طريقه عمل بلح الشام

المقادير:( بلح الشام )
كوب ماء

نص كوب زيت

ملح

سكر

كوب دقيق

ثلاث بيضات

فانيليا





طريقه عمل بلح الشام



اضع حله علي النار فيها كوب ماء ونص كوب زيت ورشه ملح ورشه سكر

اول ما يغلي اضيف كوب الدقيق واقلب 5 دقايق علي نار هاديه هيبقي عجينه متماسكه

نحط العجينه في طبق ونفردها ونسيبها تبرد

لما تبرد نحط الثلاث بيضات بالفانيليا نحط بيضه ونعجن لحد مالبيضه تختفي من العجين نضيف التانيه وهكذا

نحط العجينه دي في كيس حلواني


اهم خطوه :
نرص بلح الشام في الزيت وهو فاااااااااتر ولما الصنيه تكتمل نعلي النار ولو عاوزين دور تاني استنو لما الزيت يبرد



تاني حاجه مهمه لو عاوزين بلح الشام مقرمش وجميل الشربات يكون بارد , لو سخن هيعجن بلح الشام


الشربات :
كوب ماء + كوبيتن سكر + اول ما يغلو اضيف عصير لمونه واتركها علي النار خمس دقايق تغلي علي نار هاديه واسيبه يبرد