هاااااااى حبيبتى وتسلمــــــــــــــــــين ياقلبى ع الموضوع الى اكثر من رائع ...وفعلا هذى ظاهره حيل منتشره والله ع ايامنا ماكوو بويات والفئه هذى آصلا مذمومه بالمجتمع و السبب الاساسي فيها التقليد الاعمى .. و ضعف الوازع الديني .. و آنا اقوول للاهالي شوفوا عيالكم و ديربالكم و شوفوا منو يصاحبوون لان بذات بالمراهقه التقليد شي اساسي فيها .. و الله يصلح و يهدي الجميع .........
الله الشرهة علي اهلهم اللي راضين عليهم حتي لو في الهرمونات اعلجهم احسسهم ان اهم بنات الحين البنات يصيرون رياييل والرياييل يصيرون بنات
اي و الله وايد انتشرت :frown: بس في بعضهم شاذات و بعضهم في مرض نفسي و بعضهم حشره مع الناس عيد و الله يهديهم
اي والله صج مشكله وانا الحين اشوفهم اكثرووو حيل اتوقع هالشي من عوامل اجتماعيه او نفسيه.... والله يهديهم ويصلحهم يارب ........
اول شي التنشئه وين الاهل عنهم في الصغر ثاني شى ضعف الوازع الديني ثالث شياكيد في خلل في الاسره والله يهديهم
الله يستر علينا وعليهم هذا مرض والعياذ بالله اعتقاد اساس المشكله من داخل الاسره والبعض تقليد على العموم وفى الغالب مرض نفس ومشكوره على طرح الموضوع بس ياترى فيه حل
مشكوره على الموضوع الاعلام الله يهداهم هم السبب شوفي مسلسلاتنا كلها بويات وجنوس ورقص ومغازل على فكره شوفي محد مقلدهم الا الشباب لان ما لقو لهم قدوة الا الممثلين والمغنيين الله يهدي الجميع
الشرهه ع الأهل اللي يشوفونهم و ما يتصرفون معاهم .. بالنهايه الله العالم بظروفهم واللي مخليهم يتصرفون هالتصرف ..
انا قريت كل الردود وبشرح الشي من اختلاطي فيهم بالثانويه كنت احب اعرف سبب كونهم بويات واتقرب منهم كصداقه 1_في منهم حاسين بضعف بالبيت من طق وعصبيه الاهل ونعكس الشي برا البيت يبون يبينون انهم اقويا 2_في منهم تعرضو لعتداء جنسي من اللي حواليهم فكان الحل عندهم انهم يسترجلون ويبين انهم اقويا بالنسبه للبويات اهما اضعاف نفسيا لكن يبون يثبتون العكس للناس اماالسبب الثاني في من الاطفال ينولدون مجهولين الجنس والدكتور يحاول يقرب جنس المولود ولما يكبر الشخص يطلع التشخيص غلط وبالكويت حتى لو اثبت ان تشخيص الدكتور كان غلط يتم على ماهو عليه وابي اييبلكم مثال معانا بتدريبنا واحد تصرفاته وطريقته بنيه ومنبوذ من البنات ومن الشباب بالمجموعه والريال ياب للمسؤول عندنا ورقه تثبت ان اللجنه الدائمه للفتاء بالسعوديه اجازتله تحويل جنسه لانه عنده رحم لكن بالكويت يمنعون ان يغير جنسه او يسوي العمليه وخلاص دام التشخيص غلط يتحمل؟
