بصراحه إللي يخزووووووون البنات ما ينلامون إنتوا شايفينهم شنو يلبسون كل وحده تتفنن باللبس والمكياج (تحط مكياج جنها رايحه عرس مو سوق)يلبسون لبس مغري الظيج والساتان والدانتيل على قولة ريلي طالعه بشلحه ويحاولون يلفتوووون النظر بأي طريقه حتى بالصوت والحركات إذا آنا بنت مثلهم وأخز فيهم شلون الرياييل بروحه رياييل الكويت مشفح ويبون الشاره وألحين الله يهداهم البنات صاروا لحم رخيص ويبون كلشي متزوج مو متزوج ... يا بنات الحشمه واتقوا الله في أنفسكم وأحترموا أنفسكم حتى يجعل الله لكم مخرجا ويجزيكم خيرا ويحفظ كرامتكم
امممم الريال ما يملي عينه الا التراب ومو شرط كل الريايل جذي صح في بعضهم عيونهم زايغه يمكن لاقي مرته ماتوفي يعني مثلا ليش الريال يطالع يمين يسار الا اما يكون مرته مو تارسه عينه اووو مرته مو سنعه ....
اختي لولا انا ما اوافقج الكلام اللي قلتيه والله حتى لو المره سنعه ومزيونه ومو مخليه على ريلها قاصر اللي فيه مرض الخز ما يحدده اذا مرته سنعه ولا رفله.......... اللي فيه بلى ما يرده اي شي فاحنا مانملك الا الدعاء الله كريم...........يارب سخر ازواجنا لنا
انا ولله الحمد زوجي مايطالع احد وربي انا مابالغ اساسا يهبى جاان بططت عيونه خخخخخخخخ ولا ملاكمه خخخخخخخخ لا وربي بصراحه مايشوف احد غيري ودايمن يقووول انا اخاااف ربي واخااااف في يوم من الايام اغازل وحده وتطلع زوجت واحد ويجي واحد يغازل زوجتي ولا اخت واحد ويجي ويغازل اختي لان الدنياااا افعل ماشئت كما تدين توداااان
الله عزو جل لم يحرم الاختلاط و كشف الوجة للرجل الأجنبي إلا لهذه الأسباب و لتساهل الناس بهذه الأمرين كثرت الخيانات الزوجية و الطلاق و الحب الآخر و تشتت الأبناء و هذه غريزة في الأنسان ان النساء تجذب الرجال لهذا الله عز وجل جعل ضوابط لكل شئ يقول الإمام عليّ بن أبي طالب - رضي الله عنه - : (لو أٌحلت نساء العالم لرجل إلا امرأة واحدة، لاشتهى تلك الواحدة ! !).
الله يعين قلوبكم على هالنوع من الرياييل عموما انا دايما اتغدى بريلي قبل لايتعشى فيني ههههههههه يعني قصدي اذا شفت وحده حلوه انا اقوله تبارك الرحمن اشحلاتها واقوله شوفها هني ينحرج ولما يتكرر هالموقف يكون عرف اني مراقبته بس عموما الله جميل يحب الجمال واذا كان يشوف ويقول فلانه حلوه او ويها جميل اعتقد هي ماراح تروح معاكم البيت....خليه يقط الكلمه وطوفيها علشان الحياة تستمر...لو كل شي بنعلق عليه وبنوقف نفسر له الف تفسير عزالله ماخلصنا وكلنا رجعنا بيوت اهالينا مطلقات ربي يحفظ لكم رياييلكم والمنه على من هداه الله
