عندي فكره ليش ماتشترين حق ولدج موبايل اي موبايل خو كل اليهال عندهم تلفونات عشان تتطميني عليه وطبعا خليه معاه لما يروح عند ابوه اشرايج؟؟؟؟ وانتي عاد دقي علي ولدج و شوي شوي يمكن يرد عليج او اي شي وعاد الطريقه الاقوي تصويري مع اعيالج بالموبايل خلي ولدج يصوركم بس طبعا صور محتشمه وصور عائليه وعاد اهوا اشووف الصور يمكن يحن وياريت الصور تكون عفويه تري الفرصه عندج باجر اتييه الثانيه ويروووووووووح عليج الريال
كلمي والدتج اول شي ولا تستحين منها قوليلها انج حاسه انج غلطانه وانه ودج تردينله عشان اليهال والوالده انشاالله تعرف تتصرف0 او دققي كلميه عن اليهال وخل اسلوبج اكون معاه لطيف بس لا تقوليله مباشره انج تبينه خلي اهوه اللي يطلب وعاد انتي وافقي
الحين انتو تنصحونهااا وجذيه وتكلمونها سوى جذيه وجذيه زين مافكرتو انه الرجال يبهاا او لا والحين فكرتى تردين له عقب سنتين والعيال شنو ذنبهم يعنى ادعي ربج انهاااا تنحب المسأله
اذا راحوا لبوهم حطي تليفونج بجيب واحد من اعيالج وسوي نفسج ماتدرين وينه ودقي على تلفونج راح يرد عليج وبهطريقه ان شاء الله يحن لصوتج ويتذكرجويردج له ويارب اتردين له
انا مراح اقولج اي طريقه ... ماشاء الله على البنات حلولهم واايد ذكية وبنفس الوقت عفوية.... اللي اللي اقدر انصج فية صلي صلاة الاستخارة.... تعرفين يعني شنو صلاة الاستخار >>> هي سبحان الله اللي يصليها يا ان يعسر الشي وطبعا يكون خير او ان يسهلج الامر اللي تبينة وانتي قاعده مكانج صلاة الاستخارة تساهيل من رب العالمين صليها باليوم اكثر من مرة وبتشوفين الفرق سبحانه... والله يكتبلج اللي فية الخير يا رب
اولا ادعي ربك يسهل امرك وبعدين لحقي عليه قبل لايتزوج عاد ماتقدرين تسوين شيئ كلميه عن أولادج وانك ماتقدرين عليهم ومسؤليتهم تزيد يبون أبو يجابلهم وأكيد راح يصير بينكم كلام تفاهمي معاه أحسن لج من القعده ترى المرأه ضعيفه والله معاج ردي قوليلنا شيصير معاج
سلام عليكم الله يعينج ويصبر قلبج ويرده لج عنده اقوى اعلاج بعد الله سبحانه اعيالج خلي اعيالج يكلمونه قدامج وانتي جنج ماتدرين تتكلمين عشان يسمع صوتج قولي ياربي بروح السوق منو يوديني بعدين اخذي السماعه قولي انت منو تكلم الو الو بدلع وخلي اعيالج يعطونه النقزات يبه انت تحب ماما --ماما واجد تحبك ليش حنا مو بيت واحد وماما معانا عطيهم من النقزات ولا تستحين من اكبر راس روحي توكلي على الله هذا بيتج حاربي عشانه
اقول لادقين على امه او اخته خلي شي بينج وبينه واعيالج وبس عشان كرامتج واقول الحريم مالهم امان لو عسل ولا تستحين منه خلاص بيج وبينه اعيال ومافي كرامه بينج وبينه حتى لو ردج مايبيج اكسري خاطره وخلي اعياله يكسرون خاطره حتى لو ردج مايبيج هذا بيتج دافعي عنه مثل مارفستيه وهدمتيه ابنيه باسنونج واضافرج
اكثري الاستغفار وكلمي زوجك بحجت الاولاد وانهم اصبيان ولازم ابوهم يجابلهم وهو شكله يبيج ولو مايبيج كان تزوج من سنتين مو شويه عمر بس يبي خطوه منج لانه جرب يردج وانتي مارضيتي ورجاجيلنا مايعرفون يرضون غرور المره على طول تاخذهم العزه بالاثم ويفهمون غلط يمكن عباله انج كرهتيه وفيه طريقه ثانيه بس فيها مغامره لاني مادري شنو شخصية زوجك لو تطلعين اشاعه انج مخطوبه وراح تتزوجين شنو ردة فعله؟؟؟؟؟؟؟؟؟؟؟ بس ديري بالج اذا عنيد اخاف تخربين على روحج ويروح اهو يخطب ويتزوج وتصير ع***ه وامانه ردي بشرينا اذا رديتي له ان شاء الله وعلمينا شنو الطريقه اللي جابت راسه ههههههههههههوالله يوفقج ويسعدج مع عيالج وابوهم
انشالله تردون لبعض وري علي هدوم عيالج عطرج اللي يحبه و وقبل لايطلعون عيالج مع ابوهم حطي حمره بالون اللي يحبه وبوسي عيالج مع خدودهم علشان تطبع ومثل ماقالت الاخت اشتري تلفون حق ولدج ترا فكره حلوه ومنها ماتنزلين من مقدارج وليني اسلوبج معاه حاولي تلمحين لهلج انج بترديله مثلا لو يرجعني بردله علشان عيالي علشان هم يلينون حزه مايردج ولاتنسي رب العالمين مافي غير ربي لي دعيته بذن الله يستجاب لدعاتج ولي ردج لاتذكرينه بالماضي وخلافاتكم ترا بتصير مشكله ثانيه حاولي تنسين وتبدين حياتج والله يوفقكم مع بعض
حبوبه اسمعي فهمي عيالج محفظيهم ان بابا يحبنا ويبينا ويبينا ومانسانا وحنا لازم نرجع نعيش ع بعض عساس يمكن يحس وخليهم يكلمونه من تلفونج شناطرررررررررررره
زوجي عرضة عليه السالفه بغيت اشوف راي الرياييل يمكن مختلف عنا ...قال طرشي ريال من غير ما يحس أنج طرشتيه وخلي يكلمه ويقنعه وبشرينا :wink_smile:
حبيبتي ياعمري انا زوجي طلقني واهاني وطردني وطعني بشرفي ولله العالم اني بريئة ، وما طلعت من البيت وما قلت لاهلي ، ولله العالم شكثر متعلقة فيه ، واحبه معنه طردني ، وطردني وقطني بالشارع ، بس رديت ودخلت ، ولاني بيت حمولة دخلت من باب الثاني ، ولا جنه صار شي ، الي بقوله الي تحب ريلها لا تاخذها العزة ، ترى ما تنفعها ، واذا تبين اي شي حبيبتي راسليني عالخااااااااااص انشالله اقدر افيدج ولا تنسين ادعي ربج يغير الي ما يتغير
والله انااقول عادي دقي عليه وجنج تكلمينه عن العيال طبعا بعد ماتسلمين عليه وشوي شوي حسسيه انج للحين تبينه بس الجهل لعب دوره بحياتكم صدقيني شوي شوي راح تزين امورج بعد الله خصوصا انه للحين مو متزوج الله يريح بالج وتبشرينا قريب باذن الله
حبيبتي خذي نصيحه من اختج ادعي اللي ماتنام عينه واستخيري وكلميه لانه من كلامج كان بيردج يعني مازال متمسك فيج واتركي عنج الحجاب والخزعبلات اللي تقطع الرزق
هاااااا أختي وينج بشرينا؟ يبا دقي عليه وكلميه ولا تستحين أنتي خربتي حياتج وأني أبنيها وفي عدة طرق طرحوها الاخوات شوفي اللي يناسب زوجج وسويها والله يلم شملكم آمين يارب العالمين
لا تدقين يصدمج برد نصيييحتي واترجااااااج مو عشاانج عشااان العيااال دزيله مسج من الاخر قولييله انا ماقدرت اتحمل مسوليتهم بروووحي قلبي تقطع عليييهم يبوونك والله الريااال مايحرك قلبه غير عياااله قبل لايتزج وينسا عياااله وينساااج تكفيييييييييين تحركي بسرعه
