والله سوالفكم تونس حلوه بالنسبه لي زوجي يهبل أخذته عن حب الله يتمم علينا ويبعد عنا كل عين آآآآآمين بس المشكله ما يحب يطلع معاي ليش سألته يقول ما أحب أطلع مع الحريم يطلع مع ربعه المولات وكل مكان بس لو قلتله نطلع يتأفف في البيت رومانسي واااااااايد بس بالطلعه يمشي كأنه عسكري وكله مرتبك ليش يمكن معقد نفسيا من الطلعه ....
انا ازوجي يحرجني من كثر مايطالع البنات كل ماطلعت معاه لازم هوشه والبنات عليهم حركااات بايخة لاشافو واحد ويا زوجته قامو يخزوون
الله يعينج....حاولي تشغلينه فيج بافكار جديدة وسوالف ناعمة ...حتى لو تتقمصين شخصيات خيالية عشان تجذبينه صوبج...الرياييل عقلهم وقلبهم ورا اللي تونسهم صدقيني.............
حبيبتي اللي تكشخين وزوجك مايعطيك وجه أول ماتشوفينه مشغول بالنت روحي وتقربي منه وإطبعي قبله بالمكان اللي تبينه وقوليله إشتقت للقعده معاك وولهانه على حضنك تلاقينه يسكر النت ويشيلك جربي والله يقربكم من بعض ويهدي النفوس
احس ان الرياجيل فلسفه معقده,,,,ذبحووونا والله والمشكله لااازم نكسب رضاهم,,, احسن شي..ريحي بالج وسوي اللي عليج تكشخي وتعدلي وقومي بواجباتج الزوجيه واشغلي نفسج بشي لمصلحتج حاولي تتلهين عن هم شلوون اخليه يمووت فيني..وصدقيني راح يركض وراااج ركض..قالتها وحده ومت ضحك عليها بس فعلااا جابت نتايجها هالنظريه ((( الرجال مثل الطابع تـــفلي عليه يلزق))) ههههههههههههههههههههههه<<وراها خراب بيوت..لحد يطبقها مالي شغل لاتحطون في ذمتي,,,,
انا متزوجه صارلي سنه واكتشفت انه زوجي يمييل حق الجنس الثالث يعني يحب الاثنين الحريم والريال اللي شكله شكل بنت ........وماينام معاي الا 3 مرات بالشهر وانا عروس وعادي يمر 10 ايام او اسبوعين ما يجيسني وانا الحمدالله حلوه ومهتمه اب نفسي وايد ... وصلت حق مرحله شكيت اب انوثتي ورحت حق دكتورة معروفه بالكويت قلتلها وضعي وقالتلي تاعيب فيه مو فيج اهوا لازم يعالج ...... هالموضوع وايد متعب نفسيتي ومحد من أهلي يدري أبي استر عليه والمشكله الاعظم انه طيب وحنون ورومانسي وكريم كل شي حلو فيه بس انه يميل حق الجنس الثالث وانه ما يمارس معاي الجنس وايد ..... أنا محتاره وقاعده أصبر صاري سنه ما أحس اني متزوجه و رفيجاتي لمه يسولفين شلون رياييلهم كل يوم يمارسون انا عيني تدمع بس أقول الله معاي وقاعدة أدعي اموري تتحسن أدعولي براحه البال
يسلمو ع الموضوع الاكثر من حلو خلينا اقل شي نلقى مكان نفضفض فيه بهمومنا اكثر شي يضايقني زوجي الله يهديه يطالع بالنت المقاطع المخله لا وبعد يحطهم بمومبايله
حبيبتي ف افنيو الله يعينج على هالمشكلة والله يصبرج , بس هذا دورج الحين لازم تذكرينه بالله على طول حتى لو بصورة غير مباشرة , حطي قنوات القرآن على طول في بيتج . حضري دروس دينية وبعد ماتردين ألفي سالفة وتكلمي عن اللي يحبون اللواط وشنو عقوبتهم يعني تكلمي معاه وكأنج ماتدرين عنه وعن سوالفه . وانتي بعد تقربي من ربج اكثر واذا شفتي مامنه رجا , حبيبتي هذا البعد عنه غنيمة لا ينقلج أمراض حافظي على نفسج احسن اذا ما تاب لله , والله يهدي النفوس.
اللوتس اول شي حاولي تروحين مع زوجج عمره وهناك كلميه عن المقاطع اللي يشوفهم يمكن الله يهديه , واذا ما بطل اتخذي موقف .
السلام يابنات انا عجبني الموضوع قعدت ساعتين اقرا كل الردووود لوووووووووووول ماكو شغل استانست الحين نبي نغير شرايكم بموضوع عمليه تضيق وترجعج عذراااااء اخاف اسويها لان وحده سوتها تقولل لحد الحين يعورها هي مسويه العمليه من سنتين
