عندي مشكله بنتي عمرها3سنوات و4شهور من6شهور بديت معاها برنامج الحمام تكرمون بس للحين تتبول بملابسها الداخلية وحاولت افهمها ان الشي هذا مايصير بس رافضة مع العلم البنت جدا ذكية وسابقة عمرها بالعقل والكلام بس بالشي هذا رافضه انها تكبر.ساعدوني الله يخليكم ابي حل
حبيبتي انا بنتي نفس عمر بنتج وحمدالله تعلمت على دخلت تكرمين الحمام..انتي بالبدايه لازم ادخلينها كل نص ساعه.. وخليها وناسه يلا يلا الشطار يسوون بالحمام وانتي كبيره نفس ماما لازم بالحمام..اشتري استكرز على وجوه ضاحكة مثلا اوعلى شي تحبه وحطيلها كل ما سوتها بالحمام وقوليلها ويع مو حلوه الحفاظه..اشتري صراويل على شخصيات تحبها لما ادشين دخليها وياج اشتريلها مرحاض على كرسي تلقينا بسنتر بوينت انا بنتي تعلمت عليه وكل ما دشيتي خل ادش تقعد على كرسيها وبتعلم صدقيني بس تاخذ وقتها..
مشكوره حبيبتي على مشاركتي همي ......بس كل اللي قلتيه سويته .......طولت بالي عليها وايد ....البنت وايد ذكيه ومتوعيه ان البيبي بس يسوي فالحفاظه وترفض حد يقولها بيبي ....يعني واعيه.انا نفسيتي تعبانه من بنتي
حبيبتي الراحله موضوع بنتج عادي انا عندي 3 بنات وولد والحمدلله اعلمهم للحمام بسهوله الموضوع يبي صبر لا تستعجلين عليها وديري بالج تخانقينها لانها راح تعاند وتنتكس الحاله ومع الوقت راح تعرف... وحاولي ترغبينها بالهدايا قولي اذا سويتي بالحمام راح اعطيج هديه وموفقه ان شاءالله.....
صح كلامك مثلك كنت اخاف على بنتى حتى وانا ادهن لها كريم اللى يقى من التهابات الحفاضات سألت الطبيبة وقالت لى لا تخافى الجهاز التناسلى فى البنت عالى جدا حتى تبلغ خمس سنوات بييتغير الجسم وينزل الجهاز لمكانه الطبيعى فلا خوف من اللوشن وما شابه الله يخليهن يارب
