حبيتي هالنوعية من الناس لا تعطينهم أي اهتمام وسووي إلي في بالج لأن مع نفسها مش مرتاحة صدقيني روحي وتعالى أهم شيء ما تعاتبينها و لا تعطينها سالفة ولا خير ولا شر
بعد عمري جزاج الله خير بحاول اطنشها بس الحين ادري بتستفزني بالعيد وبتحرني بتسولف بصوت عالي عن سفرتها رحنا وسوينا وانا من نوعي يبين على ويهي اذا تضايقت
الله يكون بالعون 00 الله لمن وزع العقول كلن رضى بس لمن وزع الارزاق كلن اختلف ههههههههههههههههههههههه نصيحتى لا تحطينها فى بالج ولا تقولين بنسوى وبنروح وبنسافر 0 خليها بس تسمع اخبارج من غيرج 0
وين قاعدين الله يهديج المسامح كريم اعذريني على الرد يعجبني مثل دائما اردده ( دع القافله تسير والكلاب تنبح)
اسمحيلي الغاليه هذا الشي يدل بعد انك اتغارين منها لا تزعلين من كلامي بس من اسلوبك وكلامك عندها حابه تقهريها او انك حابه اتبيني قدامها انك احسن منها او انك سافرتي وررحتي وجيتي هذا مو منطق اللي انتي يالسه اتسوينه حبيبتي اذا كانت هي مريضه وفيها نوع من الفشخره كوني احسن منها ويمكن زوجك عنده ضروق فقدري زوجك ولا اتحنين علي راسه كل مره حابه اسافر حابه اسافر لانه السفر مو كل شي واللي حابه اوصلك اياه انه الديره مافي احلا منها كانت في الصيف ولا الشتاء والسفر مو معناه انك سافرتي والناس عرفت انك سافرتي ولفيتي من بلاد الي ابلاد لا حبيبتي اهم شي راحت زوجك وضروفه 000
اي حبوبه اعترف للاسف اغار منها وااااااااايد واغبطها على زوجها ومرات احسدها بس اتعوذ من ابليس اهي واختها لان بعد اختها زوجها مدللها لو تطلب لبن العصفور يابه لها بس انا ما ابين غيرتي جدام الاوادم تخيلي بعيد الفطر والاضحيه تسولف مع الي يمها بصوت عالي عن سفرتها عشان تسمعني وانا الهي روحي بالتلفون اعترف اغار منها لان الله رزقها بزوج بالضبط مثل ما انا اتمنى كمل دراسته ويصلي وحاط لها سكن يهبل وخدامتين ومريحها ساعات اقول ليش مو اهو زوجي بس اتعوذ من ابليس وانا زوجي ماعنده شهاده ومره تطلقنا ليش طلبت خدامه ثانيه مع ان انا الي كنت بدفع لها والسكن الي كلش مو مرتاحه فيه بعد لو كانت طيبه اقول عليها بالعافيه لكنها حقوده وحسوده وانا ما ابالغ الكل يشهد بطيبتي مع اهل زوجي كل من يقول ان انا مافيه مثلي وبطيبتي وللاسف زوجي مو مبين بعينه حتى صلاه ما يصلي وكان هذا من اسباب الطلاق قبل 7 سنين بس تبهدلت قلت ارجع له احسن لان اليهال متعلقين فيه والله ما ابي اكون حسوده ما ابي اكون حسوده والله لو اشوف اي وحده طيبه وحبوبه متهنيه مع زوجها اقول عليها بالعافيه تستاهل والله يسعدها
حبيبتي صدقيني الله يعطي على حسب النيه وخلي نيتج صافيه وجذي الله يوفقج:wink_smile: وصبري على زوجج ونصحيه على الصلاة شوي شوي وأدعي الله أنه يهديه وترى جزاء الصبر عظيم :sad_smile: والله يسعدج يااااااااارب وترى السعاده مو في السفر ولا في الطلعات السعاده داخليه في روح الواحد ونفسه والله يوفق الجميع
بعد عمري نصحته ونصحته ونصحته لدرجه ا خلاص تعبت واذا نصحته يعصب ويعاند وقاعده ادعي له صار لي سنين وانا ادعي له والله كريم مشكوره على الدعوه ربي يحقق لج مرادج
واااي تصدقين انا ملاحظه هالنوعيه وااايد موجوده وكثرت ليش الحقد والحسد مادري والله عندنا وعندج خيير بس تدرين انا شسوي الحقران يقطع المصران وانتي حقري وطنشي لانه الحل الوحيد اما انج تنقهرين من داخلج انتي اللي بتتعبين وهذا اللي اهيا تبيه انها تحرج وفعلا نجحت ... بالعكس بيني انج مستانسه ومرتاحه بعيشتج وبييج الرزق انشالله واهيا اللي بتموت قهر لانها فيها نقص ...
والله ماعندج سالفه حاره قلبج معاها وخير ياطير سافرت سفره تحر القلب على شنو الحمدلله وشكر يباااااا كبري عقلج ويقولج المثل الحقران يقطع المصران انا اللي هي انا والله عندي سيوله والحمد لله في خير لكن ماحب اسافر ولا افكر بالسفر والله الواحد صار يخاف بالعكس حبيبتي اهي تبي تقهرج ان هي مسافره بس انتي لاتفكرين ولاتهتمين وهاي الشي اللي بموتها ان انتي مافتكرتي من الاساس ماسافرتي الحين بسافرين عقب ومثل ماقلت لج احقريها وكبري عقلج لانج الاحسن احر قلبي على ذي عسا ماشررررر ولا بفتكر فيها حتى
لا تزعلين مني بس احس سالفة ماصخة مالها معنى ذكرتيني بايام الثانوي حرتني رفيجتي سافرت وانا لا كبري عقلج شوي ما احس في شي يستاهل واضح انج انتي معطيتها اكبر من حجمها وشاغلة بالج حيل ولا جان ماحطيتي هالسالفة بالمنتدى شنو استفدتي حشيتي فيها عند مليون وحدة واخذتي ذنبها اسفة بس صراحة ماعجبني الموضوع
اسفة بس مو من حقج تمنعيني ما ارد المنتدى ماحط هالشرط لازم الشي يعجبني عشان ارد دايم في اشياء المفروض الواحد يرد عليها
بس انا ما ابي رد جارح الا عندها رد طيب اوكي حياها الله والي بتتعدى حدودها لا يبا توفر الرد لنفسها بروح الي فيني مكفيني وانا ما ابي نجره وهواش الصراحه ومن حقي ان الي اشوفها تتطاول اقول لها توفر الرد لنفسها يعني كان ممكن تردين بطريقه احسن من جذيه يعني كاتبه ان سالفتي ماصخه ترى قويه هالكلمه وكلش مو مقبوله
