كافي صدماات بحياتي ... قصه كويتيه واقعيه لأميره البجع

بليز كمليهاااا

هههههههههههههههههههههههه اوك اوك وربي مادخلت المنتدى اذا طولت سبوع شتسوين :shades_smile:

البارت التاسع
***********

يوم العيد
الكل قاعد من الصبح سعيد ومفرفش الا مريم
بهالثلاث أيام ماذاقت طعم النوم.. وكله بغرفتها تفكر
أول ما غسلت وبدلت دقت على أحمد
أحمد (بلهفة): ألوو عيدج مبارك حبيبتي
مريم: ألوو هلا أحمد.. أيامك سعيدة.. ممكن أشوفك اليوم؟
أحمد: طبعا ممكن.. مشتاقلج..
مريم: خلاص أشوفك الليله الساعة ثمان بشاطئ المسيلة
أحمد: قبل الثمان بكون ناطرج يا قلبي
مريم: أوكي عيل مع السلامة
أحمد: مريم ما قلتيلي شقررتي؟
مريم: الليلة ان شاء الله يلا باي
أحمد: باي
********


مريم سدت التليفون ونزلت راسها قامت تطالعه.. سمعت صوت أمها عند الباب
أم خالد: مريم يما قعدتي؟ نزلي تريقي معانا
مريم (راحت تبوس راس أمها): عيدج مبارك يما.. ان شاء الله الحين
أم خالد: ايامج سعيدة حبيبتي
ونزلت مريم وأمها تحت لقو أبوها وخالد على طاولة الطعام
مريم: صباح الخير عيدكم مبارك (راحت عند أبوها تبوسه)
أبوخالد: أيامج سعيدة يا بنيتي هلا هلا بالشيخة
مريم (ابتسمت وافترت تبوس خالد): عيدك مبارك يا أحلى أخو بالدنيا
خالد: هههههههه أيامج سعيدة قعدي يمي
وقعدت تتريق
مريم: يما متى بنروح بيت يدي؟
أم خالد : بعد شوي حبيبتي تدرين يدج عميد العايلة والكل عنده من الصبح.. الله يخليه لنا
الكل: آمييييييييييين
مريم: وناسة بشوف عالية وتهاني والبنات من زمااااااان عنهم (مريم وتهاني بنات خاله وعالية بنت خالهم)
أم خالد: عاد يلا استعيلو مو تنطروني وايد
العيال: ان شاء الله
********

في البيت العود.. الحريم قاعدين بالصالة والرياييل بالديوانية والبنات بغرفة الاستقبال
تهاني: مريوووم والله لج وحشة .. وينج غاطة ما تبينين؟
مريم: حبيبتي والله وانتي بعد.. ماكو بهالدنيا.. الكلية.. الامتحانات.. الهووم ووركس
تهاني: يلا يا قلبي الله يوفقج
هاجر (بعمر مريم): مريووم تعالي شوي بكلمج
مريم: اوكي يلا بنات شوي وراجعين
تهاني: اخذو راحتكم
وليما وخرو شوي التفتت تهاني على عالية
تهاني: علاية بقولج شي
عالية: خير حبيبتي
تهاني: عاليه انا أكلم جراح
عاليه (انصدمت): شنووو؟؟
تهاني : اللي سمعتيه
عاليه: تهاني احنا شقلنا؟ وخري عنه
تهاني: شسوي كسر خاطري 5 شهوريركض وراي.. تصدقين مرة بجى واهو يقولي أحبج؟
عالية: تهوون هذا ذيب والذيب ما يهرول عبث.. واذا عالبجي تلقينه كان سكران ولا يدري عن شي
تهاني: لا عالية انا احس انه تعدل.. حتى ما قمت اسمع عنده صيحة ولوية واغاني مثل قبل
عالية: تهون لا تقطين نفسج بحلجه والله ياكلج وما يسمي عليج.. تبين تصيرين نفس حالتي؟ شوفي سعودو شمسوي فيني
تهاني: صدقيني جراح غير وسعود غير
عاليه: شنو الغير؟ شرب واثنينهم يشربون .. سكر واثنينهم يسكرون.. عربدة واثنينهم يعربدون شنو الغير؟؟
تهاني سكتت تدري ان عاليه صاجة
***********

بالغرفة الثانية هاجر ومريم
هاجر:مريووم أحبه يهبل ينن..
مريم: ههههههههه شلي يهبل ينن يالمينونة؟ مو تقولين ما شفتيه؟
هاجر: أي بس كافي اسلوبه وحنانه وحبه وقلبه.. كافي ان يموووت علي
مريم: هههههههه الله يوفقكم ان شاء الله
هاجر: ياااارب
فترة صمت ومريم منزله راسها
هاجر: مريومة شفيج؟
مريم: مافيني شي
هاجر: لا مو طبعج انتي كله مفرفشة
مريم: تعبانه شوي
هاجر: امممممممم مريم أحمد شلونه؟
مريم (لمتها تبجي): هاجر انا تعبانه
هاجر (تمسح على راسها): شفيج حبيبتي شيمسوي أحمد؟
مريم: أحمد بدون
هاجر (انصدمت): شنوووو؟ يعني بدون
مريم: يعني بدون.. شفتي حظي ( وتبجي بحرقه)
هاجر: شلون دريتي؟ شبتسوين الحين؟
مريم : اهو قالي من 3 أيام وعطاني مهلة لين اليوم أفكر وأقرر
هاجر: شنو قرارج؟؟

يلا حبي رايكم يشرفني

حلوه

كملييييهااااااااااااااااااااااااااا

ماشاء الله عندك اسلوب في سرد القصة حبي لك كالصدقاء ودمتتتي بخير
ننتظررررك متابعينك

بنوووووتة بذبحج...حدي اندمجت وانتي تطولين بالبارت لدرجة انسى واخربط بالقصص وارجع مرة ثانية عشان افهم كل بارت لحاله......فديتج والله سردك للقصص حلوة بس تكفين لاتطولين

كملييييييييييييييييييييهاااااااااااااااااااااااااااااااااا

ههههههههههههههههههههههههههه اوك اوك فدييتكم على المتاابعهـ

البارت العاشر
*******


صارت الساعة 8 بالليل
مريم وصلت المسيلة دقت على أحمد
أحمد(دقات قلبه تتسارع): ألوو هلا قلبي
مريم: هلا أحمد . آنا وصلت انت وينك؟
أحمد : تعالي عالشاطي عند البحر
مريم: أوكي يلا باي

مريم وصلت لقت أحمد قاعد عالرمل معطيها ظهره ويطالع البحر
قعدت يمه تطالع البحر من غير ما تتكلم ولا تنطق
أحمد(التفت عليها): أحبج
مريم: أحمد اسمعني للأخير
أحمد: تفضلي
مريم (تنهدت): أحمد آنا ما أخبي عليك .. كنت خايفة أتعرف على شباب وأكلم وأحب عشان مابي أعور قلبي.. بس يوم شفتك وكلمتك.. تغيرت نظرتي مو بس لموضوع التعارف وللحب والحياة بعد
سكتت مريم تستجمع أفكارها
أحمد: أي حبيبتي سامعج
مريم: ويوم كلمتك وتعرفت عليك أكثر قلت هذا الانسان اللي تمنيت أكمل حياتي معاه..
أحمد: يعني تحبيني؟
مريم: الله يخليك لاتقاطعني..
أحمد: ان شاء الله تفضلي
مريم: أحمد كل بنت تحلم ببيت وزواج وأسرة وعيال.. وانا ما أنكر اني حلمت فيهم معاك.. رسمت بخيالي صورة بيتنا وعرسنا وزواجنا وعيالنا.. لكن الحين بعد ما طلعت بدون تبدد الحلم.. ولقيت اني كنت أركض ورا سراب.. وطحت على أرض يابسة مقفرة مافيها حتى ماي يرويني.. بعد ما كنت أشرب وهم الحب..
أحمد: مريم بتخليني؟؟
مريم: لو كنت أعرف انك بدون من زمان جان خليتك
أحمد: مريم الحين بتخليني؟؟
مريم (حطت عينها بعين أحمد وايدها على جتفه وتتلكم برجفة وغصة): أحمد أحبك
ونزلت راسها تبجي
أحمد (رفع راسها ومسح دموعها وباس عينها): أحبج عمري لا تبجين.. والله دموعج تحرقني
مريم (تبجي): قولي أحمد شسوي أحبك وما أقدر أستغنى عنك.. وما أقدر أستمر وياك.. علاقتي معاك مستحيــــــــــــلة.. شسوي شسوي؟
أحمد: مريم لا تتركيني أترجاج
مريم: واستمر معاك وأحبك وتحبني بس ما نتزوج ؟؟ ليه متى قولي؟؟ ليما نموت والحسرة بقلوبنا؟
أحمد: قلبي ربج يفرجها بس لا تهديني أحبج مريم والله أحبج (وقام يرجف)
مريم: أحمد أوعدك اني ما أهدك لو مهما يصير.. ومسكت ايده ووقفت معاه تطالع البحر
***********************

بعد 3 شهور
بدر كان يدق على هاجر ولقاه بريد صوتي وكانت حاطه أغنية ماريدكم لصلاح البحر مقطع..

لا عتاب ولا كلام ولا ندم
للأسف كل البنيناه انهدم
وكل شي راح لغايته وظل الألم
وبلا سبب قلبي تعذب وانظلم

بعد الصفارة
بدر: الله الله شهالمقطع؟؟ منو ملوعج ليهالدرجة؟ دقي علي
هاجر سمعت الفويس ميل دقت عليه
بدر: ألو
هاجر: هلا حياتي
بدر: ليش حاطة هالمقطع؟
هاجر: أحبه
بدر: تحبين منو؟؟
هاجر: أحب المقطع
بدر: هاجر قوليلي الصج.. عبالج انا مو ملاحظ سرحانج.. شفيج؟
هاجر: هاا؟؟ مافيني شي
بدر: هاجر اذا ما تقدرين تثقين فيني وتقولينلي شاللي مضايقج عيل شلون أقدر أحبج وتحبيني؟
هاجر: بدر صدقني أحبك
بدر: عيل قوليلي عمري.. شصاير؟
هاجر: عمري عندي سؤال
بدر: عارفه لأ
هاجر: شلون تعرف سؤالي؟
بدر: وانتي عندج غيره؟؟ بدر تخوني؟؟ بدر تكلم غيري.. ريحتج وجاوبتج قبل لا تسألين.. هاجر ليش تشكين فيني؟؟
هاجر: لا حبيبي ما أشك فيك.. بس أحب أتطمن..
بدر : تطمني أحبج وما أحب غيرج.. أكلمج وما أكلم غيرج.. وما أخونج
هاجر: حبي والله
بدر: قوليلي ولا تضيعين السالفة شفيج هاجر؟ ليش كله تفكرين وسرحانه؟
هاجر حبي ما فيني شي وموسرحانه
بدر: هاجر ليما تثقين اني سندج وانج ما تخافين تقولينلي عن مشاكلج دقي علي باي
هاجر: بدر شفيك؟
بدر: قتلج شفيني يلا باي
هاجر:باي
******************

جراح (منسدح على فراشه يكلم تهاني): أحبج
تهاني: ههههههه وانا أموووت فيك
جراح: تهاني شلون شلون أعبرلج عن حبي؟
تهاني: والله حبيبي حاسه وأدري ومتأكدة بعد.. لا تحاتي
جراح: طلبي تمني شلي تبينه يوصلج برمشة عين
تهاني: مابي شي يا قلبي. كل اللي أبيه انك تحبني وتخاف علي
جراح: والله أحبج أكثر من نفسي .. وأغار وأخاف عليج أكثر من روحي
تهاني: هههههههه
جراح: حبي مشتاقلج.. متى أشوفج؟
تهاني: على راحتك متى تبي؟
جراح: الحين
تهاني: لالا عاد ماقدر الحين تدري الساعة جم؟؟
جراح: أدري بس مشتااااااااااق.. عيل خل نتزوج.. ماقدر أبتعد عنج
تهاني (تتغشمر): لالالالاعاد الا هذا.. باجر تبهذلني مثل سعود
جراح: سعوووود؟ أي سعوود؟
تهاني: هاا؟ انا ما قلت سعود
جراح(يصارخ من قمة راسه): تهنوووووو انتي قلتي سعود.. أي سعوووووووود؟ تعرفين أحد غيري؟؟
تهاني(خايفة ترجف): جراح لا يروح فكرك بعيد.. والله ما عرف غيرك
جراح: لا تطلعيني من طوروووووووي.. قوليلي منو هالحم... اللي تعرفينه؟ والله باللي خلقني أييج الحين البيت تحجي
تهاني(تبجي): جراح والله بقولك كل شي.. لا تعصب
وقالت حق جراح ان عالية اللي اهي مرت سعود بنت خالها.. وقالتله السالفة مالت عالية كلها
جراح (انصدم): يعني انتي تهاني.. بنت عمة عالية؟؟
تهاني: أي
جراح: وليش ما قلتيلي من البداية؟؟
تهاني: عالية حلفتني.. وخافت أقولك تقول حق سعود
جراح: وانا شنو؟ مو ريال جدامج؟؟ أمشي واتحجى مثل الحريم؟؟
تهاني: مادري خفت.. وما توقعت اني بتم معاك
جراح: تهاني أخليج الحين
تهاني: شفيك حبيبي؟
جراح: قلت أخليج الحين باي
تهاني : أحبك باي


يلا حبي رايكم ولا تقولون قصير

مشكووووره


ليش ماتحطين part 11 &12 مع بعض ؟؟

كمليييييييييييهاااااااااااااا



:frown:

:frown:

يلا كملي .......

روعه ...... انتظررررر التكمله

بنووته متى تكملينهاا ؟؟؟

بنو وينك كملي روووووعةاحنا معاكي

:sad_smile:



:sad_smile:




:sad_smile:



متى

حنا ننطر يلا كليها


يلا عاااد


شوقتينا

بنووووووووووووووووووووووته وينج

من عيوووووووووووووووووووووووووووووووووووووووووني


البارت الحادي عشر
**********

بعد 5 شهور

تهاني (تبجي وتكلم جراح): حرام عليك جراح ذبحتني .. آنا أحبك
جراح(وعنده لويه وازعاج وأغاني): ولييييييييييييييه أقوول ماني فاضي الحين يلا طسي نامي
وسكر التليفون.. تهاني انهارت على فراشها تبجي لين نامت

قعدت الصبح على رنه التليفون
تهاني: ألوو
جراح (يبجي): أحبج والله أحبج لا تهديني
تهاني (قامت تبجي معاه): جراح الله يخليك ليش تعذبني ؟؟ ليش تلعب فيني؟؟ انا شسويت؟
جراح: سامحيني والله مادري شفيني.. انا حيو... انا غبي
تهاني: ليه متى حبي؟ ليه متى بتعذبني وتعذب نفسك؟
جراح ساكت وقلبه يتقطع
تهاني (تشاهق وفجأة صرخت): جراااااااح بس كافي كافي.. والله حرام اللي قاعد تسويه فيني.. راح أمووووووووت
جراح (اخترع): عمري شفيج؟ شصاير؟
تهاني: ليش تميت وراي لين حبيتك؟ ليش عيشتني بحلم انك بتصحى على نفسك بيوم من الأيام؟ ليش وعدتني انك تتعدل وأخلفت بوعدك لي؟
جراح: خلاص عمري والل..
تهاني (تقاطعه بصراخ): لالالالا تحلف بسك يننتي.. من متى وانت تحلف وتخلف؟؟ بس أكرهك أكرهك.. (وترقع التليفون بويهه.. وتبجي بصرااخ)
يرن تليفونها مرة ثانية.. حبيب قلبي يتصل بك..
"لأ لأ لا تدق.. هدني خلني ارتاح"
يرن تليفونها مرة ثانية وتحقره بعد..
طوط طوط وصلها مسج فتحته
(الله يخليج ردي علي.. أحبج.. لاتسوين بنفسج جذي..)
دق مرة ثانية ومافي جواب
قعد يدزمسجات
(عمري تكفين أبوس ايدج ردي علي.. مو متحمل أشوفج جذي)
(قلبي آناا آسف .. بس ردي أسمع صوتج .. أتطمن عليج)
(حبي لا تتركيني من غيرج أضيييييع)
(تهااااااااني ردددددييييي عليييييييي)
(ردي لالالا تقهريني..)
(راح أدق مرة وحدة بس .. واذا مارديتي.. ماراح تشوفين رقمي بتليفونج مرة ثانية.. وماراح تشوفيني بالدنيا..تدرين اني بايعها)
تهاني خافت من تهديده.. ودرت ان ممكن يسوي أي شي بنفسه "هذا مينون"
رن تليفونها.. حبيب قلبي يتصل بك
تهاني: ألووو
جراح: ليش ما تردين علي؟ تدرين اني قاعد أحاتيج..
تهاني: بس مابي أرد عليك.. مابيك
جراح(انصدم جان يصرخ): موووووووووو بكيفج.. ومولازم تبيني .. آنا أبيج
****************

بدر(بجدية): وليش ما قلتيلي من زماان؟؟ يعني كنت مغفل طول هالفترة؟
هاجر: ما بغيت أعور راسك.. السالفة ما تستاهل
بدر: منو يقول ما تستاهل.. حبيبتي كانت تحب غيري وتقولين ما تستاهل..
هاجر: انت قلتها.. (كانت).. يعني قبل لاأعرفك
بدر: ولو.. وانا أقووووووووول شفيها البنت كله سرحانه!! أثاري تفكر بالحبيب الأولي..
هاجر: بدر ما أسمحلك
بدر(بنرفزة): تسمحين والا تطقين راسج بالطوفة.. انا كيفي أقول اللي أقوله
هاجر: حبيبي ليش تكلمني بهالنبرة؟
بدر(يصارخ): لا تقولين حبيبي.. حبيبج عزوز النذل.. كفوج
هاجر (جنه واحد طاقها طرااق): بدرررر عيب.. شهالحجي؟؟..آنا لو أحبه ليش كلمتك واستمريت معاك..
بدر: أقووول أقول مالي خلق تفلسفج يلا ذلفي.. وسكر التليفون بويها
هاجر قامت تطالع التليفون ودموعها تنزل.. " ليش يا بدر تهيني؟ شفيه بدر صاير عصبي حيل..وما قام يتحملني؟؟"
هاجر حست بقهر وقامت تقول بقلبها "ماقدر ماقدر اذا ما أبرد جبدي راح أموت"
دزت حق بدر مسج (على الأقل عزوز النذل على قولتك ما يمر أسبوع ما يشوفني فيه مرتين 3.. مو انت كل ما أقولك بشوفك تتنحش.. آنا أول مرة أشوف بنت تطلب من حبيبها يشوفها.. وانت كلش مو متلهف علي)
على طوول بدر دق عليها
هاجر (مسحت دموعها وردت عليه بعصبية): نعم
بدر (يصاااارخ من قمة راسه): يا حي.. يا نذله كفوج الجلب.. وتبيني أشوفج؟؟ من زينج؟؟ يا أم الرياييل.. كل يوم لج واحد.. الله ياخذج .. الله يلعنج.. تدرين ليش مابي أشوفج؟؟ لأني ماقدر يالخايسة.. آنا مسجووووون .. تعرفين يعني شنو مسجوون.. يعني بالمركزي.. وحمدي ربج اني بالسجن جان رحت فيج اعدام.. تفووووو عليج وعلى أهلج
ورقع التليفون بويها من غير لا تتكلم ولا كلمة.. وهاجر أصلا انربط لسانها من الصدمة
***************

مريم وأحمد قاعدين يتمشون بالسيارة طريج بنيدر
أحمد نزل سيارته عالتراب وسفط
كان فيه على الشاطئ دوارف
أحمد: نزلي عمري خل نتمشى شوي
مريم: ان شاء الله
نزلو يتمشو وركبت مريم الدوارف وقام أحمد يدزها شوي شوي
مريم كانت وااايد مستانسة ونست أو تناست مشكلة أحمد
كان أحمد طيب حيييل وحبوب ويخاف على مشاعرها
وتمو يسولفون تقريبا ساعة كاملة ..
الجو كان ربيع يعني روعة.. والهوا كان يطير خصلات شعر مريم .. وشكلها كان حده واااااو..
أحمد كان يطالعها مبتسم وفجأة قالها : حبي تعالي نركب السيارة تعبت
ليما ركبو السيارة أحمد مسك ايد مريم وقرب منها شوي شوي وقرب ويها من ويهها وشفايفه من شفايفها وغمض عينه يبوسها
مريم كانت ترجف.. أول مرة يسويها.. وخرت عنه بسرعة
مريم: لأ لأ .. الله يخليك
أحمد: شنو الي لأ؟
مريم: لأ أحمد مابي مابي أخاف..
أحمد: من شنو تخافين؟؟ كلها بوسة .. انا ما راح ... معاج... وبعدين كل حبيبين يبوسون بعض
مريم(تبجي): حبيبي ودني لسيارتي
أحمد: مريم شفيج؟ مو واثقة فيني؟
مريم: الله يخليك ودني.. آنا خايفة
أحمد: أوكي أوكي مسحي دموعج مابي أشوفها..
عدل قعدته وشغل السيارة وحرك من مكانه
طول الطريج كانو ساكتين لين وصلها عند سيارتها
مريم كانت بتنزل..
مسكها وقرب ايدها عند شفايفه باسها : أحبج لاتزعلين
مريم ما قدرت ترفع عينها بعينه.. كانت حاسه بذنب كبير وخايفة بنفس الوقت
ركبت سيارتها وحركت على طوول
بعد دقيقتين اتصل عليها أحمد
مريم (برجفة): أ--ل—و
أحمد: أحبج.. ممممووووااااه
مريم(شفيه هذا قام يتمادى؟): حبيبي الله يخليك انا مو جذي
أحمد: انتي مو شنو؟؟ انتي مو حبيبتي؟؟
مريم: امبلا بس..
أحمد: لا بس ولا هم يحزنون.. عمري انا أحبج أمووت عليج.. ليش مو واثقة فيني
مريم: انا واثقة فيك بس..
أحمد: بس شنو ذبحتيني.. مريم انا حبيبج.. وماسويت شي خطأ.. كل اللي أبيه بوسه
مريم: والبوسه تجر أشياء ثانية .. نتحسف عليها احنا الأثنين..
أحمد: انتي شقاعدة تخربطين؟؟ انا ما أتحسف على أي شي سويته معاج
مريم: أكيد لأنك ريال.. وانا البنت انا اللي آكلها
أحمد: شتاكلينها؟؟ كل هذا عشان بوسة يبا ما نبي هونا.. يلا أخليج الحين باي
مريم: باي
***************

حبي انا قتلكم من البداية ان الرواية جريئة..
يلا حبي آرائكم وتفاعلكم

كملييييييييييييييهاااااااااااااااااااااااا

بنوته كمليهاااااااااااا

تسلمي بنووووته رووعه البارات ننتظرر التكمله حووبي