الصراحه لاتزعلين مني بس سالفة تدلعه انتي مالج شغل ام وولدها شاللي حارج مالها داعي السالفه مافيها شي عيب ولا يفشل هذي امه جنته وناره لو تطقه جدامج انتي ماااااالج شغل يعني انتي لمن يكبرون عيالج ترضين مرت ولدج تتدخل بينكم وتحرض عيالج عليج !! لا طبعا علاقته بامه تخصه ماتخصج انتي .. بس سالفة النفاس وتدرعم عليكم هذي معاج حق فيها وكل الحق بعد لانه عيب ومن الاصول والواجب عليها انها تقدرج وتعزج لانج مرت ولدها بس هالسوالف طنشيها ولمن تقط قطه او نغزه عادي طوفي او ردي رد يسكتها بس بطريقه مو مباشره الله يعيينج على تصرفاتها
راايي من رااي ام عبوودي وانا اخويه الكبير معرس وعنده ماشاء الله عيال ووظيفته كبيرة بس كلنا فالبيت نزقره بدلعه وهو تعود وحرمته تعودت تزقره شرااتناا ^^ مااتزعل بالعكس لانه نحبه ندلعه
هي قالت انهاا متعوده تناديه بالدلع لاتحطين ببالج يالغلاا وبالنسبه لسالفه انهم ماحطولج عشاا عاادي ياقلبي انا طلعت من نفاسي حتى استكانة جااي ماعطووني طنشي لانه انتي اللي بتتعبين
من حقها حبيبتي انتي لاتكلمين بعقلج تكلمين بحساس قلبج خاصه بعد ماصرتي ام واذا الام ما دلعت والدها من ايدلعه صح انتي زوجته بس هي امه وحنا صرنا امهات وعرفنا والله انا خالتي حتي الحظن يحظنها قدامي والله استانس اقول انشأالله اولدي ايسوي مثل ابوه واذا نزل من فوق لازم يحب رسها وصدقيني كل الاشياء اللي قلتيها ثانويه مو اساسيه بحياتنا بس مو حلو انج ماتروحين اها الا مره بالشهر لا تعدينها ام زوجج عديها امج ولها حق اتشوفج والوصل يزيد الحب والود بين الناس ولوصار اي شيء عادي انتي تزعلين من امج ما اظن فهذي بنثابت امج واذاانتي تحبين زوجج لازم تحبين امه من اجل عين تكرم الف عين وعسيء عيالنا ايسون لنا بكره مثل مانسوي وانتي لم تروحين هاديهاجيبي معاج حلو او اي هديه والله جربي تهدوا تحبوا والله ايسخرها لج ويسخرج لها
والله امه وكيفهاااااا وانتي شكووو بصرااحه امه كيفهااا لو عمره مليوون امه كيفهااااااااااااااا يعني الحين ابوج اذا دلعج يعني يغث زووجج والله حاااله
بصراحه بصراااااحه كلش كلش وحدج مالج دااااعي وكلامج كله مادري شلون صاير امه هذي حبووبه عادي مالج شغل فيهم وعلى النفااس مو شرط يسون لج عاادي انتي عاد طوفي مو تدققين على اتفه واصغر شي الله يوفقج ويصلح شانج
حبيبتي حنا مانعرفج بس النصيحه لوجه الله كلام عسوله وام عبد الله وام عبودي كلامهن عين العقل وازيد عليهن مايمديج من تزوجتي زوجج انت وامج وجدتج تدخلوتو موضوع تافه شتبين الخاله تفكر فيج وبعدين قام زوجج يقول لامه لادلعيني صرت ابوه اكيد تبي تفكر انج لعبتي دور عند ولدها طول عمرها دلعها الحين بس صار رجال واذا ماسوولج عشا حرام الله حرمه والا بس محترموج وتقطعينهم بالوصل حلال اهم شي نفسج لاحوله ولا قوة الا بالله انا جبت عيال وما عمر حمولتي شفت عشا منهم بس الحمدالله مايتدخلون بحياتي الاشياء الخاصه وشنو مشكلتلج مع خالتج على اسم دلع وخليها دلعه خير يا طير انت لو تشوفين خالات باقي خلق الله اللي تدخل بلمصروف وبشغل البيت والسحر وواللي تبلي بكلام موزين نهاية الحجي لا تقولين انا رفعت نفسي عنهم وما اجيهم اتقي الله نحن جميعنا خلقنا الله سوا وصدقيني والله قطع الرحم تشوفينه بدنيا قبل الاخره وختم كلامي بحديث الرسول ان الله يعذب ابن ادم متى ماشاء في الدنيا او الاخره الا عاق والديه فانه يعذبه بدنيا قبل الاخره معلومه لزوجج فقط
. ههههههههههههههههه :/ ! انا اقووول آنتي خلج في ولدج و لا تتدخلين وآيد معاها ! و خلي ريلج أهوه الي يحل الموضوع ! و آنتي اذا قآلت خلود لا تبينين آنج متضياقه بالعكس سولفي و ظحكي و خلي السالفه تمشي عآدي صدقيني بتحتر و بتقول في قلبها : هاذي صآرت مآ تنقهر .. ! و آنتي ظحكي و خلي ريلج آهوه الي يكلمهآ و اذا حست أنه آنتي عآدي عندج و أهوه الي متضايق صدقيني رآح تبطل سوالف العيال .. و سوري على هالكلمه :** صج ليه قآلوآ ( لو الخآله تحب الجنه .. آبليسو يدخل الجنه ) =)
حبيبتى والله حاسه فيج وجان خالتى بس ادلعه جيذى جدامى اهيه اصلن مرات ماتحترم وجودى بس انا اسكت عنها ابلع موس واسكت والله ولدت 3مرات ولا شفت منه لا عشاء ولا شى وهم سكت انا خالتى من النوع الى كله اتقط نغزات وهذا الشى لى ذابحنى وادعولى الله يهديها وانتى حبيبتى ماليج شغل فيها اتقول الى اتقوله لاتردين عليها وخله ريلج بداليج يتحجه لان اوهمو مايسمعون كلامنا شفتى اشلون اتعاندج فااحسن اتخلين ريلج يكلمها والله يكون ابعونج
السلام عليكم اول شي الصراحه انا وحده مو متزووجه بس حابه اقدملج نصيحه من اخت لختها اذا تبين زوجك يحبج ويحترمج ويغليج مالج شغل بهاله بالعربي ضحكي سولفي معاهم بس امه ما امه ادلعه ما ادلعه كيفهم هذي حياته وانتي بجذي اصلا قاعده تشيشين خالتج عليج والولد لا صاارت الصجيه ماعليه من مرته الزم ماعليه اهله يعني امه عطيها على هواها اذا تبينها ما تقول مثلا خلوود انتي شنو راح تسوين قولي لها خالتي واي اليوم خلود دق يسلم عليج اي شي بس حاولي تقولين نفس اللي تبيه بجذي اهي اساسا رااح تستغرب من هالشغله وانج جاريتها وحاولي انج تكسبينها ولا تخسرينها يعني كل اسبوع تعالي لها بيتهم وهاتي معاج حلا وفطاير والله ياخاله ذاك اليوم فلانه اي شي جابتهم وذقتهم قلت لازم خالتي تذوقهم بعد مده بعد شهر هاتي لها جنطه اذا اهي من الحريم اللي تحب الخاام روحي السوق واشتري لها خامه وقولي لها خاله شفتها وعجبتني وقلت ابشتريها لج وبجذي حتى زوجج راح يتعلق فيج اكثر لانج ادورين رضى امه ولا تقولينها خاله قولي لها يمه اعتبريها امج انتي اكيد ماراح تنقثين من امج وحاولي كثر ماتقدرين تجارينها لانها بالاخير راح تمل وتتركم اكو حريم تغر حتى من الجنه ترى وربي لا تبلانه والله سالفة طلاعتج من الاربيعن ما سوولج عشى ياختي بالعنتهم انتي منتي طالعه لهم طالعه لزوجج اهو اللي بيج مو اهم يعني لايهمونج سويتي الواجب رحتي لها وسلمتي عليها حلو قالت لا مايشربون جااي قولي اي و الله تونا شاربين لمه اخذني من بيت اهلي يعني خليج سياسيه معها سوري طولت معاج بس وربي هذي نصيه اخت مني لج انتي جربيها وان شاء الله ماراح تندمين واذا ضبطت معااج بشريني شنو يصير معاج موفقه خيتووو ياارب
ياختي الله يهديك مافيها شي اذا الام دلعت ولدها انا خالتي دايم تدلع ولدها قدامي وعادي ماقلت شي ولابيوم من الايام فكرت مثل تفكيرك هذي ام تدلع ولدها مافيها شي حتى اذا ربي ان شاء الله رزقني بولد بدلعه الين اموت اعذريني بس انتي مكبره الموضوع ومعطيته زياده عن حجمه وبالنسبه لموضوع انو ماقدرتك وماسوت عشى لك هذي هي غلطانه بس حاولي تعدين الموضوع وماتكبرينه صدقيني اذا تبين ترتاحين بالعيشه مع اهل زوجك اي موضوع يمر عليك ومايعجبك طنشي وتناسيه عشان تستمرين مع زوجك وانا ترى مطبقه هالشي لاني عايشه مع خالتي والحمدلله دايم اسمع حكي وكلام واطنشه مابي اجيب لنفسي المشاكل والضغط عموما الله يوفقك ويسخر لك خالتك ويسخرك لها
عيب عليج تتكلمين عن خالتج بالمنتدى لو درى زوجج بيرضى واتقي الله ومالج شغل بين الام وولدها شنو سالفه تدلعه ما استحيتي وانتي تكتبين بالمنتدى وعيب تقولين هالكلام: (اهي عبالها ان سكوتي ضعف فقامت تتمادى علي بشكل وقح والله انا ليلحين ساكته عنها .. الله يكفيني شررها بــس ) يعني شنو قصدج ساكته عنها ليش شنو بتسوين؟؟؟ ما انتي مشفوحه على الاقل عشان تقولين طلعت من الاربعين وما سوت لي شي ؟؟؟ عيب عليج واتقي الله حطيتي السالفه بإذن زوجج تراها ما تسوى باجر تشوفينه هالشي بعيالج واسمحيلي على هالكلام موضوعج يضايق وحطي فبالج دايم (( الخاله ام ))
شكلي ما بزوج ولدي ...عشان والله مرت ولدي ماترضى أدلع ولدي ليش يعني شريتيه وصار ملك لج وهي مالها حق عليه خليه دلعه ليش تغارين ....بس بنسبه للهديه هذا عندج حق فيه وبعد العزيمه لج حق لكن سالفة تتدليعه لا مالج حق هذي أمه ...مب وحده غريبه ...ولها حق عليه ...أسمح يلي لو عصبتج عليج عشان أنا تعبانه فيه وربيته ويوم صار ريال مالي حق حتى أدلعه
خالتج مو هينة وتعاند ودفشة وشكلها تغار وبس انا مومعاج بسالفة انة تقولة خلود كيفها مالج حق تتدخلين ليش مكبرة مسويتها مشكلة اهية امة وعشان لا اطول واعيد الكلام البنات ما قصروا بسالفة انة تقولة خلود !!! بس انتي غلطانة لاتقطعينهم شنو بالشهر مرة او مرتيين خلج انتي احسن منها يمكن ماتلاحظ اهية الا بعد مدة بس اهل ريلج وريلج بالاخص بلاحظ انج خوش وحدة ولا تتشكين عند ريلج مهما يكون لانة هذي امة !!! عيل بقولج عن خالة تخيلي مسوية استقبال زواج لمرت ولدها بعد الاستقبال ماخذة الهدايا وتبطلهم والله طقتني البوهة
شنو يعني ماترضين ان ادلع ولدها كيفها لو يصير جد بدلعه هذا ولدها الي طالع منها وتعبت بتربيته وتحبه مو تجين انتي يابنت الناس وتحكمين لا حبيبتها اعرفي حدودج الا الام ولو تتفل بوجه كيفها حرام عليج
واايد بنات هاجمتوها حرام عليكم فهموها شوي شوي .. اذا عن الدلع عااادي امه وتدلعه مافيها مشاكل لانها امه انتي ماتدلعين عيالج؟.. اتكلم عن عيالها ماتوقع ام تتكلم عن عيالها بس يمكن قالت اعيوبه او شي غلط سواه وعااادي جدا .. عن طلعتج من النفاس وايد ناس مايسون عشا ماعندهم هالسالفة اصلا وانا طلبت من خالتي ماتسوي ولا امي سوت حق مرت اخوي عااااااااادي ...! وانها اتدرعم عليكم علبو نفاس وموجودة وقبل الناس عندهم عادي يدشون على النفاس بدون مايدقون (رايي الافضل يتصلون) بس احنا اللي تغيرنا ولا الموضوع بسيط .. اهيا يمكن غلطت انها ماستقبلتكم عدل لما ييتوا ويمكن عندها عذر مشغولة شي او للامانة يمكن شافت منج تصرفات خلتها اتعاملج بهالاسلوب .. انتي لانج ماواجهتي مشاكل عودة الله يبعدها عنج فقاعدة اتشوفين هالمسائل البسيطة مشاكل كبيرة لو اتمر عليج خالة مثل خالات بنات اعرفهم شتسوين؟؟!! اللي تسال جنتها تسبحتي ولا لا عشان اتعرف اذا نامت مع ولدها !! واللي اذا مرت خالتها انحاشت عنها وخلتها بالصالة واذا مامرتها اقلبت الدنيا فوق راسها وقالت عنها قاطعة!! واللي امسمية كل عيال الزوجة غصبن عليها!! واللي .. واللي .. واللي .....!!!! نصيحة عامليها عدل لان الدنيا دوارة وكما تدين تداااان وانتي في يوم من الايام بتصيرين خالة .. تقبلي مروري واسفة على الاطالة..
خافي ربببببببببببج تبين تدخلين بين الام وولدها وهذا وانتي صرتي ام الام طول عمرها تشوف ولدها صغييير اهيا اللي يابته وربته انتي شكووو خل ادعله خافي ربج حرام عليج لو خالتج لسانها طويل وموريتج نجوم القايله جان ماتعديتي حدودج وتدخلتي بتعاملها مع ضناها انا علاقة ريلي مع خالتي ماادخل فيها ولا اتجرأ اعطي راي فيها لان انا ام وكل شي اسويه بخالتي صح او غلط الله راح ايراويني بعيالي
