اشكر مروركم العطر خواتي الغاليات واختي نور انا راح اتحاشها لان خالتي تقول لا تقربين صوبها لان من 12 سنه وخالتي وحمواتي زينين معاها ولا فاد ويوم السبت جيت للبيت لان هي دايما تتغدى وانصدمت انها بتتعشى وتحاشيتها لاني كنت متضايقه من زوجي وعرضت مشكلتي معاه بهالقسم وما خلتني دقت علي حمواتي وخالتي الا تعرف اشفيني وزفوها قالوا اذا هي ما تكلمت معاج ولا جت صوبج انتي شكو فيها خليها بحالها يعني ما ينفع معاها شي انا كنت امدحها حيل وخالتي بعد بس هي ما ادري اشفيها الله يهديها يارب
وااااااااااااي فضيعة واهية شكو قوليلها شكلي عاجبني وعاجب اهم شي ريلي وخلج معاها رسمية لانة امبين عليها ادور السوالف تنطر عليج اي شي وعاملي خالتج كانها امج صدقيني تكسبينها وامبين من كلامج انها محترة وتغاار منج ياربي ليش جذي كل واحد وعايش حياتة ليش الحسد الله يهديها فطنش تعش وطوفي خليج باردة الحقران يقطع المصران ودايم ثقي تماما الي صاحبة قيل وقال وادور مشاكل مومرغوبة نفس المحترمة والي مالها شغل باحد وعندها اسلوب بالكلام مودفشة جنها طقاقة صج قاعدة اقولج وانا بعدني صغنونة 20 مومتزوجة بس اقولج من الي اشوفة جدامي وحوالي والله يوفقج انشالله ويسعدج
اي شي يصير بينج وبينها روحي سولفي لخاالتج بشرط يكون بينج وبينها ولاتزيدين ولاتنقصين وابعدي عنهاا وحتي زوجها ابعدي عنه وسولفي لزوجج اي تقوله عنج او اي شي يضاايقج ويكون بينج وبينه وبجذي اذا صار شي لاسمح الله تكونين بلغتيهم وعطيتيهم خبر بسوالفهااا وبجذي يقفون معااج وطنشيهاا وبس
حبيبتي مالج شغل فيها حرتني..لا تسكتين لها وتخلين يوم السبت لها بالعكس اكشخ واتبخر واسلم عليها جدام حمولتي واضحك واسولف اخليها تفرفر من الحره مو من مصلحتج تاخذين موقف منها اذا هي راعية حجي
حالتي تشبه حالتج مع وحده من حميااتي والله صبرت عليها وتحملت كل شي شفته منها حتى عيالها الصغاار شوشتهم علينا وعشت سنتين بحاال مايعلمه الا الله بعدهاا قررت اقطع علااقتي بهاا نهائياا ولو جت قداامي اسلم عليها بضحكه بارده وابين لهاا انك بعيوني ولاشي لاانتي ولا حركااتك اسولف واضحك مع اللي قدامها واللي وراهاا وهي بعيني مجرد ديكور وبعد السنتين ياارب لك الحمد صاارت معااي احسن من اول
الله يعينج نار الغلا الي عندك نفس الي عندي بس انا وحماتي في بيت واحد كل وحده بشقه والله انا دايم اطنشها واعطيها طااااااف بس المشــــــــــــــاكل لابد منها اتمنى اطلع بيـــــــــــــــت بروحي وافتك بس يقولون مابعد الضيج الا الفرج والصبر زين الله معــــــــــــــــــــــــاج
الله يعينج ويصبرج بس مثل ماقالو خواتي الحقران يقطع المصران ودايما خليج مبتسمة يقال اذا اردت ان تفقد المنتصر لذة الانتصار عليك ابتسم في وجهه
ما أقول إلا الله يهديكم وأنتي ليش أمخليتها أكبر همج تري بحياتج أشياء أهم من مرت حماج مثل صلاتج وزوجج وعيالج صدقيني لو شغلتي نفسج فيهم مراح تليقن وقت علشان أدققين بسوالف أوحركات مرت حماج لا تضيعيين حسناتج بغيبتها الله يجزاج خير
غلطتج انج ماوقفتيها عند حدها من اولها انا لو مكانج وتعيب عليي والله اخليها تندم على اليوم الي نولدت فيه ان لم تكن ذئبا اكلتك الذئاب
ربنا يهديها صح كلام الأخوات جابوا جواب عاقل أنا كمان من رأيي إنك إتحقرينها وكوني أحسن منها خليها تتكلم لين تمل وإنتي سوي نفسك ولا هامك شي أوعك تحسيسها إنك متضايقه سوي نفسك عادي مثل كأنه مافيك شي وأهم شي رضا زوجك عليك وأهله ربي ينصرك
هذي حدها محتره منج خلها تولي وحطي بينج وبينا حد لازم توقفينا عند حدها لا تعطينها فرصه تقلل ممن قيمتج :48_482:
الغيره بتذبحها خليها تاكل بروحها وانتي خليج واثقه من روحج والله جذي بتموت من القهر الله يريح بالج ويسعدج
عادي عندنا و عندج خير لا و يقولون واثقين من نفسنا و الكرش ممدودة جدامهم جنهم شقول ترى هذيل ناس مرضى الله يشافيهم انشالله بس ترى الحقران يقطع المصران و قعدي ولا جنها موجودة شوفي شراح يصير فيها
