يابنات تكفون اللي عندها خبرة تفيدني والله محتاجة ردودكم

مساء الخير
يابنات انا عندي مشكلة وهي (الفوط) بعد ما اغسلها تطلع ريحة مو حلوة والريحة ماتروح مع اني غيرت الفوط كذا بس نفس المشكلة والله اغسلها بصابون وديتول العناية الشخصية واحط نص علبة كومفورت وانقعها فيه واول ما انشفها شحلات ريحتها بس اتم ساعة الا تغيرت الريحة.
اللي عندها حل تفيدني والله مليت من كثر ما اشتري فوط .

اذا تقصدين فوط للاستخدام الشخصي
اشتري الفوط الغالية يعني هوم سنتر او ماركس سنبسر او نكست وغيره
كد ومد وغسل ولبس
لاني قبل شاريه روب ب4 دنانير وربي لما اغسله ريحته خايسة
ولما شريت غالي للحين عندي من ثلاث سنين شحلات ريحته بعد الغسل

تسلمين حبيبتي عالرد
والله فوط الاستحمام اخذها من اماكن معروفة وغالية بس ماني لاقيه حل لهالمشكلة .

وانا عندي نفس المشكلة

بس احنا بنضحك على ريحة الفوطة بعد الاستخدام ونقول لبعض من عفونتك الفوطة اتعدت ونرميها في الغسيل

حبيبتي شرقيهم عدل بالشمس لوقت طويييل
فديـــــــتج ج ج ج

حبيبتي انتي تستعملين خلطات او زيوت لجسمج فيها عطر وتلفين الروب عليج.؟؟؟

يمكن تمسك الريحه فيه ومع الرطوبه تطلع ريحه مو حلوه

شكرااااااااااااااا عالردود

لااااااااااااااااااااااااااااااا .. امبيه انا مثلج قبل ,, الحل الأفضل صج لا تحطينهم بالشمس بالمره,, شريهم على منشر بالبيت ,, داخل البيت ,, حتى ملابسكم ,, انا مثلج ما احب ريحة الشمس تصير فيهم ريحة رطوبه وعفن ما ادري شلون صايره لما تطقهم الشمس,, سمعي نصيحتي وجربي وبتستانسين على ريحتهم وعلى ريحة البيت بعد,, بتصير ريحة البيت نظافه