حبيتي بارك الله فيج وماقصرتي عالدعوه جد انا في حاجه لها هلا وغلا ببرونزيه حبيبتي ماقصرتي عالرد الحلو احس جنج اخذتي مابخاطري والله بس للاسف انا ماكنله اي مشاعر لا حب ولا كره وهذا اللي مخليني اتردد يعني انا عادي ما أوله عليه ولا اتشفق اني اشوفه او اكلمه واهيا صح سالفه قديمه بس انا عارفه رد أهلي مقدما هذي للاسف عقليات اهلنا مابيدنا نغيرها الله كريم أدعولي انا محتاجه لدعوه صادقه بضهر الغيب تسلمين ياقلبي عالرد والله كريم ادعولي اخوي الكريم ماقصرت عالكلام الطيب .. لاكن للاسف بعض الناس لازم يجرحونك بشي انت مالك ذنب فيه .. انا صحيح مالي ذنب بأني اكون مريضه والحمدالله انا الحين تعافيت واسترديت صحتي اكثر من الاول الله يتمم علي يارب العالمين .. لاكن طبيعه مرضي تخليني دائماً تحت المجهر والمراجعات المستمره ماعتقد في زوج بيرضا يدبس نفسه بمسوؤليه كبيره مثل هذي ؟ الاب ويالله يتحمل هالشي والاخوان ماهم دايمين مصير الكل يلهى في حياته الخاصه وانا مابي اكون وحيده .. واذا عالعيوب انا في شغله ماذكرتها وماقدر اذكرها عالعام .. وانا ماقلت بدوي قصدي اشتم او اسب لا حشا لله جذورنا ترجع كلنا للبداوه وادري وعارفه انها رمز العروبه بس الاهل مو بيدي اغير رايهم .. وانا بصراحه كلام اهلي هز ثقتي بنفسي جداً الله كريم ادعولي الموضوع شاغل بالي ويارب يمر بخير وسلام على جميع الاطراف ان كان موافقه او رفض يارب الله كريم وان شاء الله ابي اصلي استخاره واروح العمره ادعي واصلي هناك استخاره والله يا اختي مالي هدف اني اجذب او اقط صواريخ عليكم .. عموما هذي قصتي حبيتي تصدقين حياج الله وان ماحبيتي مابيدي شي اقوله المرض مو خطير بس مو متأكده اذا كنت اتحمل اييب عيال ولا لا .. مو خلل فيني لاكن ماعندي قوه كافيه اني احمل وبصراحه استحي اسال دكتوري والنعم والله فيج وانا والله العظيم ماقصد بكلامي بدوي وحضري شي بس انتي عارفه اختلاف الاطباع يعني خليني اعطيج لمحه .. انا في منطقه داخليه واهو في المنطقه العاشره هذا بحد ذاته يخلي اهلي مو موافقين ليش لانه المنطقه بعيييييده .. بس والله مادري يا اختي شلون راح افاتح اهلي بعد فيه ؟ وشلون بيدرون انه عارف كل شي عن حالتي الصحيه بدون لا اهله يدرون .. لان انا طلبت منه قلتله لاحد من اهلك يدري اني اعرفك او حتى اني مريضه هالشي بيني وبينك ماله داعي يتسرب لان ماحب الكلام ونضرات الشفقه كافي نضرات اهلي وجماعتي اللي تحرني وتغثني الله كريم ادعولي
بنات اسمحولي انا قاعده اتكلم بدون توازن وتنسيق للكلام لان مشوشه الفكر الريال شاريني لاخر قطره من دمه وهذا اللي مخليني اتوتر زياده قالي كل شروطج اللي تبينها حاضر وراح احطلج شقه بنفس الشارع اللي اهلج ساكنين فيه وماراح اوديج لمنطقه اهلي لانها بعيده انا خايفه وايد وعندي مراجعه خارج الكويت اهيا اللي تحدد مصيري اذا اقدر اتزوج ولا لا ادعولي تكون اموري بخير واقدر اتزوج وافرح واحس اني طبيعيه حالي حال البنات
شوفي أختي محتارة سبحان الله لما تدعين رب العالمين وأنتي موقنة ومؤمنة إن رب العالمين هو القادر -جلا وعلا - على مساعدج وتسخير الامور الخيرية لج لما توصلين لذيج المرحلة صدقيني بيسر ربي كل امورج . . . أختي . . . عليج باستخارة رب العالمين وثانيا المرأة شنو تبي من الرجل ( المتقدم لخطبتها ) ؟ تبي إنسان سوي الطبايع واخلاقه حسنة وسمعته طيبة ومستعد يشاركها حياتها . . .الحب مع العشرة بينولد بينكم . . . استخيري رب العالمين وخليه إذا جاد في قراره وكلامه يتقدم لج بشكل رسمي . . .وذيج الساااع بيثبت حُسن نواياه وبيجي دور اهلج بالسؤال عنه بشكل رسمي . . . يصلي . . .أخلاقه شلون في فريجه وبين ربعه . . . يعني يصيرون محقق كونان وسالفة العمليات ماهي عذر لعدم زواجج أنتي اولا وأخيرا انثى وإذا ربي كاتب لج نصيب بالزواج بتزوجين وإذا مو كاتب لج ماراح تكون عملياتج هي السبب وخلج بالسيفتي وي يعني أهم شي سمعتج . . . وربي يكتب لج اللي فيه الخير
السلام عليكم ورحمة الله وبركاته الاخت محتارة:كل الذي ذكرتيه طبيعي وشبه مكرر,حتى تلك الصدف التي تحدثتي عنها, تبدو الى حد ما مقبولة وانا طبعا واستميحك عذرا,لا اشكك في مصداقيتك ابدا والله ,فالواضح انك تتحدثين عن مساله حاصله او بتحصل حتى لو في الخيال , فهي مقبوله. لكن الذي لفت انتباهي هو الست سنوات التي خلت على النت , وهي مدة كما تعلمين ليست قصيرة,فاذا كانت كل هذه السنين مضت على حسابك تركض ,فما الذي كان يدور فيها وبها من حديث؟ ولماذا لم تجني هذه السنين ثمار ايامها الى الان؟ والملاحظ حسب ما تقولين,انه رجل اسواق يتسوق فيها اغراض الحريم,وكذلك سلوكه الذي سخر منك عندما سقطتي على الارض,وضحكعلى موقف كان من شانه ان يبادر الى استخدام مرؤته! وايضا انت قلت انه ليس حبا بل هي مجرد فرصه متاحة,وهذه بحد ذاته ناتجه عن عدم ثقتك بنفسك,وهذا تهور اذا ما استخدم في اقرار قرار الزواج فالزواج لا ينبغي ان يتم على اساس انه فرصه ,بل يجب ان يكون قرارا عقليا موزونا حكيما ,فالفرص وحدها في الزواج تصبح حكما على النفس بالانتظار الى ما يخفيه المجهول!فانا انصحك بالتاني واخذ الحيطه فانت بنت وبنت حلال وهذا الاهم في الموضوع,فعليكي الحذر من المتربصين؟؟؟؟ ذكرتي وضعك الصحي وهي مساله سهلة بما انه يعرف ما جرا لكي,مع العلم انه امر طبيعي. ومسالة الحضر بالبدو فهي مسالة حقيرة مبتذلة,لا معنى لها الا عند الناس الذين يتفاخرون باوهام المجتمع المريض والغائص الى العنق وينتظر الاختناق بطين السيول التي لا تنبت الزرع. اتمنى لكي التوفيق واعتمدي على نفسك في اختيار الزوج المناسب ,ولا تستمعي الى هذيان الناس الاقزام بفكرهم الناقص,فانت لستي باقل من غبرك وتاكدي انك لو منحتي نفسك حرية التفكير السليم سوف تتحررين من عقدة الشعور بانكي اقل من غيرك. اتمنى لكي التوفيق والنجاح
شوفي حبيبتي اذا صج يبيج خليه يطق الباب على طوول بدون لا تلفونات ولا طلعات وراح يبين اذا شاريج او لأ بس خلج حذره ودخلي احد من اهلج كبيرر بموضوعج واستشيريه هم( عمه - اخت كبيره - خاله ) لا تقولين مستحيه وخايفه لاااا مافيها شي هالشي بالحلال وفهميهم انج ماتبين الحرام ومن بعدها عطيه عنوانكم او خلي اخته تكلمج تاخذ العنوان لانه بعض الشبااب يلعب ويتأخذ هالشي وسيلة تهديد للبنت ... وبس ,,, والله يكتب اللي فيه الخيرر ويسعدج يارب
ام عبدالله حبيبتي ماقصرتي وان شاءالله راح استخير واكرر الاستخاره واستمرار الدعاء وعسى الله يكتب اللي فيه الخير عزه كلامك جداً منطقي بس للامانه اهو مو رجل اسواق انا مادافع عنه اهو كان رايح مع اهله ((خواته)) وانا صحيح ماكنله اي مشاعر وقلت انه فرصه واهو صحيح فرصه احنا كلنا بالنت نعيش بمجتمع المثاليه ونقول شفيها اللي مسويه عمليه او مريضه مو انسانه مو لها الحق انها تعيش مثل باقي البشر اهي صحيح انسانه وبشر ولها الحق بس الناس مو ملزومه تربط عيالها بوحده مريضه وتعبانه اغلب الوقت وعايشه على الادويه لبقيه عمرها .. هذا مجتمعنا ليش ننكر هالشي احنا العرب للاسف فينا قسوه وانا مابي اكون قاسيه واقبل لمجرد انه فرصه لا غير .. عموما اهو ناطر مني بس اقوله تفضل لبيتنا لاكن انا اللي أأجل واطول السالفه زياده عن اللزوم .. بس شكرا اخي الفاضل على كلامك ومشاركتك الاخت الغاليه كويت انا والله ماكلمه ولا في اي جهه اتصال بيني وبينه ولا صار من قبل بينا لاتلفونات ولا طلعات واهو ناطر بس اقوله تفضل انت واهلك بس انا مو متقبله هالشي هالفتره هذي
الله يسهل اموورج ويوفقج واعتقد البنات كفوو ووفوو والرأي الاول والأخير لج فكري بعقلج ترا العشره بتخليج تحبين زوجج اتمنى اني افدتج
حبيبتي صلي صلاة استخارة وما خاب من استخار وخلاف شوفي وتوكلي على الله واذا على انه البدوي ولا حضري هذا مب سبب مقنع ما توافعين علي
محتاره ياقلبي البنات ماقصروا كفوو وفوا وانا من رائي كل شي قسمه ونصيب واللي الله كاتبه راح يصير لاتشيلين هم والله يشفيك ويقومك بالسلامه بس لاتنسين صلاه الاستخاره وياقلبي مافي فرق بين الحضر والبدو كلنا بالاخير مسلمين الله يوقفك ويسعدك دووووووووووم
إلي الحلوة المحتارة أهلج حبطوج وعلى فكرة وايد أهل يحبطون عيالهم إذا فيهم صفة غير مرغوبة أنا أرف بنات منحبطين من الحصول على فرصة زواج بسبب ربو, أو بهق, أو ماتكون جميلة, أوأهلها مومرغوبين حيل, يعني محد يبي يناسبهم لسبب ما. أرد وأقو ل النصيب عند الله سبحانة وتعالى أعرف وحدة مافيها من الزين شي وهي مرت أخوي مو تقليلا من قدرها بس صراحة ولا ميزة إيجابية فيها إلا أنها ماعندها خرابيط بس غير هذا كل عيوب الدنيا فيها وماااااااااااااااا فيها مميزات أبدا غير جميلة بالمرة وماعندها شهادة وأهلها عاييييييييين ومو كشخة وإهيا ملسونة ومالت مشاكل وغيرة وغيرة خذت واحد كل الناس تمدخة ووسييم جدا وولد عايلة وأمة وأهلة طيبين واااايد وخواته عمرهم ماسووا مشاكل مع أحد خصوصا معاها على كثر شرها< مومدحا غيني وخواتي بس هذا الصج لا وعنده شهادة والحريم كانوا يخطبونة لبناتهم من أمه إي لهالدرجة وكان راقي وكشيخ وذرب حدة وإهية لأ قلبته صار نفسها لا ونسى ماكان قبل ياحياتي الرزق عند الله مثل مامرت أخوي ياها نصيبها حتى إن أهلي لما أخطبوها إستنكروا لكن صار النصيب ولامفر لاتحاتين أنا اعرف ثنتين من صديقاتي فيهم مرض الربو الشديد لكن ريايلهم يموتون فيهم وناجحات بحياتهم وعندهم عيال وغيرهم صديقتين فيهم بهق جميلات جدا وناجحات بعملهم وريايلهم حتى مايفكرون بالبهق ويموتون فيهم وعندهم عيال يا إختي أعرف وحدة موجميلة كلش كلش لا وفيها بعد بطارية بقلبها\ لا إله إلا الله ريلها يعاملها يدهينة لاتنكتين وعندها عيال شوفي إذا مشكلتج في أثار العمليتا ياأختي بطون الحريم تخرع ن الترهل والولادات والخطوط البيضة والحمرا وغيرة ومع هذا عايشين في كرمات ثابتة لأيام ممكن تستعينين فيها بالصيدليات وعلى فكرة أعرف وحدة تقول إنها سوت استبيان للشباب والريايل عن الخطوط البضا كلهم قالوا إنها عادي عندهم ترى الريايل مايشوفون هالشي بعدين إنت ماقلتيلنا عن المرض علشان أقدر أساعدج أكثر بعدين الغلط بمشكلتج مو مرضج بس بطريقة التنعارف بالرغم من إنك لوكنت بدوية جان ماسامجلك هذا التصرف لان البدو يسامحون للحضريات هالاشياء وما تأثر عليهم بشي ومسألة هو بدوي, ترى إذا انت يازلج الريال أهلة مةمشكلة أساسا مع السنوات عادي بس أول الزواج حتى لوكانوا منج وفيج طالما شارييج إشترية والبدوي يدلل الحضرية إذا حبها /COLOR]
24 ممممممممم سمحيلي مو صغيره من ناحية بدوي وانتي حضريه اشكثر احضريات ماخذين بدو مو شي يديد وهم العكس بس اذا انتي مو مقتنعه فيه نصيحه لا تاخذينه استخيري ربج وتوكلي على الله اذا ارتحتي له خل يتقدم لج واذا ما ارتحي عقب الاستخاره انسي الموضوع والله يرزقج ان شاءالله
حبوبه صلي صلاه استخارة والحب ممكن يجي عقب الزواج ( ايام الملجه ) اذا انتي مرتاحه له والرجال شاريج اذا بيكون بينكم نصيب الله بيقربه واذا على البدو والحضر انا اعرف حضريه ماخذه بدوي وشحلاتهم مع بعض الله يتمم عليهم ربي يوفقج
حبيبتي الله يوفقج ويرزقج على قد نيتج الصافيه بس سالفه الحضر والبدو مو عائق عادي انت بامكانج تستقرين مع البدو مافي مشاكل أنا مرت عمي حضريه وحنا بدو عادي الحمد لله الامور مستقره اهم شيء هم مرتاحين مع بعض والله يوفقج ويرزقج الرجل الصالح باذن الله
هلا حبيبتي اول شي الحب موعيب داممد بحدود الاحترام واذا كان بدوي شنو فيها بالعكس الرجال البدوي يدلل المرا ويدلعها وحتى اهله على حسب ماتعاملينهم.
