اول .. وتالـــي صلي الاســـــــــــتخـــــــــــــارة والله مابتندمين بعدها صلي الاستخارة ووكلي امرج لربج وفي دعاء ياليت ترددينه في كل امورج هب بس الريل يــاحي يـا قـيــوم برحمتك استغيث اصلح لي شاني كله ولا تكلني الي نفسي طرفه عـــين وان شاء الله نسمع عنج اخبار حلوة
الف شكر بس احب اقولكم انه السالفه طلعت جذب الولد طلع جذاب ويبي يلعب ويعلقني لا اكثر الله يعوضني خير يارب العالمين ادعولي تكفون
ياقلب قلبي ترى البدو فيهم اللي تربيتة تربية حضر وفيهم اللي متفتح وفيهم اللي فاهم ودارس .. وفيهم اللي يحب يسوي اي شي عشان حبيبته الناس اجناس صح والا لأ؟؟!! هممممممممممم بس سالفة زواجج واهلج رافضين الله يهداهم ليش جذي مافي ام ماتتمنى بنتها تتزوج .. وتعابل فيها قبل العرس وبعد العرس تشوف احفادها شعور وربي وربي مافي احلا منة .. حاولي تقنعين امج .. تتفاهمين معاها بروحكم بدون لا احد يكون معاكم وثاني شي .. الستر زين اقولج شي .. اذا تبي تسوين شي سوية بالسر يعني مثلا انخطبي .. وخلي بس امج ابوج اهم اللي يدرون عشان السالفة ماتخرب او مايصير نصيب .. تعرفين عيون ونفوس الناس .. حتى من اقرب القريبين << هالشي ماننكرة الله يوفقج ويسر امرج ويفتحلج باب الرزق ويصير اللي تتمنينة .. بس انصحج تقربي من ربج استغفري واااايد وااايد وحبي صلاتج .. وادعي من قلبج ان الله يسهل امورج دعواتج ..
تدرين لما قريت قصتج توقعت بتقولين عمري 30 -35 .. 24 توج صغيييييره ياحبيبتي لاتحاتين هالامور وان شاء الله نصيبج بييلج توج صغيره وعلى العمليات اللي مسويتها عادي مافيها شي يعني مو لهالدرجه متشوهه شكثر حريم يولدون ويشقون بطونهم وازواجهم يموتون فيهم ولايشوفون غيرهم جمال الجسم موكل شي اهم شي جمال الروح والاخلاق والله يرزقج الريال السنع اللي يسعدج ويكتبلج اللي فيه الخير ...
حبيبتي... بصراحة انا ما احب اللف والدوران... يبيج بالحلال يجي مع امه ويكلم امج.. ووقتها كل شي يبين على حقيقته.. لأن وقتها ريلييلكم راح يسألون عنه واكيد راح تعرفين عن اخلاقه اكثر وعن اهله..لأن سواء 6 او 10 سننين على النت ما تبين معدن الانسان الحقيقي ولو حتى نسبة بسيطة لأن يظل النت عالم مجهول واحنا جدامنا شاشة وبس.. انا نصيحتي يتفضل اهو واهله وكل شي ينحل وبالنسبة لآثار العمليات فالتجميل موجود والطب متطور.. توكلي على الله وافرحي وفرحينا بالخير ان شاء الله
حبيبتي البدوي شفيه ليش تقولين هو بدوي الحمدلله البدوي والحضري كلهم واحد وعلى فكره الاخلاق السيئه ماتعرف هذا بدوي ولاحضري ولاكويتي ولاهندي الي بهدي الشخص ربي مو اصله وانتي فكري بلي يسترج وادعي ربج يرزقج بالزوج الصالح مو بدوي ولاحضري ولاحول ولاقوة الابالله العالم هذا ماادري شلون صاير يفرق حتى بين الاخو واخوه استغفرالله والله يستر من هالدنيا
هلا اختي مشكلتج بسيطة مرة اما سالف الحضر والبدو هذه الكثير تزوجوا بدوي لحضريه اقولج حاجه اختي البدوي على حد تفكيركم يالحضر انه حكر وتفكيرة غريب انا اقولج شغله هو ليش كذا لانه يقدر الزوجه ويحافظ عليها وفيه غيره لزوجته وهذه احلى نقطة اللي مافيه غيره لزوجته يغار على منو البدوي اذا حب زوجته يعطيها ماي عينه وما يقصر معها بشي صدقيني تفكيره عين العقل الزوجه لو حبت الزوج لو كان ماكان تعطيه مثل ما يعطيها واكثر بعد
يبا نصيحه مني لج اول شي مالج غير جلمه وحده تقولينها لصبي قوليله هذا رقم اخوي ولا ابوي وتفاهم وياه وخل يخطبج من اهلج وخلاص فتره الخطبه لا تكلمينه على النت كلش وبعدين سألوا عن الصبي وهذا لا طلع خوش صبي تزوجي توكلي على الله وسالفه الزواج عباله للبنت هذا كله حجي فاضي الدنيا كلها فانيه واهلج مو دايمين لج بعد طولت لعمر بس الوحده فينا شتبي غير ريل وبيت وعيال والله يكتبلج اللي فيه الخير يارب
بنات كلكم والله ماقصرتوا وانا والله العظيم ماقصد بشي بسالفه البدو والحضر بس انا هذا حد تفكير اهلي وماقدر اعارضهم ولا ابي اطيح من عينهم واهلي مايبون يزوجوني من خوفهم علي انا ماقول اني مدلعه مدلعه بس لان من اقل مشكله او هوشه او نجره حتى لو مع احد من اخواني انتكس واتعب شلون باجر ريل وحموله ولايرضون اسمع كلمه تغثني وانا داري بعد عمر طويل محد دايم لي والله طول عمري اتمنى اييب عيال عالاقل يشيلون اسمي انا اهلي حتى عيال اخواني مايخلوني اشيلهم ليش ؟؟ يخافون احد فيهم يرفسني ولا يعورني شلون اربي عيالي ؟؟ ادري خوف زايد وهالشي ينرفزني ويتعبني واهما عبالهم يخففون الحمل عني اقل شي الطبخ مايرضون ادخل المطبخ ليش والله نخاف تتعبين ودوخين مو لهدرجه عاد اهم مو قصدهم يحسسوني بالنقص بس من خوفهم انا بعد هم ضناهم ومن قبل لم انخطب اصلا مايخلون اهل الريال يدخلون البيت من التلفون يكنسلون السالفه انا حمدالله متهنيه ربي لك الحمد عند اهلي ماشاءالله تبارك الرحمن بس بعد يعورني قلبي لم اشوف كل بنات عايلتي اصغر مني تزوجوا واستقروا ورفيجاتي بالجامعه والمدرسه تخرجوا واستقروا بحياتهم عسى ربي يهنيهم والله ماحسدهم بس تعبت من هالسالفه والريال مادري يلعب مايلعب والله مادري ماني فاهمه اهو يحلف ويتكفر انه كلم امه وينطر ابوه بس هم انا مابي ادش بيتهم وانا منفرضه عليهم وانا اصلا ماكلمه بالتلفون والله العظيم اصلا ولا ارضى بس محتاره شقول لاهلي ؟؟ شلون يوصل لابوي انه عارف تاريخي المرضي وراضي وشاريني ؟؟ تكفون ادعولي بهالشهر الفضيل منعصر قلبي ابي ياهل من لحمي ودمي والله اتمنى اعيش احساس الامومه يارب ارزقني وارزق اخواتي الازواج الصالحين والذريه الصالحه يارب العالمين وجزاكم الله الف خير على ردودكم وانكم عطيتوني وقت في موضوعي وسامحوني كلامي مو مرتب بس والله مهمووووووووووووووومه من هالسالفه وابي افضفض وكلامي طلع عشوائي بدون اي ترتيب
صح يمكن البعض يشوفني صغيره يمكن البعض كبيره والعمليات للاسف مو اثر عادي المكان كله مشوه تشويه كامل البطن محفور ومافيه عضلات واسود ومتهدل مع اني حمدالله مامدح نفسي والله جميله ولم ادخل مكان وعزيمه الكل يسأل عني بس من يعرفون اني مريضه ومسويه عمليه يسكتون ومحد اييب طاريي وسيرتي جزاج الله خير عالدعاء يارب الله يكتبلج الخير ومشكوره انج عطيتيني من وقتج
انا هذا اللي قلته له وحلفلي وتكفر وحلف براس امه انه كلمها وناطر امه تكلم اخوه بس انا مو هذي مشكلتي مشكلتي شنو بقول لاهلي ؟؟؟ وبالنسبه للاثار سالت عن شي يخفي الاثار وقالولي عمليه جدا صعبه ومعقده وماننصحج تسوينها والله كريم وابصر بالعباد
