يلااا يامهات وينكم ماشالله جم وحده بالمنتدى ولدوا تعالو سولفولنا عن ولادتكم وبأي مستشفى واسعارهم وشيبتوا بنوتات ولا صبيان؟
انا اول ولاده ولادتها براشد عند الدكتوره ايفا اجنان وفوق الجنان الكمام ومعاملتهم حتى الفحص حقهم حلو بصراحه حبيته وجبت بنت وقعدت سنتين وحملت ولدت بلندن امدحوالي ناس وايد ورحت لهم بس بصراحه تجاري عمليه قيصريه وفتحو بطني وبصراحه معاملتهم يعني حتى الغرفه صغيره موحلوه كلش واخذ مني 700 دينار تقريب وجبت بنوته والحين انا حامل وادش الشهر الثامن بس محتاره بين الهادي والراشد بصراحه شكلي راح اروح الراشد لان لقيت الدكتورتي القديمه وان شاء لله اذا ولدت اقولج وشلون ولادتهم
ام شواقه الله يتمم حمالج على خير دامج مرتاحه على الراشد اولدي هناك انا والده بمستشفى لندن يهبلون بس في ناس وايد مايمدحون قسم القيصريه اما قسم الطبيعي يهبل روعه وعيبهم تكيييفهم حااااار
الله يتمم عليج خير يارب ام انا عن نفسي ولادتي الاولى بالعداااااااااااان وكانت ممتازة حيل نمت عندهم من الشهر الثامن ولا استعجلوا علي وولدت بنص التاسع لانة الماي نشف وولدت قيصرية عند دكتور مجدي (الغصاب) كانت ممتازة معاماتهم بس العملية تعبتني حيل لاني شرقت وقعدت ارافس وانفتحت علي بس حيل طولت على ماصكرت كل يوم وترك تضميد لي اربع شهور والحمداللة وبعدها بخمس سنين جبت الثاني عندهم عشانهم مايستعجلون وصلت 8سم وتعب قلب الجاهل وماحبو يغامرون فيني ولا في الجاهل وسوولي قيصرية بس ممتازة عند دكتور علاء ابراهيم يهبل بس المعاملة بالجناح هالمرة زفت اطق الجرس ومايجوني اخر شي طلع الجرس خربان ودي المرة الثالثة ابي دكتور علاء بس يولدني بمستشفى السلام ياليت يجيني هناك لانة حيل يهبل وتسلمون وعسى اللة يسهل على الجميع
السلام عليكم اشلونكم بنات انا ولدة ولدي الاول بكري بالسلام كنت صغيرة حيل كان عمري 15 وولدة بشهري السابع لان الرحم والحوض كان صغير ماقدر يستوعب البيبي اكثر وعطوني ابرة الظهر كانت توها طالعة وكانت امي حيل متخوف منها بس زوجي اصر وقال ماابيها تتعب وتتعذب والحمدالله ماحسيت بشي وولاداتي الباجية بمستشفي الجهرا طبعا مالة داعي اذكر الجهود الي يبذلونها في تعذيب الوالدات بس ولاتي الاخيرة تعبة حيل بالجهرا وطلعة ولدة بالعرف وجبت بنتي مها والله خوش عناية كمامهم روعة ماحسية باي شي خياطها يجنن وتجميلي ولدتي تسفتانا البلغارية النفس تجنن والممرضات يدشون معاج الحمام عزكم الله وصج عناية تهبل بعد معاناة لمدة 3ايام بمستشفي الجهرا لاعاد الشر
السلام عليكم انا ولاداتي كلهم بالخاص بس انا مو على الخاص على الدكتور عيالي سمله عليهم والله يحفظهم الخمسه عند الدكتور محمد صلاح الاشنيهني دكتور عجيب معنا الكلمه دكتور عنده ضمير ومايخليني دايم اكوت معاي وغير مساعدينه. دكتورين معاه مايخلي الستتر اجيسج اخلي مسعدينه الدكاتره معاه واقفين فوق راسج والحجي مو معاي بس اختي ولدت عنده نفس الشي وحماتي بعد كل مايروح مستشفى انا اروح وراه خلاص تعلمت عليه وانا مرتاحه حقه
والله انا الصراحة ولدت في حكومي بس والله اهتمو فيني حيل والحين ناويه اولد في دار الشفاء بجرب ولدتهم لا يمدحونها بشوف شنو الفرق بينهم وبين الحكومه
مرحبا انا ولدت برويال حياه بصراحه خوووش مستشفى راقي وعنايه ماكو احلى منها وخياطهم جدا روعه ماحسيت بشي لان مجتني طلوق بس ماي هم اللي ولدوني واخذت ابرة ظهر وعطوني خصومات وجلسة مساج تجنن مره حسيت كل شي برحم من وصخ وانتو بكرامه نزل من المساج .. انصحكم فيه عند دكتوره بولين تجنن انا قاطه الحبوب اذا حملت راح اولد عندها انشالله ..
انا ولدت بناتي الثنتين بمستشفى هادي لكن اييب دكتوره دلال السالم انسانه ولا اروع والله با بنات بقمة الاخلاق وصبوره وشااااااااااااااااااااااااااااااطره...والحين انا حامل بالشهر الثامن بس ابي اولد بالصباح وايد مدحوهم لي واعرف دكتور هناك اسمه اليكس وايد مدحوه بنات خالتي ادعوا لي بالسلامه وانا باذن الله وقت الطلق بدعي لكل وحده بالذريه الصالحه
سلاام عليكم.. شلونكم؟شخباركم؟ انا من قبل كتبت لكم تجربة ولادتي على بجري بمستشفى المواساة .. الحين حمدالله ولدت بنتي بالسلامة وهم بمستشفى المواساة.. صج تعبت على ما طلعت بس حمدالله ولدت طبيعي لان الدكتووور حدة روعة ماشالله وشاطر (د.ناهض )وخياطه حده عجييييييب واهوا دكتور محترم جداً جداً (حلوة جدا جدا) :wink_smile: وعلى فكرة بنتي كانت مرتفعة بس مااستعيل علي ولا شفطها حمدالله.. وخذيت مسكن وكمااام.. والعناية هناك ماشالله ما تغيرت على ولدي كانت زينة والحين بعد احسها احسن.. وحتى قبل مااولد خلوني احضر كلاسين واحد عن الرضاعة الطبيعية والثاني عن المسكنات والولادة والطلق والصراحة يفيدون الوحدة البجرية وانا صج مو بجرية بس هم استفدت.. الله يتمم على اللي ماولدت ويقوم الجميع بالسلامة ويرزق كل وحدة محرووومة..:rose:
امممممم شوفي حبيبيتي تقريبا 980 لان انا اول يوم خذيت الغرفة العاديةstandard، ماحصلت الجناح الملكي اللي ابيه الا ثاني يوم واسم الجناح floral احسه اذرب جناح بالمواساة لان غرفهم مو ذاك الزود وهذي الغرفة الوحيدة اللي تشرح النفس، والولادة كانت حمدلله طبيعية.. واي سؤال ثانني حاضرين :wink_smile: مشكوووووره ياقلبي ماقصرتي
انا ولدت ابولدي الاول بالعدان انه صار معاي سكر حمل الله لا اوريج مو عدان اعدام اذا ييتي الحمامات وصخه واذا يييتي السسترات اكلاب اتنرفز فوق راسج واعصبون عليج واذا دقيتي الجرس ما اردون عليج لو اتموتين ابمكانج ما احسون فيج تبتبعد ما ادش عندهم ابولدي الثاني ولدت ابمستشفى خاص ابلندن كلينك مستشفى حلوه وراقيه ولدت عند دكتوره هنديه دكتورتي اسمها سوفيت وعاها مساعدتها اتهبل دكتوره شاطره واسعارهم حلوه مو غاليه.
