الموضوووع هذا صار بكثره انا بقولج سالفة صارتلي زوجة حماي اشوفها انتفخت وصارت متينة وبطنها كبر كل ما أسالها انتي حامل تقوووووول لااااااااااااا انا ويني والحمل وين انا تعبانه فيني غدة عشان جذي متنت المهم مر شهر شهرين خمسة سته واشوف المره بطنها يكبر وكل ماسألتها قالت الغده الله لايوريج وبعدين بالصدفة سمعت حماتي تقولها اي مستشفى راااح تولدين عنده تخيلوواااا بالشهر السادس وبنفس البيت الله لايبلانا عاد غثني قلت لها حمدالله ترا القطوه اتحمل والله ول استحت عالعموم هذا اغرب قصة صارتلي انهبلت والناس الحين قامت تخش عن بعض استغفرالله
هالموضوع مهم لان صارت معاي وايد لدرجة حسيت اني عبيطه من كثر ما يخشون حمالهم فاكتشفت ان كل وحده تخش حمالها عن حمولتها اواهلها اهي عندها مشكلة الحسد...يعني تفز وتحسد لي اسمعت وحده حامل مع ان مو ناقصها شي بس الحمد الله مرض نفسي تفز على اقل شي...وهذه بعد مشكله ومادري شنو الحل يعني مرت حماي كل ما تحمل واسألها حامل ترد لالاالله لا يقول فال الله ولا فالج شني داعيه عليها!!! ولي وصلت التاسع وبتنفجر قالت شفتي همي انا حامل والناس دايما حاسدتني!!!رديت وقلت لها إلا ما قلتي الالانج تبين الهديه ولا فشله عيب الصراحه يغبون واحنا مفضوحين وين مانروح الحمد الله على نعمة العقل
شيئين ما ينخشوووووووون الحمال والزواج يعني اللي تخش انها حامل راح يبين من موعد الولادة انها من متى حامل والله انا ماخشيت ولا احب هالسوالف الحمدلله والشكر اتخش حمالها من العين بس لما تولد الناس تستغرب هذي متى حملت وولدت اهني الناس بتسكها عين .... يعني انا بنت خالي عرفنا انها حامل واهي بالخاااااامس واختها بعد جذيه ومايقولون بعد نعرف بالصدفة من ناس بعد اشرايج ...عقد الحمدلله والشكر اوكي خشي شهرين مو لما يبين بطنج اشكبره تقولين خلاص انا قررت اسوي جذيه ان شالله اذا حملت ماني معلمة بشوف شنو يعني الشي الحلو بالسالفة والله انفعلت بس صج يغثون والمصيبة اهلنا كللللللللللللللللللهم يخشخشون مو بس انتي حبيبتي عندنا وعندج خيييييير
اكيد راح اخش موضوع الحمل ومن قالج مايحسدون على الحمال حريم وايد يحسدونج طبعا وانا لمن حملت خشيت الموضوع اول شهرين من حمولتي مع انهم كلهم عندهم عيال بس مو خايفة من عيونهم خايفة انهم يعلمون فلانه وفلانه تعلم فلانه ليما ينتشر الخبر وشوفي عيون الحريم هاذي مسرع احملت؟ وانصح كل وحدة اذا احملت تخش الموضوع بس اول شهرين لما يثيت باذن الله ماتضمنين نفوس الحريم؟!!
لا خلا ولا عدم ان شاء الله اي والله عندكم حق بكلامكم وانا ما كتبت الموضوع الا وانا منقهرة من ناس حيل عزيزين علي وما توقعت منهم يخشون عني خبر حمالهم
