وقف تجنيس زوجات الكويتيين

مو شرط حبيبتي كل وحده تزوجت من كويتي عندها نيه مو صافيه انا مثل عندك سعوديه متزوجه من كويتى حرررررررررررررررررم تعممين عل كل وحده متزوجه من كويتي ان عندها نيه ماهي صافيه

بالعكس قرار مره سليم والمفروض مطبق من زمان لأني أشوف سوريات ومصريات والله مو عارفه اي حاجه عن الكويت فجأه كويتيه اشلون لا واللهجه مصريه !!!!! كيف !!!؟ أنا سعوديه ومتزوجه كويتي من ٩ سنين والى الآن محتفظه بجنسيتي وبكل فخر ومستحيل أبدلها بكويتيه لو ايش ما يصير بس تدرون ليش مو حاسه اني غير عن الكويتيه لان بكل مكان يعاملوني معاملة الكويتيه لأني خليجيه يعني كأني بديرتي مو ناقص علي شي .. *

زين يسووون فيهم
هههههههههههههههههههههههههههههه

خاطرة

حبيبات المنتدى السلام عليكم ورحمة الله وبركاته
أنا إنسانة ما أحب الشتم لأي إنسان نفس ما أحب لنفسي أحب لغيري وإحنا مسلمين قبل كل شيء تحكمنا أخلاقنا الإسلامية قبل كل شيء احنا هنا بالمنتدى نفيد ونستفيد مو نسب ونشتم أترى ما ينطق من قول إلا ويكتب علينا ( ألم تر كيف ضرب الله مثلا كلمة طيبة كشجرة طيبة أصلها ثابت وفرعها في السماء ( 24 ) تؤتي أكلها كل حين بإذن ربها ويضرب الله الأمثال للناس لعلهم يتذكرون ( 25 ) ومثل كلمة خبيثة كشجرة خبيثة اجتثت من فوق الأرض ما لها من قرار ( 26 ) )
أترى أصابعنا مو سوى ولا اعيالنا سوى وإذا كان شخص مخرب سيء ما يسير نحكم على كل الناس سيئين واحنا مو ذنبنا أن جنسية ثانية اتزوجنا منها احنا مو كفرنا أستغفر الله احنا جانا الشخص وطلبنا من بيت كريم من دولة ثانية شخص مسلم لا نعرفة ولا ندري عنه من أهلنا من ديرتنا نفس أي بنت مسلمة تطلب للزواج وجاءنا من نرضا دينه وخلقه وهذا نصيبنا الحمد لله على كل حال فلا تسيرون أنتم والزمن علينا أترى احنا بنعاني فرقة الأهل حتى أن الأهل لا بيخبرونا على أي شيء بيسير لأننا في غربة إلا بعد ما نوصل لديرتنا وتسمع بعد مرور السنة والسنتين من وفاة جد عم ونبذكم في كل وقت أترى الكويت أحبها هي مني وأنا منها أحبها وأحب ناسها الطيبين وعندي ولدي كويتي وأترى ما في أحد يحب يخرب حياتوا الزوجية وفرقة عيالوا عشان جنسية وصار لي 12 سنة من الزواج وعايشة فيها ما عندي جنسية لغاية الحين مو معتبرينا منكم ونابذينا شنوا عندنا عنكم إجار واحنا عايشين في إجار وظيفة وما عندنا لأن ما عندنا جنسية بغيت أعرف ليش ما تحبونا ما تواطنونا لو كان شخص غير مسلم نصراني كنت تتقربون له عشان يسلم واحنا مسلمين نفسكم تنبذون بس لأننا من دولة ثانية إلي متى هذا الكره والبغض ما لي أقول اللي يحبنا نحبوا و أنوا اللي عاجبوا حالنا ويتشمت فينا ما تدري كيف تدور الدوائر ممكن الله يقدر عليكم أن يتزوجون عيالكم من غرباء وتحسون فينا ساعتها بمعانتنا و الله يهدي الجميع

اجل الجنسيه الكويتيه لسيلانيه وهنديه وفلبينيه هذا اللي ناقص ،،،،،،،،لو يعدلون القرار وتاخذ الجنسيه بس الخليجيه (خليجنا واحد)،،،،،،،،،،،،،،،*

وجعلناكم شعوبا وقبائل لتعارفوا

إنما الاعمال بالنيات

مشكلة اجتماعيه متشعبه

السلام عليكم و رحمة الله تعالى و بركاته
أنا مغربية و أفتخر و تزوجت من كويتي و لي الفخر مو لأنه كويتي بس لأنه مسلم يخاف ربه و مراعيني و يحترمني و لا همني أعيش وياه بالكويت أو بالمغرب أو حتى بجزر الوقواق . سبحان الله احنا مسلمين و عرب و للحين في تفرقة في مواضيع حتى الدين ما ذكر فيها أي حرج لا حول و لا قوة الا بالله
أولا كل انسان فخور بجنسيته و ببلاده و عيب لما نتكلم عن الزواج الميثاق الغليظ المبارك من رب العالمين . يا ليت اعرف شو الفرق بين المغربية او الكويتية او السورية او حتى الهندية اذا مسلمة **ليه مسميه؟؟؟ اذا رب العالمين ما فرق بينا غير بالتقوى حتى بين عرب و عجم شلون احنا الي بشر عباده سبحانه و تعالى نحط معايير خاصة فينا . حسبي الله و نعم الوكيل بعدين البلدان الي ماهي عاجبة بعض الناس فيها خير و كل بقعة على وجه الارض رب العالمين جعل فيها خير و نعمة بس تختلف من بلد لبلد و شو هالطمع الي تتكلمون عنه يخلي انسانه تتخلى عن احلى سنين حياتها عشان تتزوج كويتي على قولتكم؟ في شي يسوى عمر الانسان الي مافي شي يشتريه؟
صراحة أنا جديدة بالبلد و صار لي أيام و دخلت هالموقع على أساس اكون علاقات اجتماعية في بلد عربي مسلم يعتبر جديد علي بس اذا اكثر العقليات بهالطريقة فلا حول و لا قوة الا بالله فعلا بعض الكلام الي انذكر يكدر الخاطر و لا حول و لا قوة الا بالله الله يهدي عباده و ان شاء الله ما يعطون الجنسية حق زوجات الكويتيين لأنه الي تتزوج ما اتوقع تسعى ورى جنسية بكثر ما هي دور الستر و رضا رب العالمين و الذرية الصالحة و هاي هي الجنسية الوحيدة الي الانسانة تتمناها عشان تتقرب بيها من رب العالمين و تدخل بيها الجنة ان شاء الله

لا يسمن ولا يغني من الجوع بصراحه

لانها اذا تبي الريال ما تهمه تجنست او لا