كافي صدماات بحياتي ... قصه كويتيه واقعيه لأميره البجع

وااي ليش جذي عورتي قلبي

كمليــــــــــها :sad_smile:

السلام عليكم يا حلوات ... ان شاء الله ماطولت عليكم؟؟

البارت الخامس
*******

بعد أسبوع
مريم (كانت بغرفتها دقت على احمد): ألوو
أحمد: يا حي الله هالصوت
مريم: الله يحييك .. شلونك احمد؟ عرفتني؟
احمد: الحمدلله أكييييييد فطومة رفيجه عهود انتي شلونج؟
مريم: ههههههه انا بعرف انت ليش تناديني فاطمة؟
أحمد: ليش شسمج مو فاطمة؟
مريم:هههههه لا اسمي مريم
أحمد (انحرج): صج؟؟ الله يلعن ابليسك يا حموود فشلتني اهو اللي قالي
مريم: هههههههههههه حرام يمكن حتى اهو حاط في باله فاطمة
أحمد: المهممممممم خلينا من حمود.. شلون حنيتي علينا وسمعتينا هالصوت الحلو
مريم (مفتشلة): مشكور هذا من ذوقك... مادري والله قلت بعرف شلي شدك فيني ليهالدرجة؟!
أحمد: لا تسأليني سألي قلبي اهو اللي معذبني
مريم: والله محد بيوديك وطي غير قلبك.. يبا القلب ما ينعطى ويه
أحمد: هههههههه يحليلج يا فطومة سوري أقصد مريومة.. سولفيلي عن نفسج والا تبيني أسولفلج عن نفسي
مريم: كيفك على راحتك
أحمد: خلاص انا أسأل وانتي جاوبي واذا في بالج سؤال سألي وانا اجاوب
وتمو يسولفون 3 ساعات
***********

تهاني تكلم عالية بالفون
تهاني : حرام عليج عالية تدرين جراحوو للحين ما مل؟ للحين يدق علي؟؟
عالية: ويييي من صجج؟ لا تردين عليه
تهاني: الله يسامحج شلون هنت عليج؟
عالية: تهاني حبي سامحيني.. والله ما توقعته لزقة جذي!!
تهاني: الله يستر بس.. يلا أخليج باي
عالية: الله معاج
بس سدته تهاني والا يرن تليفونها
908.. يتصل بك
"اووووووووووه الله ياخذك ويفكني منك!! لوعت جبدي"
تهاني (وحدها معصبة): نعم
جراح: والله صج؟ والله أخيرا شلتيه؟؟ أخيرا حنيتي علي؟؟
تهاني : شوف يا بن الناس لا تدق علي مرة ثانية دزيتلك مسج قتلك غلطانين واعتذرت ماله داعي كل شوي داق
جراح: لحظة لحظة بس بقولج شي
تهاني: انت صج ما تستحي لك ويه عقب المسبة اللي دزيتها لي تدق؟؟
جراح: يبا دزيت مليوون مسج اعتذرت فيه.. صدقيني يومها كنت متنرفز ومادري عن نفسي وغلطت آنا آسف حقج علي
تهاني (بقلبها الا قول سكران طينه ماتدري عن نفسك): والمطلووب؟
جراح : تسامحيني بس
تهاني( أوووف): خلاص سامحتك .. بعد في شي؟؟
جراح: اي بصراحة فيه.. انا مادري ليش انجذبت لج.. اكيـــد لأنج مو مثل البنات الخفيفات.. وحبيت اتعرف
تهاني (بأحلامك هم ما تصير): أقوووووول ترى عطيتك ويه.. يلا يلا لا تدق مرة ثانية واذا على السماح سامحناك باي
سكرت التليفون بويهه وقطت تليفونها عالسرير وانسدحت وصدااع مو طبيعي
**************

(آهاات هههههه بدر ياحليلك والله انك ونيس)
(محروم اي يبا اضحك الدنيا تضحك لك وطنش تعش تنتعش)
(آهات اي والله على قولتك ههههههه)
(محروم آهات قولي خميس كمش خشم حبش حبش كمش خشم خميس 3 مرات)
(آهات ههههههههههههه انسى)
(محروم ربي تدوم هالضحكة)
(آهاات بدر ممكن تسولفلي عن نفسك؟؟ انا عورت راسك بسوالفي ومشاكلي ورفيجاتي وانت ولا شي)
(محروم أفاا عليج لا تقولين جذي انا مرتاح ومستانس.. بس شقولج قتلج انا محروم من كل هالاشياء)
(آهاات حتى اهلك وناسك وربعك؟؟ عمرك ما يبتلي طاري الوالدة أو الوالد أو الأهل)
(محروم قتلج محروم ولا تعورين راسج)
هاجر حست انه وراه سر خطير بس يا ترى شنو؟؟ وسرحت تفكر
طوط طوط (محروم زعلتي آهاات؟؟)
(آهاات أبد بدر حشى بس ودي تفضفضلي وتزيح الهم من قلبك)
(محروم ان شاء الله بيي اليوم اللي تعرفين فيه كل شي)
*********************

يلا حبي أبي تفاعل

ان شاء الله سادس نما على الاقل ثنتين يشاركوووووووووووووووووووون

كملي بنوووووووووووووته

ترى بعصب خخخخخخخخخخ

اناا عصبت ههههههههههه

بليــــــــــــــز كملي بنوته :smile:

وينج بنوته حبيبتي طولتي ياليت حبيبتي اطولين البارتات :wink_smile:

لالا اله اعصااابكم :frown: سووري شسوي اشغال فووق راسي راح كل اسبووع او خمس تيام او علا الاقل يوميين

^^^^^^^^^^^^^^^^^^^^^^^^^^^^^^^^^^^^^^^



البارت السادس

**********

بعد 3 شهور

جراح: تكفين سمعيني... أترجاج
تهاني: ولييييييييه ليمتى يعني؟ يبا مابيك مابي أكلمك .. ليش موراضي تقتنع؟
جراح(بصوت حزين): يا بنية أحبج والله أحبج
تهاني: وانا ماحبك ولا أواطنك. أذيتني يننتني
جراح(تدمع عيونه بس من غير ما تحس تهاني): ماقدر والله موبيدي
تهاني: شسويلك؟ روح حبلك أي وحدة من الشارع .. انا ما أحبك
جراح: الله يخليج لاتحرميني منج أموووووت
تهاني: موووووت
جراح (يبجي بصوت عالي): والله أحبج صدقيني
تهاني انصدمت ماتدري شتقول
تهاني (بصوت واطي): جراح شفيك؟؟ انت تبجي؟؟
جراح(بصدمة وتعب): انتي تعرفيني؟
تهاني (وليييييييه انا شقلت): هااا!! لأ
جراح: امبلا عيل شعرفج باسمي؟
تهاني: ما عرفك ماعرفك باي وسكرت الموبايل وهي ترجف
*****************

(محروم آهاات ليمتى احنا جذي؟)
(آهاات قتلك بدر انا موجابرتك على شي)
(محروم انا ما قلت جابرتني بس منتي راضية تعطيني اسمج ولا راضية تدقين علي وانتي وايد تفصلين من الجات وتطولين على ما تشبكين)
(آهاات بدر آنا ما دشيت الام جات عشان اعطي اسمي والا آخذ أرقام)
(محروم ليش انتي تكلمين غيري بالجات؟)
(آهاات لأ)
(محروم ولا انا صدقيني فخلينا نطلع من الجات ونتعرف على بعض أكثر)
(آهاات لا ما يحتاي انا جذي مرتاحة)
(محروم شفيج يا بنت الحلال انتي خايفة مني؟ ماأسويلج شي)
(آهاات لا حشى )
(محروم انزين على الأقل أعرف اسمج)
(آهاات امممممم اسمي هاجر)
(محروم عاشت الأسامي ياهاجر.. اسمج حلو وغريب)
(آهاات هههههه مشكور بس ليش غريب اسم زوجة النبي ابراهيم عليه السلام)
(محروم أدري بس بعمري ما صادفت وحدة اسمها هاجر.. انزين هاجر تكفين دقي علي)
(آهاات لا بدر مابي)
(محروم انزين يا بنت الحلال اخذي رقمي بس مسجات يمكن ايي يوم ما أقدر أدش الجات شلون يعني أحصلج؟)
(آهاات لا ان شاء الله ماتطلع من الجات)
(محروم هاجر صدقيني انا ما ينعرف وضعي وفعلا يمكن ماقدر أدش.. الله يخليج اخذي رقمي)
(آهاات أوكي مو مشكلة بس ترى بس مسجات مافي مكالمات)
(محروم راضي والله راضي بس عشان أقدر أحصلج أي وقت أبي.. يلا اخذيه....)
***************

خلونا نسولف شوي عن عايلة مريم
بو خالد أبوها مدللها لآخر درجة وهي عنده الملكة .. بس مع هذا صارم وشديد وما يحب الخطأ .. مع هذا مريم قنوعة وما تتطلب وايد
أم خالد أطيب قلب بالدنيا ومافي جدامها الا رضى بوخالد وعيونها على عيالها مريم وخالد
خالد( 12 سنة) يدرس ثانية متوسط طيب وحبوب ويمووووووت على اخته

مريم قاعدة بالصالة مع أمها وأبوها
دش خالد: السلام عليكم
الكل : وعليكم السلام
مريم: هلا حبيبي هلا قلبي تعال اقعد يمي مشتاقتلك
خالد (اييها ويبوس خدها): تامرين أمر يا أختي العزيزة
بوخالد: شوف العيار واحنا ما يبوسنا
أم خالد: خله يابو خالد ماله الا اخته.. الله لا يحرمهم من بعض
مريم وخالد: آآآآآآآآآآميــــــــن
مريم (تلتفت على خالد): ها حبيبي وين تبيني أوديك اليوم؟
خالد: مريووم والله خاطري أروح الترفيهية من زمااااااان ما رحت وربعي بيتيمعون هناك
مريم: حااااااضر على هالخشم.. يلا قوم بدل ملابسك.. يبا بعد اذنك بنروح الترفيهية
بو خالد: هههههههه عقب ما طبختوها جدامي تستأذنون؟ روحو يبا الله معاكم
مريم : ههههههه مشكور يبا حبيبي عن اذنكم أصعد أبدل ملابسي

مريم صعدت وعلى طوول دقت على أحمد: ألووو
أحمد: هلا عمري هلا حياتي
مريم: هلا فيك ... وينك؟
أحمد : بالبيت ليش عمري؟
مريم: اي والله مادري ليش أسأل.. خو انت يا بالبيت يا عند ربعك.. شنو ماعندك دوام؟
أحمد (عمره 25): ها.. امبلا
مريم (عمرها 19): عيل ليش عمرك ما يبت طاري دوامك؟
أحمد(غير الموضوع): انزين قوليلي شبغيتي؟؟
مريم (مستغربة): أحمد بروح الترفيهية
أحمد: نعم؟؟ ما سمعت عيديها .. بروح الترفيهية؟؟ يعني مو داقة تستأذنين سيده " أحمد بروح الترفيهية"؟
مريم: ههههههههه يلا عااااد قاعدة أستأذن
أحمد: الناس يقولون "حبيبي مايخالف أروح الترفيهية"
مريم: ههههههه أحمد مايخالف أروح الترفيهية؟
أحمد: انا قلت قولي حبيبي مو اسمي
مريم:هههههههههه عادي
أحمد: لاموعادي يعني متى بتقولينلي كلام حلو؟
مريم: شدعوه ليش شقاعده أقول آنا؟؟ وبعدين خلني على راحتي كل شي بوقته حلو
أحمد : الا هالكلام كل وقت حلو
مريم: الله كريم.. المهم أقدر أروح الترفيهية
أحمد: اي ضيعي السالفة.. لا ماتقدرين تروحين الترفيهية.. شموديج بروحج الترفيهية؟؟
مريم: لا مو بروحي بودي خلود حق ربعه كلهم متيمعين هناك
أحمد: أهاا .. اذا جذي ما يخالف بس مو تطولين
مريم: مشكووور
أحمد: مريم..
مريم: هلا
أحمد: ها ولا شي ..
مريم (مستغربة): أوكي يلا باي
أحمد : أحبج باي
***********

يلا حبايبي أشوفكم على خير ولا تنسوني

رووووووووووووووووعة ياقلبي
انا اندمجت حيييييييييييل
ويا القصة
بليز كمليها بسرعة
:teeth_smile:

^_^
ياسلام رديتينا حق ايام المراهقه ورواياتي
كملي كمل الله رزقج

رووووووووووووووووووعه

عااد مو تتأخرين علينااااا بالبااجي :smile:

ياشمووخ يا ايام مراهقه ككككككككككككككككك مشكوره راح اكمل

كيووت فييس خخ اوكيك من عييني ياقلبي

احلى جوهررره من عييوني مشكوره عالمروور العطرر


البارت السابع
*********

بعد شهرين وقبل 3 أيام من عيد الأضحى

الساعة 11 بالليل أحمد ومريم يسولفون بالتليفون
أحمد: مريم
مريم(الله يستر من يقول اسمي في شي): هلا احمد
أحمد: تبين تنامين الحين؟
مريم: لأ ليش؟
أحمد: مريم بغيت أكلمج بموضوع.. ومحتاج حق وقت.. أبيج تسمعيني عدل وما تقاطعيني تقدرين الحين؟
مريم (عدلت قعدتها وتربعت على سريرها): أكـــــــــــيد آمرني
أحمد: مريم أبيج مصحصحة معاي
مريم (تكفى قووول): أكيد تفضل
أحمد: مريم .... امممممممم انتي تدرين اني أحبج وما أقدر أستغنى عنج صح؟
مريم : صح
أحمد: بس انتي ما عمرج قلتيلي أحبك ولا حسستيني فيها
مريم: مو قلنا تخليني على راحتي.. وكل شي بوقته حلو؟
أحمد: مريم آنا محتاج اعرف عشان أتطمن...
مريم: أحمد قولي شفيك؟ شصاير خبصت قلبي؟
أحمد: مريم آنااا ... آنااا بدون
مريم مصدووومة ولا كلمة
أحمد: مريم انتي معاي؟
مريم: ه--لا هلا أحمد وياك
أحمد: مصدومة؟؟
مريم: أحمد انت بدون؟ عدل هذا الي سمعته؟
أحمد: اي حبيبتي آنا بدون.. سامحيني ما قتلج قبل.. بس والله حبيتج وخفت تروحين مني
مريم(دمعت بصمت): أحمد ليش ماقتلي؟
أحمد: سامحيني حبيبتي سامحيني.. حاولت بس كنت جبان ما يتني الجرأة أقولها
مريم: أحمد الله يخليك خلني بروحي
أحمد: مريم بتهديني؟
مريم: خلني بروحي الله يخليك
أحمد: مريم حبيبتي عمري روحي بخليج الحين.. بس بقولج شغلة آنا بخليج 3 أيام لين العيد عشان تفكرين.. ويوم العيد بسمع قرارج
مريم (تبجي بصمت): ان شاء الله .. مع السلامة
وسكرت التليفون من غير ما يقول باي.. لمت ريولها لين صدرها شوي شوي وحطت راسها بين ريولها وانهارت
********************

بدر وهاجر توطدت علاقتهم حيل ببعض بس مسجات
هاجر دزت مسج حق بدر (قوة نايم؟)
بدر طول على مارد(هلا بالزين.. قاعد حياتي آمريني)
هاجر( انا بعرف انت ليش كله تطول على ما ترد علي)
بدر(لا عادي .. بس يمكن ماكون قريب من موبايلي)
هاجر(آنا أول مرة أشوف شاب ما ياخذ موبايله معاه وين مايروح!)
بدر(وانا وين أروح يا حسرة؟)
هاجر( أي صح بدر انت ليش كله بالبيت ما تطلع)
بدر سكت ماعرف شيرد
هاجر(وينك؟)
بدر(كاني عمري موجود.. آمريني)
هاجر (شفيك سكت؟)
بدر (لا ولا شي.. هاجر انا أخليج الحين تامريني بشي)
هاجر (سلامتك دير بالك على نفسك)
بدر (ان شاء الله وانتي بعد)
بدر" يا ربي شقولها؟ أخاف تهدني.. وانا كل مالي أتعلق فيها زيادة!! يا رب فك ضيقتي"
*******************

هاجر نزلت تحت لقت عبير وتهاني قاعدين بالصالة
عبير: انزين ما قلتيلي يمعة العيد وين؟
تهاني يعني وين يالذكية؟ بيت يدي أكيد
هاجر: قوة
الكل: يقويج
هاجر: هاااا.. تحشون فيني؟
تهاني: وانتي كله شاكة بعمرج؟ شكو نحش فيج؟
هاجر: أقوول يعني تغارون من جمالي تحشون فيني (وتطالعهم بغرور)
الكل: ويييييييييييييع
عبير: تكفين قبل لاتنزلينلنا ما شفتي ويهج بالمنظرة؟
هاجر: أكيــــــــد شحلاتني .. أهبل.. فديتني
تهاني: الحمدلله والشكر أكو وحدة تفدي عمرها؟
هاجر: أي آنا.. يحلاتي امواااه (وتبوس ايدها وتحطه على خدها)
يضحكون البنات
عبير: ويييييييييع لاعت جبدي برجع
واهم يسولفون ويضحكون والا ايي مسج حق تهاني
طوط طوط
فتحت المسج تقراه كان من جراح (الله يخليج ردي علي.. عذبتيني يا بنت الناس)
تهاني عفست ويها وتنهدت بصوت عالي
هاجر (مستغربة): تهوون شفيج ؟ عسى ما شر؟
تهاني: ها .. ماشر
هاجر: من منه المسج؟
تهاني: محد.. يلا انا تعبانه بروح أرتاح تصبحون على خير
الكل: وانتي من أهله
عبير: هجور بقولج شي
هاجر: خير قولي
عبير: تهاني مو عاجبتني كله منفسه وتعبانه.. مو تهاني القديمة
هاجر: تصدقين حتى انا حاسة بهالشي بس يمكن من الزهقة والبيت.. ناطرة توظيف الديوان
عبير: لا موجذي .. انا حاسة تهاني بمشكلة
هاجر: وااي عبروو لا تخرعيني .. مافيها شي جنها البخت .. يلا قومي خنروح ننام
وقامو كل وحدة على غرفتها .. بس هاجر ما قدرت تنام قامت تحاتي أختها
****************

تهاني رجعت غرفتها متضايقة حيل وحزينة " ياربي شيبي مني هذا؟ متى يمل؟"
طوط طوط "لالالا لا يكون مسج منه"
فتحت المسج (اذا انتي خايفة أسألج من وين تعرفيني.. والله ماراح أسأل بس ردي علي أرجوووووووج)
تهاني ما قدرت تتحمل ودقت عليه
جراح شاف التليفون يرن معذبتي يتصل بك: لالا والله مو مصدق
تهاني (قامت تبجي ): خلاص تعبتني.. لا تدق لالالالالا تدق شتبي فيني؟
جراح مصدوم: لا تبجين عمري دموعج غالية.. انا حي... انا أثول انا حقير بس لا تبجين
تهاني(تشاهق): جراح والله تعبت والله تعبت.. الله يخليك لا تأذيني
جراح : صدقيني حبيبتي ماراح أذيج انتي ليش خايفة مني؟
تهاني: جراح انا اعرف عنك كل شي .. أدري ان عندك شقة للخرابيط.. وأدري انك تشرب.. وأدري عن أشياء وايد... كل هذا وماتبيني أخاف منك؟
جراح (عيونه طلعت بره وقلبه قام يطق حيل): من قالج عني هالكلام يبا وال
تهاني (تقاطعه): لا تحلف... جراح لا تجذب
جراح: حبي قوليلي .. انتي منو وشسالفتج؟
تهاني: دامك ماتعرف انا منو شلون حبيتني؟
جراح: والله مو بيدي غصبا علي.. متعذب صدقيني.. عبالج سهلة أحب وحدة حتى ما أعرف اسمها؟
تهاني: يعني بتقولي ما طلعت بياناتي من الاتصالات؟
جراح: صدقيني لأ.. وانتي تدرين انا شباب وبسرعة أقدر أعرف عنج كل شي.. بس بغيتج انتي تقولين لي..الله يخليج قولي وريحيني
تهاني: جراح .. اسمي تهاني

يلا يا حلواات وين التفاعل وشرايكم؟؟

وااأي والله انفعلت
بنو بليز تكفين تكفين ابي بارت يديد ترا افكر فيها هالرواية حيل
ناطرتج ياقلبو

بارت واااايد حلووووه

بانتظار القادم،،،،،،،،،:teeth_smile:

كيوت اوك من عيوني فكرررررررررررررررررررررررري

ام سوير:خخخخخخخخ فديتج والله دائما مبدعه
*******************************

تفضلو البارت الثامن
*************

أول ما استوعبت مريم الصدمة دقت على عهود
عهود:ألوووووووووووو
مريم(تبجي): ع-ه-وووو-د لحقيني
عهود: مريم؟؟ شفيج حبيبتي ليش تبجين؟؟
مريم: عهود أحمد .. أحمد يا عهود
عهود: شفيه أحمد؟ عسى ما شر
مريم قاعدة تقول حق عهود عن أحمد وهي منهارة
عهود: لحظة لحظة حبيبتي هدي شوي مو قادرة أفهم منج شي
مريم: عهود أحمد طلع بدون... بدووون
عهود: شنووووووو؟ من قالج
مريم: اهو قالي.. قوليلي دبريني شسوي الحين
عهود: الله ياخذك يا حمود شهالبلوة؟ والله حبيبتي انا مادري ان بدون جان ما خليتج تكلمينه (بنات الله يخليكم لاتتضايقون..أدري البدون بشر ولهم مشاعر وعلى راسي والله.. بس كونو مكانها تدري انها علاقة مستحيلة)
مريم: اهي اهي اهي عهووود بموووت مختنقة
عهود: مريم حبيبتي هدي وتعوذي من ابليس وقومي غسلي ويهج
وبعدين دقي علي
مريم: لا خلاص محتاجة أكون بروحي شوي
عهود: الحين شبتسوين؟
مريم: مادري اهو عطاني مهلة لين العيد أعطيه قراري
عهود: شنو قرارج؟
مريم: مادري مادري خليني الحين باي
عهود: باي
**************

قبل العيد بليلة

يرن تليفون هاجر
"هذا رقم بدر غريبة.. خير ان شاء الله أول مرة"
هاجر:أ-ل-و
بدر: الللللللللللللللللهه شهالصوت ذبااح
هاجر: بدر!! عسى ماشر
بدر: عيدج مبارك قبل كل الناس يا أحلى الناس
هاجر(استوعبت ان ماكو شي): بدر احنا شقلنا مو مافي اتصالات؟؟
بدر: أدري بس مو معقولة ايي العيد وانا ماعرف صوت حبيبتي ولا أعايد عليها
هاجر: هههههههههههه سوري أيامك سعيدة
بدر: شلون الحلوين.. والله احنا مشتاقين
هاجر: ههههههه صرت شاعر؟؟ الحمدلله بخير انت شلونك؟
بدر: شسوي حبج خلاني أشعر..عسى دوم يارب .. انا الحمدلله بخير دام سمعت هالصوت الحلو
هاجر: اولالالا بدر شهالازعاج؟؟
بدر: ها!! هذيله الربع
هاجر: أي وخر عنهم شوي ترى ماسمعك
بدر: مايخالف هاجر انا اكلمج بعد شوي بس حبيت أعايد عليج
هاجر:اوكي باي
بدر:باي
************

تهاني بغرفتها تسولف مع جراح
جراح: يعني ليلحين ما تبين تقولينلي من وين تعرفيني؟
تهاني: ماقدر جراح لا تسألني
جراح: قولي في بنت دازتج علي؟
تهاني:هااا؟ لا.. بس ليش شاك بوحدة؟
جراح: لأ .. بس قلت يمكن وحدة مني مناك
تهاني: ههههههه أي مو من كثرهم ما تدري
جراح (تضايق): وبعديييييين مو قتلج انا من عرفتج ما عرفت غيرج؟ بعد ليش تحاسبيني على قبل؟
تهاني: جراح انت تبيني؟
جراح: مو بس أبيج .. الا أحبج وأعشقج .. أمووووت عليج يا بنيه فهمي
تهاني: جراح وانا ماقدر أحبك و..
جراح(قاطعها): ليش؟انا بعرف ليش ماتقدرين تحبيني؟ عمري انتي بقلبج أحد ثاني؟
تهاني : لأ.. بس انت ما خليتني أكمل .. انا قلت ما قدر أحبك وانت جذي
جراح: ليش آنا شفيني؟
تهاني: قول شنو ما فيك؟ جراح لا تزعل مني هاذي الحقيقة.. انا وايد خايفة منك
جراح: حبي والله ماراح أذيج انتي روحي .. أكو واحد يأذي روحه
تهاني: أي أكو انت
جراح: آنا ؟؟ شلون؟؟
تهاني: هالسم اللي تشربه ما يأذيك؟؟ هالشقة اللي فاتحها ما تأذيك؟؟ هالشلة اللي تماشيها ما تأذيك؟؟
جراح: اووو وبعدين .. هاذي حياتي وانا حر فيها
تهاني: نعم؟؟ وتبيني أحبك؟؟ على شنو أحبك قولي..يا استاذ جراح اللي يشرب ما عنده غيره على أهله .. ولا يخاف عليهم.. تبي يصير عنده غيره على بنت الناس ويخاف عليها؟؟
جراح: شياب طاري أهلي الحين؟؟
تهاني: وبعدين شنو حياتي وانا حر فيها؟؟ مو تقول انك تحبني؟؟ يعني ما تبيني أشاركك حياتك؟؟
جراح: أكيييد قلبي انتي
تهاني : آسفة ما قدر أحبك ..باي

يلا حبايبي شرايكم؟؟​

وايد قصير يا بنووو
تسلم ايدج
انا متحمممممسة :74_74: :74_74: :74_74:
افكر فيها شبيصير
بانتظارج ياعمري

حلو ه ..


تسلم ايديج ..

بانتظارج ...


مو طولين علينا

وااااي صغيــــره حدهااااا :71_71:

عاااد لا تطوليــن قلبي :smile:

:emoticon_U: لاتصيرين نحيسه

يلا نبي التكمله

بلييييييييييييييييييييييز كمليييييييييييييييييييهاااا

بليييييييز كمليهاآآآآآآآآآآآآآ .....