فعلج وبتوسوسين وما عندج مساحه للغفران,, لا بالله نامي وخلي القرعه ترعى, ابركلج ودمتم سالمين
شسوي أكيد بسكت و أحاول أغير من نفسي و أفكر اذا كنت مقصره بشي أعدله و أغيره و أسكت و أمشي حياتي و أدعي له بالهدايه
