السلام عليكم و رحمة الله تعالى و بركاته قريت قصتج حبيبتي و ذكرتني بوحدة من ربيعاتي مرت بنفس التجربة و سامحيني بطول عليك شوي بس أتمنى تتمعني بالي صار لها و ان شاء الله تستوعبي الوضع و تتقبليه كان عندي ربيعه بنفس الوضع حبت واحد أصغر منها بجم سنة ( و هالشي مو عيب اذا الشخص رجال و يستاهل و قصده شريف ) المهم تمت العلاقة بينهم فترة طويلة و كان نفس الشي كل مرة يجيها بقصة جديدة مثلا انه مستلف و لازم يرجع البيزات حق الي مسلفينه أو يمثل انه خاطره بشي و مو قادر ياخذه يعني كل مرة قصة شكل و ما كان يطلب منها أول فترة مباشرة البيزات بس هي لأنها تعلقت فيه كانت أول ما يشتكي من شي تعطيه و يمثل عليها انه ما يبي و رجولته ما تسمح له طبعا ردة فعله كانت بس أول فترة بعدين قام يطلب منها عادي و طبعا ما يرجع لها شي و مثل حالاتج تشتريله هدايا و ثياب ماركة و ساعات و غيره طبعا البنت فوق 30 و كانت تتريا منه انه يطلبها للزواج في يوم من الأيام و كانت تتمنى حتى لو خطوبة بس ما صار هالشي كان مغرقها كلام حب و تلفونات على حسابها و هي لأنها حرمة محتاجة تسمع كلام حلو و محتاجة لحنان من رجل بحياتها كانت عايشة في حلم لييييييييييييييييين ما عقب 5 سنين اكتشفت انه على علاقة مع بنت ثانية أصغر منه لا و بعد يصرف عليها و الهدايا الي كانت تجيبها وياه على أساس عيد ميلاد أمه أو وحدة من خواته و هي مستانسة كانت هدايا يشتريها حق الثانية و طبعا كان عمرها وقتها 37 ما احب اقول هالكلام حبيبتي بس لا تعلقي نفسج بخيال و خليج واقعية و انت للحين صغيرة و باجر يجيج نصيبج مع الي يقدرج و يحترمج و يدلعج و كثري من الدعاء ترى مافي احسن منه و اتركيه عنج أصلا هذا ذكر بس مو رجل مثل ما قالت وحدة من الأخوات مافي رجال يرضى على نفسه تصرف عليه حرمه و قاعد يلعب عليك الله يهديج على نفسج و يرزقج بابن الحلال الي يشاركج حياتج بالحلال و يه*** يا رب و اسفة على الإطالة بس ما حبيت اقرا قصتج و ما انصحج
عجب من الكل كلهم يقووولون عنه نصاااب يمكن الولد يستاهل اللي يحبه ماتدرون عنه ليش تحكووون لحول منكم عواذيل اختي ... الهديا والفلوس اللي عطيتيهم اياه تعتبر هدايا والهدايا بين الاحباب شي طبيعي اما الفلوس بعد يمكن يكون محتااااج الله اعلم اما انك حكمتي عليه انهيحبك من سوال انتي بالبيت او لا هذا مايدل انه يحبك ترى الكلام ببلاش الحب شي حلووو وحلم نهاياته مره اذا بتكملين هالحلم لاتستشيرين احد واذا بتعرفين هل هو يضحك عليك او لا الخطط واجد ومايحتاج انتي كيدك اكبر وعظم
