كافي صدماات بحياتي ... قصه كويتيه واقعيه لأميره البجع

حيااتي

الحين راح انزل

سوري ع التأخير

راح انزل باليوم 4 بارتات


البارت الثاني عشر

مرت سنة
هاجر تمسكت في بدر أكثر لأنها حبته بس كان وااايد يعصب عليها بحكم ان نفسيته تعبانه وهاجر مسكينه تطوفله.. ومريم عايشة أحلى حياة مع أحمد تحبه ويمووت عليها..(نسيت أقولكم بنات ان أحمد كان عاطل عن العمل..بس ليما تعرف على مريم وحبها.. قدم على الجيش دورة 6 شهور وقبلووه وكيل عريف) وتهاني يووم زينه وعشرة الله لايراويكم

هاجر: حبي والله مشتاقتلك
بدر(بحزم): قتلج لأ؟
هاجر: ليش حبيبي؟ ليش تحرمني من شوفتك؟
بدر: انتي من صجج؟ تبيني أرضى تييني المركزي؟؟
هاجر: عادي بس مرة وحدة أشوفك
بدر: شنو اللي عادي؟ شكو تيين السجن؟ انا ريال ماني خيخة أخلي حبيبتي تييني السجن
هاجر: محشوم بس ليه متى يعني ماراح أشوفك..؟؟
بدر: هاجر الحين صبرتي كل هالفترة عيزانة تصبرين بعد 6 أشهر؟؟
هاجر: تعبت والله تعبت.. انزين مرة وحدة وبعدين أنطر لين تطلع
بدر: لأ لأ لأ لا تأذيني.. لا تضايقيني أكثر
هاجر: أمري لله.. أصبر
فترة هدوووء
هاجر: هههههههههههه
بدر: الحمدلله والشكر شفيج؟
هاجر: هذا بدال لا تقول عسى دوم هالضحكة؟
بدر: عسىىى تدوووووووووم ضحكة حبيبتي.. بس ليش تضحكين الضحك من غير سبب قلة أدب..
هاجر: وااااااااااااااي ماكو فايدة لازم يكسر مياديفي.. ما يقول جملة حلوة من غير ما يخربها..
بد: امووواه فديت المبوزه
هاجر: ههههههههه شدراك؟
بدر: كاهو بوزج طالعلي بالفون
وفجأة سمعت هاجر صوت طراااخ وهدوووووووء
هاجر: ألوو ألووو بدر بدررر.. الله يستر
وتمت تناديه فترة بسيطة
بدر: (بصوت واطي) ألوو
هاجر: شفيك ؟ شصار؟ خرعتني
بدر (يهمس): ههههههههههه ولااااااااك طب علينا الشرطي..
هاجر: ههههههههه احلف.. شاف التليفون؟؟
بدر: لأ انتي غبية؟ لو شايفه جان آنا وياه في خبر كااااان..
هاجر: انا بعرف دامه ممنوع.. شلون كلكم عندكم موبايلات؟؟
بدر: يبا كل شي تزريـــــــق
هاجر: شلووون؟
بدر: يبا سر المهنه.. سكت شوي جان يقول.. فديـــــــــــــتها
هاجر: يه يه يه من متى؟؟
بدر: أيا بقرة..
هاجر: ههههههههههههههههههههههههههه
بدر: والله مينونة .. فوق الضيم اللي انا فيه أحبلي مينونة.. بس فديت الضيم دامه منج يالمينونة
هاجر: حبيبي والله.. اممممممممم انزين بدر ممكن سؤال؟
بدر: آمريني عيون بدر
هاجر: تسلم عيونك.. بدر ليش ما تبي تقولي ليش انت بالمركزي؟
بدر (تنهد): أخااف
هاجر: من شنو؟ انت مدمن مخدرات..
بدر: لأ
هاجر: عيل ليش ما تقولي.. ذابح أحد؟
بدر: بالله لو ذابح أحد بس آخذ سنتين وأطلع؟؟
هاجر: مادري عيل ليش؟
بدر: بس اوعديني ما تخافين مني؟
هاجر: ليش اهو شي يخوف؟؟
بدر: مادري أخاف تقولين هذا مجرم
هاجر: لا ما قول حبيبي وأعرفه مايقدر يذبح نملة
بدر:ههههههه.. أحبج
هاجر: وانا أكثر.. يلا قول
بدر: انا آآآآآآآآآنااااا آنا محكوم بقضية اغتصاب
هاجر(قلبها بغى يوقف .. وبلحظة انهدم كل شي.. وصج خافت منه): شنووووووووووووووووووو؟ اغتصاااااب؟؟
بدر: ههههههههههه شفيج لا يطيح نصج.. لا تصدقين .. يبا هوووشة شباب وعورت واحد سويت فيه عاهة .. وما تنازل.. وكليتها سنتين
هاجر: بدر قول الصج.. اغتصاب والا هوشة
بدر: يبا والله هوشة وراسج هوشة
هاجر (ارتاحت): يمه منك خرعتني
بدر(بخبث):هههههههه يمكن لو كنت أعرفج من قبل جان دشيت بقضية اغتصاب
هاجر: يوووو بدر عيب.. انت ما تستحي؟؟
بدر: وانا شقلت؟
هاجر: ما قلت شي يلا باي
بدر(يبتسم): باي يالمينونة
************

مريم: يما حبيبي
أحمد: حبي فديتج
مريم: وين بتروح اليوم؟
أحمد: والله ماكو بطلع مع واحد من الربع عندنا شغل... وبعدين بمر الديوانية
مريم: أوكي حبي بس دير بالك على نفسك.. انزين عمري انا بروح سينما الفنار أوكي
أحمد: مع منو؟؟
مريم: آنا وعهود
أحمد: أوكي بس لا تتأخرين
مريم: أوكي حبي باي
أحمد: باي
********

تهاني صارلها يومين تدق على جراح وما يرد عليها
" يا ربي ليه متى آنا جذي؟؟ خلاص ربي ارحمني وابعده عني؟؟"
بعد ساعة دق عليها
تهاني( بلهفة جنها نست دعوتها بالابتعاد عنه): ألوو عمري
جراح: هلا
تهاني: وينك؟
جراح: موجود
تهاني: شفيك قليبي؟
جراح: تهاني انتي تحبيني؟
تهاني: وأموت فيك بعد
جراح: ليش تحبيني؟
تهاني(مستغربة شهالأسئلة؟): شنو ليش؟ أحبك لأني أحبك
جراح: تهاني آنا أذيتج واايد .. صح
تهاني ساكته
جراح: حبي لا تسكتين.. أدري اني أذيتج واايد ويه الوقت اللي ترتاحين فيه..
تهاني(مسكينه تحبه وعايشة على أمل): يعني شنو؟ هالمرة صج بتهد هالسم؟
جراح: ماقدر هالشي يمشي بدمي.. بس صدقيني كل اللي بسويه غصبا علي.. لا تظنين اني برتاح.. تهاني انا أحبج.. بس
تهاني: بس شنو؟
جراح: بس مابي أستمر معاج
تهاني (نزلت عليها الكلمة مثل الصاعقة.. تتكلم وترجف): ليش؟
جراح: حبيبتي انتي..
تهاني(تقاطعه): لا تقول حبيبتي.. تهدني وتقولي حبيبتي؟؟
جراح: تهاني انتي وااايد زينه وتستاهلين كل خير.. وانا ما أستاهلج
تهاني(تبجي بحرقة): ليش تقول جذي؟ انا شنو سوووووووووووويت؟ شنو ذنبي؟
جراح: ما سويتي شي.. بس قتلج ما أستاهلج
تهاني: وتوك تكتشف انك ما تستاهلني؟؟ ليش خليتني أحبك؟ والله ما قصرت وياك.. أخلصلك بحضورك وغيابك
جراح: أدري بس انا ما أخلصت لج
تهاني (مصدومة والدموع تعلقت بعيونها): يعني شنو؟
جراح: يعني اليومين اللي طافو انا كنت مع وحدة..
تهاني: جراح انا أدري انك تسهر وتشرب بس انت وعدتني ما تجيس وحدة
جراح (بضيقة ونرفزة): وكاني أخلفت الوعد .. لا جست وحدة... ن... معاها... ولميتها.. وبستها..و... و....
تهاني (بصراااخ): بسسسس بسسسسسسسس مابي أسمع منك ولا شي.. آنا أكرهك أكرهك
وسدت التليفون تبجي حبها اللي ضاع.. تبجي قلبها اللي انكسر.. تبجي جرااااح
**********************

مريم وعهود راحو الفنار ومالقو الفيلم اللي يبونه
عهود: مريوووم شرايج نروح شرق
مريم: لا عهدوو انا ماقلت حق أحمد
عهود: شدعوه دقي عليه قوليله ما لقينا الفيلم اللي نبيه هني وبنروح شرق
مريم: أوكي.. (وطلعت تليفونها لقته مسكر مافيه شحن) وييييي مافي شحن شسوي؟
عهود: دقي من تليفوني
مريم: تدرين انه ما يرضى أدق عليه من تليفون أي بنت
عهود: وييييي عشتو يخاف على نفسه.. عيل امشي خنروح.. واذا رديتي قوليله وما اعتقد بيقول شي
مريم: أوكي يلا لا نتأخر

مريم وعهود وصلو سوق شرق وصعدو فوق يبون يروحون السينما
فجأة عهود مسكت ويه مريم ولفته
عهود: مريوووووووم شوفي منو هناك.. شوفي

شرايكم حبي

البارت الثالث عشر
**********

مريم افترت مبتسمة.. ماتدري ليش حست انها بتشوف حبيبها..
بس اللي شافته صدمها..
شافت أحمد.. يتمشى ايده بايد وحدة.. ويضحك معاها.. ويلمس خدها جدام الكل..
لا شعوريا مشت بسرعة وراحت لهم.. كان معطيها ظهره.. طقت على جتفه شوي شوي.. التفت وهو يضحك.. بس ضحكته اختفت بسرعة..
مريم(ترجف): السلام عليكم.. أحمد شلونك؟؟ ماعرفتنا(وتأشر بعينها على اللي يمه)
أحمد(انتبه ان ايده بيد البنت): مرييييييم
البنت(بدلع): حبيبي منو هاذي؟
أحمد ساكت
مريم: شفيك ساكت؟ قولها منو آنا؟
أحمد: مريم.. انتي شتسوين هني؟؟
مريم: والله عينك قوية.. وتعاتبني بعد؟؟
عطته ظهرها ومشت بخطوات سريعة اللي يشوفها يقول جنها تركض.. ودموعها بس تصب..
أحمد ركض ورا مريم.. وخلا البنت واحترت مو لأنها تحبه.. بس لأنها تفشلت جدام الناس..
أحمد: مريم أوقفي بكلمج..
مريم قامت تركض لين اطلعت من المجمع ووصلت المواقف.. جان يمسكها من جتفها حيل ويفرها تطالعه..
بس افترت عليه.. والا طراااااااااااااااااااااااااااااااااااااخ (طولت الكلمة عشان تحسون بالطراق) ياها طرااق من قلب
مريم حطت ايدها على خدها.. وتطالعه بنظرات حاقدة
أحمد(مسك ملابسها وزرها حيل لي ويها.. قام يصارخ): آنا ليما أناديج توقفين لي.. مو ريال جدامج تخليني أركض جدام الناس؟؟ شيايبج هني؟؟
مريم ولا كلمة بس تبجي
عهود (تحاول تفك مريم من قبضة أحمد): أحمد حرام عليك هدها.. أحمد فشلت البنت جدام الناس هدها
أحمد (التفت عليها وعيونه حمر من الأعصاب): انتي مالج شغل.. وخري.. (ورد مرة ثانية.. يهز مريم من ملابسها).. انا قاعد أكلم هالقح....(سووووووووري بناات) شيايبج هني؟؟؟
عهود: أحمد عييب شهالكلام؟ مالقينا الفيلم بالفنار وقتلها نيي هني..
أحمد: لا لا لا ترقعين لها.. (ودز مريم) ذلفي مابي أشوف ويهج الخايس
مريم ركبت السيارة مع عهود بسرعة.. وحركت
طووول الطريج مريم تبجي بصراااخ بس من غير لا تقول ولا حرف
عهود قامت تبجي على بجي رفيجتها.. كسرت خاطرها حييل..

عند أحمد.. استوعب كل اللي صار توه وما يدري هل اهو فعلا معصب على مريم لأنها ماقالتله وين بتروح والا بس عشان يرقع سالفته.. (انتو شرايكم بنات؟)
**********

مر اسبوعين على تهاني واهي بعيدة عن جرااح ميته تبي تكلمه.. بس كرامتها ما تسمحلها
"شلون أدق عليه.. شلون أردله .. بس يمكن الله يبي يريحني منه.. لا لا تعبت والله تعبت يا ربي رجعه لي..أحبه.. مو بيدي شسوي؟؟"
وهي تفكر قطع حبل أفكارها صوت مسج
افتحته
(مشتاقلج سامحيني)
تهاني (قامت تبجي.. ودقت عليه): أحبك والله أحبك جراح ليش تسوي فيني جذي؟
جراح(تنهد.. وقلبه متحطم): عمري والله حتى انا أحبج .. بس مادري شفيني.. من أشوف هالسم انسى نفسي.. سامحيني عذبتج معاي
تهاني: جراح حبيبي اذا على الشرب انا مسامحتك.. هذا بلا وان شاء الله تفتك منه.. بس عمري اللي ما أتحمله انك تجيس وحدة
جراح(انقمت قلبه): الله يخليج سامحيني.. عمري انا ريال ولي احتياجات
تهاني: ولو عمري كل الرياييل لهم احتياجات يعني يسوون مثلك..
جراح: قوليلي تهاني انا ليش ما أرضى أشوفج واايد؟؟ وليش أكثر شي أشوفج من بعيد؟
تهاني: والله مادري.. مع اني أتمنى أقعد معاك
جراح: لأني أحبج..
تهاني: شلون يعني؟
جراح: بقولج شغلة.. آنا صج عندي خرابيط.. بس والله واللي خلقني اني أحبج.. واللي يحب وحدة ما يجيس منها شبر.. عبالج انا ما أموووت بلحظة شوفتج مليوون مرة.. ودي ألمج ودي أبوسج.. ودي أسوي كل اللي يسوونه الأزواج مع زوجاتهم
تهاني(تقاطعه واهي حدها مستحية): بس جراح.. خلاص
جراح: خليني أكمل.. ودي بكل هذا بس آنا أحبج.. وأدري انتي نظيفة ومابي أوصخج بيدي.. تهاني آنا أبيج حلالي.. بس مابي أأذيج معاي.. تذكرين مرة كنا نتكلم على غشمرة عن الزواج وقلتيلي تخافين أبهذلج مثل سعود ما يسوي بعالية؟؟ ترى انا ما نسيت هالكلام.. صج سعود ولد خالتي بس أدري شمسوي في المرة مسكينه الله يعينها.. وانا مابيج تعيشين مثل عيشتها
تهاني تسمع كلامه واهي تبجي.. ما توقعت جراح يحبها ليه هالدرجة..
تهاني: جراح أحبك
جراح: تهاني سمعيني.. آنا أحبج وأمووت فيج بس ببتعد عنج شوي
تهاني(ضاق خلقها): ليش؟
جراح: بس ببتعد 6 شهور..
تهاني(قامت تبجي بحرقة): عمري انا اسبوعين بغيت أمووت شلون 6 شهور؟؟
جراح: لا تبجين حبيبتي .. ترى تحرقيني.. وصدقيني هالمرة وعد رجال.. ماراح أفكر ولا أجيس ولا وحدة بهالشهور.. عمري انتي لي وانا لج.. بس محتاج هالست شهور
تهاني: لييييييش؟ قولي ليييييييش؟
جراح: راح تعرفين بعدين.. حبي خلاص قومي مسحي دموعج.. وفكري بالمستقبل.. ان شاء الله بيكوون أحسن من الحين
تهاني: مابي جراح الله يخليك لا تهدني
جراح(محترق ): حبي والله ماني هادج بس هالست شهور.. وبعدين العمر كله لج.. أحبج.. لا تنسيني.. مع السلامة.. وسكره ماقدر يتحمل أكثر.. صوت بجيها يحرقه.. ويحس بدمعات عيونها سجاجيين تقطع قلبه.
تهاني طاحت عالسرير تبجي "جراح أحبك ..أحبك لا تهدني" (مو مستوعبة كلمة 6 شهور وأردلج.. اللي فاهمته انه ما يبيها) لين نامت
*******************

بدر(بصراخ): وين كنتي؟ صارلي سنة أدق عليج؟؟
هاجر: كنت تحت .. وناسية تليفوني بالغرفة..
بدر(زاد صراخه): جذااااااااابة
هاجر(قامت تنافخ): بدر بس والله ذبحتني.. ليه متى تشك فيني؟
بدر: لا تقولين بس ويبس.. انا ما أشك فيج.. كنت اسألج.. الا اذا انتي شاكه بعمرج..
هاجر: لا مو شاكة بنفسي.. الحمدلله واثقة من نفسي
بدر: أي مبين.. انتي خوووش بنت..ما عندج سوالف.. ولا تعرفين عزوووز
هاجر(عصبت): بسك بس.. كل كلمة والثانية عزووز وعزووز.. مللتني زهقتني.. الشرهة علي اللي فتحتلك قلبي.. الظاهر نسيت يوم كنت تقولي (عمري ليش ما تثقين فيني وتفتحين لي قلبج)
بدر: وانا شدراني ان اللي بقلبج النذل؟
هاجر: وااااااااااااااي بدر خلالالاص.. يننتني.. من قالك بقلبي.. بس كنت متضايقه وشكيتلك..
بدر: يعني بتقنعيني انج ما تشوفينه ولا تكلمينه؟؟ انا بالسجن بالله شدراني عنج؟؟ كل شي تسوين من وراي.
هاجر (وهي لايعة جبدها): أففففف .. والحين شالمطلوب؟ شلي يخليك تثق فيني؟؟
بدر: تليفونج يتحول علي؟
هاجر: نعم.. واذا أهلي دقوو وانت شلته بالله شقولهم؟
بدر: عطيني أرقام أهلج وانا ما أرد عليهم.. وادزلج مسج أقولج دقي عليهم..
هاجر: واذا فرضا دقو من مكان أو رقم ثاني شللووون؟؟
بدر: هجووور قولي مابي وخلاص.. لا تتعذرينلي بفلان وعلان.. قولي تبين تلعبين على راحتج
هاجر (بعصبية): أي مابي ... وأبي ألعب على كيفي..
بدر(بصراخ): انزين آناا أراويج.. وسكر الفون بويهها
هاجر خلته يولي لأن مو شي يديد عليها كل مرة يتناجرون على نفس السالفة ويرجع يدق عليها كأن مو صاير شي..
******************

راااايكم يالغاليات

البارت الرابع عشر

مريم بغرفتها بعد أسبوع تبجي.. وتتذكر اللي صارلها مع احمد (ومن وقت اللي صارت السالفة واهي مادقت عليه وهو نفس الشي ما بين لا اتصال ولا مسج)
"من متى وهو يخوني؟؟ من متى وهو يجذب علي؟؟
طول الفترة اللي طافت كان وياي وما يهدني.. متى مداه يسوي جذي؟؟ ليش انا بشنو قصرت معاه؟؟"
وقامت تبجي وتتذكر حنانه وطيبته وترجع تتذكر الطراق اللي عطاها اياه والسبة اللي سبها.. وتبجي زيادة
قطع تفكيرها رنة تليفونها.. طلت فيه شافت رقم غريب ماردت (مالها خلق)
رد يدق مرة ثانية شالته
مريم: ألو
---: ألو السلام عليكم
مريم: هلا أخوي وعليكم السلام آمر
---:ما يامر عليج عدو.. معاي مريم عدل؟؟
مريم (مستغربه): منو حضرتك
---: آنا علي ولد خالة أحمد
مريم(فز قلبها ليما سمعت اسم أحمد وبس ما حبت تبين له): خير في شي
علي: بقولج شغله.. ترى البنت اللي كانت تمشي مع أحمد زوجتي وانا كنت موخر عنهم أشتري شغلة وانتي شفتيهم وفهمتي خطأ
مريم( اي صح صدقتك): شوف أخ علي ترى ما يهمني منو تكون.. وخلاص اللي بيني وبين أحمد انتهى
علي: حرام عليج ترى انتي ظلمتي أحمد
مريم: أخ علي تقول هاذي مرتك صح؟
علي (باصرار): أكيـــــــد
مريم(باستهزاء): والله عندك غيرة.. زوجتك كانت تضحك مع واحد غريب وايدها بايده ويلمسها وتقوله حبيبي
علي(يعني معصب): لو سمحتي ما أسمحلج
مريم(بنرفزة): والله ما طلبت تسمحلي.. وقول حق اللي مطرشك ماني غبية ومغفلة ليهالدرجة.. ورجاء لا تدق مرة ثانية
وسكرت التلفون من غير ما تقول باي.. وقامت تبجي " معقولة ليهالدرجة مستغفلني أحمد؟؟"

شوي رن تليفونها مرة ثانية
ما انتبهت على الرقم سيده شالته
مريم: وبعديييييييييييييييين؟؟
أحمد: أحبج
مريم (استوعبت الصوت بس منقهرة): حبتك القرادة.. لالالالالالا تدق
وسكرت تليفونها مرة وحدة
ليما رجعت افتحت تليفونها بعد ساعتين لقت مليون مس كوول ومسجات وااايد.. كلهم فيهم كلمه وحدة
(أحبج)
مريم تضحك بحسرة " حتى ما كلف نفسه يقول سامحيني"
وهي سرحانه دق تليفونها.. شافته أحمد.. شالته
مريم(بأعصاب): نعممم
أحمد (بصوته الحنون): أحبج
مريم(تضحك باستهزاء): والله مصخرة
أحمد: أفاااا ليش؟؟
مريم: الحين شتبي؟
أحمد: أبيج
مريم: وانا مابيك.. شلون الحين؟
أحمد: حبيبتي ليش هالقسوة؟
مريم (بكل هدووء): أول شي لا تقول حبيبتي هالكلمة تأرفني.. ثانيا منو فينا القاسي.. الظاهر نسيت الطراق والسب اللي عطيتني اياه.. ومنو الظالم.. الظاهر نسيت اني صاينتك وخنتني..
أحمد: سامحيني
مريم(بعصبية): ها ها ها ها ها ضحكتني.. أخيرا تنازلت وقلت سامحيني؟؟ والله تعبت عمرك
أحمد (تنرفز): آنا بعرف ليش انتي معصبة؟؟ يبا هاذي البنت انا آخذ منها اللي انتي ما تعطيني اياه.. ما حبها والله بس مصلحة
مريم: وشنو مصلحتك منها وشنو تاخذ منها؟؟ فلوس؟؟ انت محتاج؟؟
أحمد(بصراخ): اي آنا محتاج.. محتاج بس مو فلوس.. آنا محتااج (فرااااش).. انتي حتى بوسة ما تعطيني.. قوليلي شنو أسوي؟؟
مريم انربط لسانها "يعني مو بس تليفونات وجايسها بعد!!"
أحمد: مريم شسوي قوليلي؟ زواج وما أقدر أتزوجج.. أحبج ومابي أتزوج غيرج.. وانتي ما تعطيني اللي أبيه.. شسوووووووي؟؟
مريم(بصراااخ): أيا الحقير أيا النذل.. مابي أشوف رقمك بتليفوني ولا أبي أسمع صوتك.. ولا أشوف ويهك.. اذا كان في ذرة حب بقلبي .. الحين راااااااح كل شي راااااح
وسكرت جهازها.. وقعدت تطالع جدام من غير أي هدف.. مصدومة.. ودموعها متعلقة بعيونها..
****************

طبعا لا تسألوون عن تهاني
مسكينة حالتها حالة.. وكله تدق على جراح مسكر جهازه
دقت على عالية
عالية: ألووو
تهاني(بصوت تعبان): ألوو عالية شلونج؟
عالية: هلا حبيبتي الحمدلله انا بخير.. انتي شلونج؟؟
تهاني: الحمدلله على كل حال.. شرايج؟ يعني شلوني؟ من بعد جراح مالي لوون؟
عالية (منكسر خاطرها عليها): حبيبتي لا تسوين بنفسج جذي.. ترى مافي احد يستاهل.. واللي باعج بيعيه
تهاني: لا تقولين جذي علوي.. أصلا جراح ما باعني وقالي بيرجعلي
عالية: شدعوه وينه الحين عيل؟؟
تهاني: مادري.. مادري.. (سكتت فترة) علوي ما تدرين عنه شي؟؟ سعود ما يقولج عنه شي؟؟
عالية: لا حبيبتي.. مادري عنه.. وبالله شلون بسأل عنه سعود؟؟ شقوله؟؟ بس تصدقين حتى سعود ما قام اييب طاريه كللللللش.. غريبة مع انهم قبل حييييل مع بعض
تهاني: الله يخليج اي شي تعرفينه عن جراح بلغيني
عالية: ان شاء الله حبي بس لا تسوين بنفسج جذي.. يلا قومي تعوذي من ابليس وصليلج ركعتين ونامي ارتاحي
تهاني(تبجي): من وين تيي الراحة وجراح بعييييد؟؟ بس حابه أقعد بروحي شوي.. مع السلامة
********************

بعد 4 شهور يوم طلعة بدر..
هاجر: الحمدلله على سلامتك حبيبي.. تو ما نورت الديرة
بدر: ههههههه الله يسلمج.. شدعوه شنو كنت مسافر
هاجر: اي مسافر.. مسافر صارلك سنتين .. والحمدلله رجعت بالسلامة
بدر: ههههههه الله يسلمج.. انزين حبي انا الحين بشوف الأهل والربع كلهم ناطريني.. اكلمج بالليل
هاجر: لاتطول علي أحبك باي

ليما صار الليل وفضا بدر اتصل على هاجر
هاجر: ألووووووو
بدر: ههههههههههههه شوي شوي بطيتي اذني
هاجر: شسوي عمري مستانسة حديييييي .. (وترجع تصرخ مرة ثانية)
بدر: هههههههههههه الله لا يحرمني منج... أحبج... هجووووووور يلا عاد متى متى أشوفج؟؟
هاجر: الحيييييييييييين
بدر: يلالالالالالالا فوقه
هاجر: هههههههههه الحمدلله والشكر استخفينا.. لا عمري الساعة 11 ونص شالسالفة؟؟ تبي يقصون رقبتي؟؟
بدر: هههههههه اسم الله عليج.. عيل شوفي باجر مافي كلية من الصبح وياااااااااااااي
هاجر: اليوووم كله ومحاضراتي؟؟
بدر: يعني اللي يسمع كلش دكتوراه.. أقوووووووووووول باجر من الصبح انتي وياي.. أوكي؟؟
هاجر: أوووووووووووووووكي
بدر: هههههههههههه يلا حبي تصبحين على خير..باي
هاجر: وانت من اهله.. أحبك .. بااااااااااااااااي هههههههههههههه
وسكرت التليفون وهي تفكر في باجر.. " باجر بشووف حبيبي.. وااااي مو قادرة انااااام.. شلون شكله؟؟ واااي خايفة.. يلا خل أنام عشان ايي باجر بسرعة"
**************

يلا حبي تفاعلكم
__________________

البارت الخامس عشر
***********

ثاني يووم هاجر قامت من الصبح لبست نفنوف قصير فوق الركبة لونه جويتي بسيلفر
ومسوية شعرها ستريت وبف خفيف وهادة شعرها ليه نص ظهرها
وراسمه عينها بالكحل بس.. وبلشر وردي خفيف.. وجلووس وردي
وبريلها كعب سيلفر (تكرموون).. شكلها كان وااااااااو

أول ماركبت سيارتها دقت على بدر
بدر: ألوووو هلالا حبيي
هاجر: هلا حبي صباح الخير.. شلونك؟
بدر:الحمدلله .. دام اني بشوفج أحسن من أي وقت ثااني.. يلا عمري وينج؟
هاجر: توني طالعة من البيت.. وين أشوفك؟
بدر: تعالي جمعية السالمية.. ناطرج هناك
هاجر: أوكي حبي دقايق وأوصل.. انت شنو سيارتك؟؟
بدر: مو سيارتي سيارة أخوي.. فورد موستينج أحمر
هاجر: خلاص الحين أوصل

بعد دقايق وصلت هاجر المكان.. وسفطت يم الموستينج .. بس ما تجرأت تلتفت على السايق..
كان قلبها يطق حييل "أمبيـــــــــــه يعني راح شوف حبيبي الحين؟؟".. قطعت أفكارها طقة خفيفة على الجام.. (طبعا بدر كان يعرف سيارتها لأنها مسولفتله عنها).. التفت شافت واحد خله دقات قلبها تتسارع أكثر.. واحد حنطاوي ومجسم بس على خفيف وشعره كثيف وعيونه وسااع.. انبهرت فيه .. تقول " هذا حبيبي؟ ما شاء الله يا بختي"
بدر (مبتسم وبصوت مسموع): فتحي الجام والا تبيني أصارخ عشان تسمعين؟
هاجر (حدها مستحية) نزلت الجام: السلام عليكم
بدر: ما شاء الله لا اله الا الله.. هاذي حبيبتي؟؟ وعليكم السلام يباا؟ انتي اسمج هاجر والا قمر؟؟
هاجر (انحرجت زيادة ونزلت راسها): مشكور عيونك الحلوة
بدر(واهو منبهر): نزلي يبا نزلي ركبي معاي السيارة
هاجر(رفعت راسها عالخفيف): ليش؟
بدر: شنو ليش؟ ما تبين نسولف والا بوقف هني لين أسيييح من الحر؟
هاجر(ضحكت ضحكة خفيفة): لا اسم الله عليك.. دقيقة أطفي السيارة وانزل
بدر: أموووووووووت .. وانا منو يطفيني؟؟
هاجر ابتسمت وحدها مستانسة.. طفت السيارة ونزلت من سيارتها وركبت معاه
بدر التفت بجسمه عليها مو مصدق هاذي حبيبته اللي تمسكت فيه طول هالفترة من غير ما تشوفه.. بدر: والله قمر.. تصدقين أخاف أحسد روحي عليج
هاجر مستحية ومنزلة راسها بس تبين ابتسامتها.. وكانت حدها حلوة
بدر (شغل السيارة وحركها من المسافط): اللي يشوفج الحين ما يسمعج وانت تقرقين وما تسكتين..
هاجر: هههههههههههه
بدر: أمووووووووت.. عسى تدوم هالضحكة
وتمو يتمشون ويسولفون ساعة تقريبا .. والدنيا مو واسعتهم من الوناسة.. لين وصلو عند عمارة وسفط بدر وطفى السيارة

مريم وأحمد رجعوا حق بعض.. بعد فترة طويلة من الزعل والمساحل والترجي.. بس تمت مريم تشك في أحمد وقلبها مو متطمن
أحمد: والله حبيبتي .. أحبج ليش مو مصدقتني؟
مريم: من قال مو مصدقتك؟؟ انا بس أسأل.. شفيك شاك بعمرك؟
أحمد: عمري جم مرة تأسفتلج.. وبالأخير سامحتيني.. بس ليش كل شوي تعيدين وتزيدين في هالسالفة؟
مريم: لأني مو واثقة فيك.. وخايفة منك
أحمد: والله ما أخونج توووووبة.. وبعدين عندي لج مفاجأة
مريم: خير .. شنو اهيه؟؟ بس ترى اذا نفس مفاجأة شرق مابيها
أحمد: ولييييييييييييييييييين.. بسج عاااد
مريم: انزين قولي شنو المفاجأة؟
أحمد: قريتي جريدة اليووم؟
مريم: لأ.. شفيها؟
أحمد: اقريها ودقي علي
مريم: أقراها كلها؟؟ متى أخلص بالله
أحمد: لا تقرينها كلها اقري أول مانشيت بأول صفحة وبعدين اقري صفحة 6.. واذا خلصتي دقي علي.. أوكي حبي باي
مريم: أوكي باي.. سدته

نزلت مريم الصالة: يمااا يمااا
أم خالد: هلا يماا حبيبتي شفيج؟
مريم: يما وين جريدة اليوم؟؟
أم خالد: مادري.. جنها على طاولة الطعام ليش؟
مريم: ولا شي بس بقراها.. عن اذنج

راحت مريم وخذت الجريدة وصعدت على السلم بتروح غرفتها واهي تمشي قرت أول مانشيت
(تجنيس 2645 من البدون لمستحقين للجنسية الكويتية)
مريم قلبها قام يطق.. " شقصده أحمد بهالحركة؟؟ لا يكوووووووووون!!"
وركضت دشت غرفتها وسكرت الباب
قطت الجريدة على سريرها وقعدت عالأرض على ركبها .. تحت صفحة 6 ولقت أسماء وايد ناس
قامت تقرا اسم اسم
لين وصلت
الأب علي عبدالله ال..
الأبناء حسين علي عبدالله ال...
خالد علي عبدالله ال..
أحمد علي عبدالله ال...
ووقفت .. مصدومة ومتفاجئة.. " أحمد صار كويتي؟؟ أحمد صار كويتي؟؟"
بصوت عالي شوي: أي أي أحمد صار كويتي.. وااااي حبيبي صار كويتي
نزلت تركض تحت.. مستانسة ما تدري شيتسوي.. مو مصدقة
مريم (تصارخ): يماااااااااااااا يمااااااااااا
أم خالد: هلا يما كاني شفيج تصارخين؟
مريم: هههههههههه ما كو شي بس أحبج اشقتلج أموااااااااه
أم خالد: هههههههههه الحمدلله والشكر بنتي ينت.. ما جنه قبل شوي شايفتني
مريم(خذت الريموت وغيرت المحطة وحطت أغاني قامت ترقص)
أم خالد: هههههههههههههه شفيـــــــــــــج؟
مريم: مستااااااااااااااااانسة حدي
أم خالد: ان شاء الله دووم
مريم تذكرت ان أحمد قالها دقي علي.. ركضت فوووق
مريم: مع السلالالامة يمااااااا.. دايخة بناام شوي
أم خالد: ههههههههههههه والله ينت هالبنت.. روحي يما الله يكملج بعقلج
رن تليفون البيت
أم خالد: ألوووو
عهود: ألوو هلا خالتي.. شلونج؟
أم خالد: بخير يما عساج بخير
عهود: خالتي مريم عندج؟؟ أدق على نقالها ما تشيله
أم خالد: مريم!! ههههههههههه مينونة وقاعد .. صارخت ورقصت رقصت لين داخت وراحت قالت بتنام
عهود: ليش خالتي خير؟
أم خالد : والله مادري يما.. بس شكلها مستانسة وايد الله يتمم عليها هالوناسة
عهود (مستغربة شفيها مريووم؟): ان شاء الله
*************

يلا حبي ردودكم اللي عودتوني عليها

الله يعافيج حبي
تستاهلوون كل خير
بس حرام ترى بنوتة تتعب واهي تنزلها عطوها تفاااااااااعل

تعبكم رااااااااااحه

تسلم ايدينج بنوته فدييييييييييييييتج والله البارتات تهبل كل بارت احلى من الثاني ياقلبي انتي والله


مشكوووووووووووووووووووره وناطرين التكمله متى ماسمحت ظروفج

حياااتي انتي راح 4 بارتات الحين

فديت قلبج ياقلبي لاتعبين نفسج ياااااااااااااروحي انتي

اهات ياحياتي انتي لا ماكو تعب

بس حرام الباجي مايدرون فمايصير احط وايد ويتكودون

صاجه ياقلبي فديتج خل الكل يقراهم وعقب تكملين

واااااااااااااااااااااااو .. بنوته , قصهــ روعه وآلله فعلا من الواااقع ! من قريتها وقلبي عورني والله دموعي نزلت
سلمت يمنا من كتبها , ويعطيج العافيه بنوته حبيبتي على النقل الرائع
7
وبـ إنتظااار التكملهـــ

بانتظااااااااااااااااااااااااااااارتج قلبي

بانتظاااااااااااااااااااااااااااااااااااااااار




​

واااي والله اندماج كلي الصراحه
حوليييت من الصفحه الاولى لي الاخيره هههههه

فديييتج تسلمين رووووعه
وبانتظار التكمله ...

بنووووووووتة حبيبة قلبي يعطيج ألف عافية
يلا عاد لا تنطرين البنات وايد يا عسل

بليييز كميلها ناااااااطره على نار

مشكووووووورهـ يا قلبي

وبا انتظار التكمله

رووووووعة الفصه

يعطيج العافيه قلبي


وهابي بيرثداي