صور مكياج صالون ( مكياجي الكويت ) .. خبيرة التجميل ليلى الأنصاري ..

مشكوووووره , أجمعين ان شاء الله

للامانه ماشي حالة بصراحة انا افهم بالمكياج واشتغل فية العيب اللي عندج ان الالوان مو مندمجة مع بعضها يعني محددة وهالشي صار موضة قديمة حاولي تدمجين الالوان وتنثرينها لى الجفن جربي ولاحظي الفرق وسمحليلي على النقد موفقه

أول شي شكرا على مرورج

الدمج اذا تذكرين بدراستنا ما يصلح لأي عين , في عيون مساحة الجفون فيها اذا دمجتي اللون أكثر من جذي عليها مايبين تدرّج الألوان فيها ويظلم رسمة العين الأساسية اللي اهي المفروض يكون عليها التركيز بالعيون الغائره مثلا

أما الجفون ال Flat دامجتهم عدل فيها :smile: وانتي أول وحده ما يعجبها الدمج :smile:


(طبعا هذا اذا كنتي دارسة المكياج مو بس بالخبرة)

بس هم بالفعل الصور قديمة شوي

شوفي موضوعي اليديد الخاص ب 2010

وهم أنتظر رايج

وجديدي ان شاء الله على الشهر القادم

وبالأخير لكل وحده منا نَفَسها بالمكياج , بالضبط مثل الطبخ
كل وحده لها نَفَس فيه
وأهم شي ان مكياجج يناسب ويعجب زباينج اللي ايونج على طول , يعني أكيد مكياجي مثلا ماراح يعجب اللي متعودين على صالونات الجهرا , ولا مُعظم صالونات السالمية ومو تقليلا بشأنهم بس الناس أذواق

ويهمني اني أرضي اللي ايوني مو اللي يطالعون المكياج من بعيد بس , اتمنى لج التوفيق

صحيح ان العيون انواع بس الشاطره اللي تبدع وتسوي هالدمج وبعدين عجينة الحواجب حلة هالمشكله وصارة الخبيرة تقدر تحط الشادو على راحتها وتنثره بحريه لان العجينه تعطيج مساحة فوق العين وكذلك الحاجب الجاينيز لانج بترسمينة براحتج وانا بصراحة قاعده انصح بس للامانة وانتي قلتيها كل وحده وذوقها والانسان يتم يتعلم لين يموت لان العلم مايخلص والموهبة هي الاساس بشغلنا والاشرايج؟

:smile: يمكن انا مو شاطره

بس ما أدري اذا عندج فكرة شكثر عندنا وقت نسوي فيه مكياج التصوير بالذات؟

وبالنسبة لموضوع العجينة مو كل الزباين يبون عجينة حبيبتي :smile: بالعكس أكثرهم عندي ما يحبونها ولا يبونها

وهم بعد انتي تدرين ان الزبون داااايما على حق:smile:

والجاينيــــــــــز صار موضة قديمة الحين محد يسويه إلا ما ندر !!!! والعارضة هذي لولا ان حواجبها أساسا جاينيز (اهي حافتهم جذي) جان ما حطيت لها هالمكياج من الأساس

ومشكووووره على نصايحج , بس ما تنفع زبايني :71_71: لو تمرين وتقرين الردود بتلاقين مُعظمهم يبون أنعم ,
بس واضح ان انتي مكياجج وايد أثقل من مكياجي

وكلامج صح 100% الموهبة مهمة جدا , بس الاحتراف والدراسة والخبرة وراي الناس هم الأهم :smile:

شكراااااا حبيبتي انتي , وأتمنى لج التوفيق يا رب وأتمنى بعد نشوف شي من شغلج :smile:

وخلينا نستفيد منج يالغالية

بحطلج نتفه من شغلي عسى يفيدج

واحنا بالانتظار :smile: بس عاد ليش نتفه؟:teeth_smile:

حطي كل اللي تقدرين عليه , فيدي واستفيدي , وبالمرة بتكون دعاية حلوة لج , ما شاء الله تبارك الرحمن المنتدى فيه حركة واذا عجب البنات شغلج أكيد بايونج على طوووول :wink_smile:

0000000000000000000000000000000000000000000000000000000000000000000000000000000000000000000000000000000000000000000000000000000000

:smile: ما شاء الله عليج شاطره

الصوره الثانية حلوه , بس اللي تيي وتدفع مبلغ وقدره للمكياج ماراح تدفعه على مكياج بهالبساطه ومن تحت مو مرتّب

والصوره الثالثه اللي اهي نفسها الأولى , تبارك الرحمن هم بعد حلوه , بس الدمج اللي نقدتي علي فيه مو مضبوط :shades_smile: سامحيني على صراحتي

الوردي يحتاج يندمج أكثر , لأن المكياج مو خليجي أصلا(المكياج الخليجي بس اللي ما يندمج فيه المكياج واللي اهو لازم يكون فيه واضح اللون المُحايد عن الرئيسي وما يندمجون مع بعض)

ورسمج للحاجب هم مو مرتب , بس رسمة العين بشكل عام تناسب عيونج



مكياجج حلو , بس مو مكياج محترفات , يعني بالكويتي مو مكياج صالونات


بس حلو بشكل عام اذا على كلامج بدون دراسة :teeth_smile: والعدسات محليته أكثر

وشرايج ناخذ راي البنات؟

هذي الصور عادية ومصورة بالكاميرا العادية وماراح تعطي الصوره حقها وكذلك مومطلعة الويه كله بس عموما انتي كلش مومتقبله النقد ورايج احترمه ويكفيني راي اللي يتعنولي وعلى فكره اكبر دليل اني شاطره ولا مره سويت لنفسي دعاية وحطيت اصور شغلي على المواقعع بالعكس من سمعة شغلي الناس تييني لين عندي وانتي الله يرزقج ويوفقج بالدعايه هذي....................
موفقه حبيبتي

بالعكس أتقبل النقد البناء :smile: وعندي سعة صدر , والا جان طلبت من الإدارة تلغي الردود اللي ما تعجبني حبيبتي :smile: ترى عندنا صلاحية بهالشي :smile:

بس انا احب النقد المُفيد , الصورة الأولى اللي انتي حاطتها واضح انها بالفوتوشوب, بس هم انا ما تكلمت :teeth_smile:

ومع هذا قلت اللي ما يزعّل , و دام ان يكفيج راي اللي تعنولج وما يعني لج رايي ليش داخله موضوعي وانتي متخيله ان رايج ممكن يعني لي ؟؟ :smile: عفوا مو قصدي اللإساءه

بس واضح ان انتي اللي ما تقبلتي النقد اختي , مو انا , والدليل انج شلتي الصور وبسررررعه , قبل حتى لا أي عضوة غيري تعطي رايها !
بس طبعا ما تدرين , ممكن بنات يكونون دشوا وشافوها!

وللعلم بعد , انا هم ما أسوي دعاية لروحي , ما بديت أحط صور إلا السنة الماضية , ولو تدورين بقوقل عني بتلاقين موجود من سنة 2004 , وانا حزتها ما كنت حتى أعرف للمنتديات !
ولا للشغل على النت , ولوشغلي مو زين , ما استمر نجاح صالوني لأكثر من 7 سنين بدون دعايات :shades_smile: واذا انا اليوم هني تاجرة وخبيرة تجميل , أبدا ما يضر اني آخذ راي صديقاتي , وزميلاتي , وكل اللي يحبون شغلي وحتى اللي ما يعرفوني ويبوني أتطور :smile: أفيد و استفيد

والله يوفقج , بشغلج , وتكونين أحسن وحده تحط مكياج , هذي أرزاق حبيبتي :smile:

موفقة حبيبتي

مشكووووره حبيبتي , أجمعين ان شاء الله

اشفيج زعلتي ترى الموضوع مايسوى وبعدين يظل المكياج حسب ذوق صاحبته وانا ماعندي مشكله فكل اللي قلتيه وبصراحة ما احب احط صور عالنت اخاف من الحسد واحب اشوف شغلي على الزبونة واذا انتي دارسه هالشي وضحي اكثر وقولي ماخذه جم دوره وبس يعني مودارسه بلندن ؟؟؟؟؟؟؟؟؟؟؟
ههههههههههههههههههههههههههههههههههههههههههههههههههههههه
وواذا رسم العين تعلمتيه من الدورات ماراح تبدعين فيه لانج حافظته على العموم انا وانتي نتفق ان لوتشابهة الاذواق لبارة السلع واذا ممكن عنوان صالونج عشان اشوف شغلج على الطبيعة واشوف نوعية الزباين .
خليتلج هالصورة يم بياناتي عشان ماتقولين مسحتي كل الصور واللي يمر ويقرى ردودي ياخذفكره عن شغلي .
موفقه يالغالية

موفقة وابي العنوان وبجم تحطين المكياج واعجبتني الصورة 4-5 ويعطيج العافية

مشكورة والله يوفقج حبيبتي....................

رووعة ما شاءالله
يعطيج العافية

هههههههههههههههههه شهالتناااااااقض؟؟؟؟؟!!!!!!

الموضوع ما يسوى شنو بالضبط؟؟؟؟ :smile: انا ما زعلت ولا راح أزعل منج لاني أصلا ما أعرفج ولا بيني وبينج شي
بس ألحين زعلانه عليج ,,,, الله يعينج على اللي انتي فيه

حياج حبيبتي ,,,, تعالي وفحصي الصالون على راحتج

وفحصي الناس اللي ايوني بعد ,,,, الصالون مفتوح للكل

بس انا اكون متواجده اذا في حجز للمكياج

وصالوني معروف , ما يحتاج أقول لج اسمه ولا عنوانه , أكيد قريتيه بمواضيعي الثانية اللي مريتي عليهم

كل التوفيق ان شاء الله لنا ولج ,,,,

وهاله هالله بالفوتوشوب :teeth_smile:

بشاير وورده الرمان وPink princess: مشكورين بعد قلبي ما قصّرتوا ,,,, عسى ربي يوفقنا وياكم ويرزقكم رضاه وجنته

3sola :مشكوووووووره حبيبتي من طيبج و ذوقج ,,,, عنواننا ; صباح السالم خلف طيبة كلينك

والأسعار على الخاص ....