ماهو الحل لإزالة الخطوط السوداء اللي بين السيراميك و الجرانيت

حبيبتي الفلاش حلوووو ومن اول استخدام تبين النتيجه

واهو مو جود بالجمعيات

ع فكره تأكدي من الاصلي لانه في مثله تقليد وتسلمين

انا جربت الفلاش الصراحه روعه

يسلممممممممممممممممممو

انا جربت جف مشا معاي
بس فلاش ما انصحكم اعرف وحده كله تغسل حمامها فيه ومره دخلته ولا السميت الي يسمونه الشربت بين السيراميك كله رايح تدخلين اصابعج بين السيراميك ذوبه

حطي الفلاش غلى المكان لمده خمس دقائق وبعدين افركي وشفي النظافه

من جدك ماتعرفين الفلاش؟!!!!
يمكن مو معروووووف في الكويت واجد أنا مأستغني عنه مافيه شي ينظف اللي بين السيراميك زيه بشكل عجيب بس مع الأسف تراه يشيل الترويبة اللي بين البلاط فيسبب دخول الماءتحت البلاط وبالتالي إذا كنتم دور علوي راح يخر الماء على اللي تحتكم وفعلا زي ماقالت وحدة من الأخوات الفلاش يحفر اللي بين السيراميك لدرجة تدخلين أصابعك بس أنت لاتنقعينه عالبلاط أفركيه بسرعه وأشطفيه

انا جربت الفلاش والكلوركس
شي عجيب
صج راح تحسين انه السيراميك توه مركبين يديد
حطي بطاسه شوية كلوركس وشويه جف وقليل جدا من الفلاش وبعدين صبي بين السيراميك وبالفرشاة دعكيه
وشوفي النتيجه
اما بالنسبة للي يسالون عن الفلاش ترا يجي بعلبه بيضه وساعات يحطون معاه فرشة مجانا تلاقونه يم الكلوركس

من جدك أنتلاااااااااااااااااااا الكلوركس أكبر خطر أنه يخلط مع الفلاش يصير إختناااااااااق على طول بالذات اللي معهم حساسية فالصدر وربو حتى اللي مامعه
والله العظيم ماأنسى قبل كم سنة وحدة في الطايف ليلة عيد الفطر آخر يوم من رمضان كانت بتنظف الحمام وخلطت الفلاش مع الكلوركس وأختنقت وتوفت الله يرحمها حتى نشر في الجرايد ماأنسى أنا هذيك الحادثة أبدا

يسلموووو على تفاعلكم ...

رفع رفع ..

و لمزيد من التجاااارب ....

لالالالالالالالالا ديري بالج تحطين فلاش مع الكلوركس لانه خطير يخنق انا حطيته مره وبغيت اموت منه

جــف الاصـفر رووووووووعه

يسلموووووو حبوبه على هالمعلومه ....

ملح الليمون من عند العطار يقولون ينظف يخلطونه مع كلوركس وصابون وماء ولاتكثرين ملح الليون ولاتخلينه كثير على السراميك شوي ونظفي من قولهم ينظف انا ما استخدمته لاني استنى بعلولي يتفظى ويوديني اشتري ملح الليمون

البنات ماقصروا.......

مشكووووووووووووره

عزيزتي فيه منظف للمراحيض اسمه 101 صبيه على الخطوط السوداء ودعكيه وادعيلي